Exode 3:4 - UNIMBƆTI NYƆƆBUNDI GBƆŊKU

⁴ Ti-Dindaan nín ká yii u sútìń kí kpèèyee ní u yíiń-u kisugbooyee poon yii: «Mooyiisi! Mooyiisi!» Ní Mooyiisi kíí-u yii: «M sèé!»

Exode 3:4 Iomraidhean Croise

Genèse 22:1

Míǹ boonee, Unimbɔti cɔ́ŋkì Abraam. U nìn yíiń-u yii: «Abraam!» Ní Abraam kíí yii: «M sèé!»

Genèse 22:11

Kpalaayee ní ti-Dindaan tuuŋŋu téenní yilpu ní ki bí yii: «Abraam! Abraam!» Ní u kíí yii: «M sèé».

Genèse 28:16

Jaakɔb fīntèe ní ki bí yii: «Tiŋman, ti-Dindaan di bí doo ní man kaa nyí.»

Genèse 46:2

Kunyeeu gbantee, ní Unimbɔti sòon̄ nì u kudamintiiun, ní ki yíiń-u yii: «Jaakɔb! Jaakɔb!» Ní u kíí yii: «M sèé.»

Psaumes 62:11

Taa nín̄ mákámaan tipɔmbɔti pu, kí taa nín̄ máká tiwan tin ni fìkēe pu. Báà ni-gaajati yaa bíi wīintáaa, ní taa nín̄ máká ti-pu.

Exode 19:3

Ní Mooyiisi dàb̄ dijool ki nín cá Unimbɔti cee. Ti-Dindaan nìn bíń dijoolee yilpu ki yíiń-u ní ki bí-u yii: «Á tùkù Jaakɔb naantiibi Isirayeel yab yii:

Exode 3:2

Niin ní ti-Dindaan tuuŋŋu nyántì ŋu-ba ki dàkā-u ŋŋmin kisugbooi poon. Mooyiisi ká aŋmilimbil nyēē kisugbooyee poon, ama ní kíǹ ki-ba kaa bíi wù.

Exode 33:12

Mooyiisi bí ti-Dindaan yii: «Kpèè, sii di bí-mi yii ḿ kpòotī dinibul nee, ama ní kaa yāntì m béè un ní a làá tɔ̄ń ú céeǹ-mee. Ama si mun di bí-mi yii: <M nyí-si tiŋan>, ní ki gíti lī yii: <A ká diyimɔɔl m-cee.>

Exode 4:5

Ní ti-Dindaan bí Mooyiisi yii: «A nín làá ŋá tin kí dàkà Isirayeel yab yii man bi-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu nyántì u-ba ki dàkā-see dee.»

Lévitique 1:1

Ti-Dindaan yíiń Mooyiisi circir kɔŋkooŋŋun ní ki sòon̄ nì u ki bí-u yii:

Actes 10:13

ní nneen ŋubɔ bí-u yii: «Peetroo, yīkìm̄ kí kpɔ̀ kí ŋmɔ́!»

Actes 10:3

Dalbee, an cá kii tikúti titee, u ká Unimbɔti tuuŋŋu kpìrrr, ŋu kóoń u-cee ní ki bí-u yii: «Kɔɔrneeyi!»

Actes 9:4

ní u lítì kitiŋ. Niinee ní u gbìl̄ nneen ŋubɔ bí-u yii: «Sɔɔl, Sɔɔl, ba ŋá ní a páb́-mi míǹ?»

Deutéronome 33:16

Tigaajati tin gbí kitiŋ nee puee nì ti-Dindaan un nìn nyántì u-ba kisugbooi poon ki dàkēe biindi ń dāan̄ kí nīn bí Jooseefi pu, úǹ un sá kii ubɔti u-nabiyaamu kansikinee.

1 Samuel 3:10

Ti-Dindaan nìn dɔ́miń ki lēē u-bítam ki dàkā. Kii u nín bàà pée bíi yíì-u puee, u nìn tí yíiń-u yii: «Samiyeel! Samiyeel!» Ní Samiyeel kíí-u yii: «Nín̄ sòoǹ, man a-tɔntɔnliu pílifí.»

1 Samuel 3:4

Ti-Dindaan nìn yíiń Samiyeel, ní u kíí yii: «M sèé».

1 Samuel 3:6

Ní ti-Dindaan fātìi yíiń Samiyeel nliliitiim. Ní Samiyeel yíkì ki nín gítí Eelii cee, ki bí-u yii: «A nín yíiń-mee, m sèé.» Ní Eelii bí-u yii: «Maa yíiń-si m-biki, nín̄ gítí kí cùú dòon̄.»

1 Samuel 3:8

Ní ti-Dindaan gíti yíiń Samiyeel ntataatiim ní Samiyeel yíkì ki nín cá Eelii cee ki bí-u yii: «A nín yíiń-mee, m sèé!» Niinee Eelii nín béè yii an sá ti-Dindaan di bíi yíì kibiki.