Exode 3:2 - UNIMBƆTI NYƆƆBUNDI GBƆŊKU

² Niin ní ti-Dindaan tuuŋŋu nyántì ŋu-ba ki dàkā-u ŋŋmin kisugbooi poon. Mooyiisi ká aŋmilimbil nyēē kisugbooyee poon, ama ní kíǹ ki-ba kaa bíi wù.

Exode 3:2 Iomraidhean Croise

Genèse 21:17

Niinee Unimbɔti gbìl̄ kibikee bíi sūǹ, ní u-tuuŋŋu kālìń yilpu ki yíiń Agaar ki bí-u yii: «Agaar, ba kpá-si ní? Taa fàŋkì tiba, kun puee laakin a-biki bí nee, ki-siim bàn̄ Unimbɔti.

Genèse 22:11

Kpalaayee ní ti-Dindaan tuuŋŋu téenní yilpu ní ki bí yii: «Abraam! Abraam!» Ní u kíí yii: «M sèé».

Genèse 48:16

Unimbɔti tuuŋŋu ŋun nyántì-mi tin kɔkɔ kaa ŋān̄ee poonee, ń bìin̄ mbiyaamu nee boon. Bi-puee m-yindi nì m-naanja Abraam yindi nì m-baa Isaaki yindi ń nīn bí ki cá. Bí màal̀ kí bùtī kí gbí kitiŋ kɔkɔ.»

Psaumes 66:12

A yāntì bitanjakaliibi dū itaamu ki tāā ti-yiliŋ pu ki jítì. Ti kɔ́ ŋŋmi nì nnyimin, ama a nyántì-ti ki kɔ́ǹ digbíl poon.

Exode 19:18

Siinaayi jool kɔkɔ nìn kpántì ŋŋminyiim ŋma ní, kun puee ti-Dindaan nìn kpákatìń ŋŋmi poon. Ŋŋminyiimee nìn nyēē ki jɔ́ḿ kii kipaai ŋminyiimee, ní dijool kɔkɔ nìn cīŋkì tiŋan tiŋan.

Exode 23:20

«Kpèè, m làá tɔ̄ń m-tuuŋŋu ŋú lìntī ni-nyɔkɔpu kí nīn cí-ni kí cáá-ni kí cùnnì kitiŋ kin m bɔ́ntì ki yóoǹ-nee.

Exode 24:17

Ti-Dindaan nyooti tin nìn dɔ́miń Isirayeel yab ceeyee nìn bí kii ŋŋmi ŋun pɔ̄ɔ̄ kpaŋkpamee ní dijoolee yil pu.

Exode 3:16

Kɔŋkɔnnee, cù kí kpāfì Isirayeel kpilib, kí tùkù-bi yii ni-Dindaan ni-naanjab Nimbɔtiu, Abraam Nimbɔtiu nì Isaaki Nimbɔtiu nì Jaakɔb Nimbɔtiu nyántì u-ba ki dàkā-si ní ki tùkū-si yii: <M ká Eejipiti yab nín bí ki sàantí-ni puee, kɔŋkɔnnee m làá fīī-ni.

Esaïe 43:2

A yaa bíi dùtī nnyim, m làá nīn bí a-cee, a yaa tí bíi dùtī ibun, i kpá ki làá yòon̄-si. A yaa bíi còom̄ ŋŋmi poon, ŋuaa làá wà-si, ní aŋmilimbil kaa làá gbēē-si.

Esaïe 63:9

Bi-nimbinaamandi kamaa poonee, an kaa nìn sá ntuun ŋubɔ di fīī-bi, ama ti-Dindaan u-ba di nìn fīī-bi. U-neendi nì u-saasɔl poonee, u nìn fīī-bi ki líì. U nìn yōoǹ-bi ki túǹ kii iyunti in nìn jítèe poonee.

Daniel (hébreu) 3:27

Ní ntiŋgbamu kpilib nì Kɔmandambi nì ntiŋgbamu gɔminab nì ubɔti kpambaliŋ cīī ki kpèé-bi, ní ki dáań ki ká yii ŋŋmi kaa wùn̄ bi-wuntaaa, kaa wùn̄ bi-yikpitaaa, kaa wùn̄ bi-wampeeŋkaati mun, ní baa kpáàa gbìl̀ bi-pu ŋŋminyiim nunuŋu.

Zacharie 13:7

Ti-Dindaan Mpɔŋkɔdaan lī yii: «Kitàataajiki, yīkì kí já nì m-pikpaaliu, kí já nì unil un bí ki pìl̄-mee. Fáá kí kpɔ̀ upikpaal ipii làá yàl̄, ní ḿ fàtīí nyā mpibiyaamu pu.»

Malachie 3:1

Kpèè, m làá tɔ̄ń m-tɔntɔnliu. U làá cátí nsan ń dòon̄ m-nimbiin. Dicilpu dicilpu ni-Dindaan un ni nyàab̀ee làá dāan̄ kí kɔ́ u-diikun. Kpèèmaan dipoondi tuuŋŋu ŋun ni kā ki cée. Ŋu dòoń. Ti-Dindaan Mpɔŋkɔdaan di lī míǹ.

Marc 12:26

An yaa kíǹ bitaŋkpiibi fìkititamee, naa kàan̄ Mooyiisi nín ŋmàn̄ pu u-gbɔŋkuneeee? Laakin sòoǹ tin jítì kikuŋkumbiki caŋinee, Unimbɔti nìn lī-u yii: <Man di sá Abraam Nimbɔtiu, Isaaki Nimbɔtiu nì Jaakɔb Nimbɔtiu.>

Luuki 20:37

Mooyiisi nìn ŋmàn̄ ki cántì yii bitaŋkpiibi làá dāá fìkitī, laakin u sòoǹ kisugbooi kin nìn fōō ŋŋmee bɔtee. U nìn yíiń ti-Dindaan yii: <Abraam Nimbɔtiu, Isaaki Nimbɔtiu, Jaakɔb Nimbɔtiu.>

Jean 1:14

Un sá Dinyɔɔbundee kpántì unil ki kāl̀ ti-kansikin ki cáá tiŋan nì ibaamɔn tikpil, ní ti ká u-nyooti tin u nìn fōō Ubaati ceeyee, kun puee u sá Unimbɔti Jipɔmbaabil.

Romains 8:3

Di sá yii Mooyiisi marab kaa nìn ŋúń ki ŋá míǹ, kun puee binib bí iwɔfin, kaa ŋūǹ kí nóó marabee. Ama ní Unimbɔti dū úǹ u-ba Jipɔɔn ki túnní, u dɔ́miń ki cáá tiwumbaantiil kii timbi bikpitibee, ki ŋúń ki lēē ikpiti. Unimbɔti ŋá míǹ ki kúntì mpɔn ŋun ikpiti cáá binib puee.

Deutéronome 33:16

Tigaajati tin gbí kitiŋ nee puee nì ti-Dindaan un nìn nyántì u-ba kisugbooi poon ki dàkēe biindi ń dāan̄ kí nīn bí Jooseefi pu, úǹ un sá kii ubɔti u-nabiyaamu kansikinee.

Deutéronome 4:20

Ama nimbee, ti-Dindaan yōoǹ-ni ki nyántìń kipaai ŋmiŋu poon Eejipiti tiŋkin ní nīn kíǹ ki sá nnibool ŋun sá ki tīī-uee, kii ni nín sá pu díǹ ki tīī-u nan ní.

2 Thessaloniciens 1:7

U làá dāá kàan̄ nimbi bin jíń falaayee nì timbi nsɔŋfin ŋyunti ŋun ti-Dindaan Yeesu yaa láa nyánní yilpu nì u-tuuŋyi ipɔndambee.

Juges 13:13

Ní ti-Dindaan tuuŋŋuee kíí Manoowa yii: «Tin kɔkɔ ní m kōoǹ a-nimpuuee, ú kòò-tì.