Exode 3:12 - UNIMBƆTI NYƆƆBUNDI GBƆŊKU

¹² Ní Unimbɔti bí yii: «M làá nīn bí a-cee. Kun làá nīn sá-si kudaaŋŋu á béé yii man di tú-see di sá a yaa láa nyántì Isirayeel yab Eejipiti tiŋkinee, dijool nee pu ní ni làá dāá jāam̀ man Unimbɔti.»

Exode 3:12 Iomraidhean Croise

Genèse 15:1

Míǹ jítì boonee, ní ti-Dindaan lēē u-ba ki dàkā Abram ki bí-u yii: «Abram, taa fàŋkì tiba, man di wúń a-pu. Tiŋan tin m làá ŋá-see làá nīn wīikí tikpil.»

Genèse 15:8

Ní Abram bí yii: «Ti-Dindaan Unimbɔti, m làá ŋá mana kí béé yii man di làá nīn lafun yì kitiŋ gbanti?»

Genèse 26:3

Á gbíntí kitiŋee poon, m làá nīn bí a-cee ki làá bìin̄ a-boon, kun puee sii nì a-naantiibi ní m làá dū kitiŋ gbanti kɔkɔ kí tīī. M làá ŋá míǹ kí dàkà yii m nín nìn pōoǹ min ki tīī a-baa Abraamee, maa làá kpántí.

Genèse 31:3

Ní ti-Dindaan bí Jaakɔb yii: «Nín̄ gítí a-naanjab tiŋkin a-dumpu, man làá nīn bí a-cee.»

2 Rois 19:29

«Eeseekiyaasi, kudaaŋŋu kun m tīī-see sɔ̀. Dun bindi nee, ni làá jī dibindi din jítèe jinti tin sá aleenee, ní jiilee ní dāá tí jī míǹ. Ama dibintataatiil poonee, ni làá dāá kpɔ̀ kí bɔ̄l̀ kí cā ni-kpaajinti, ní kí dāá kpɔ̀ afiinyikpaan kí dāá kìtī abil kí ŋmɔ́.

1 Chroniques 9:20

Njaminee, Eelasaar jipɔɔn Piinaasi di nìn sá bi-kpiliu, kun puee ti-Dindaan nìn bí u-cee.

Psaumes 86:17

Tīī-mi a-ŋanti daaŋku bin ná-mee ń ká ní icoo ń cúú-bi. Di sá yii sii ti-Dindaan di jòoń-mi ki ŋmēentí-mi.

Exode 18:5

Mooyiisi coo Jeetroo nì Mooyiisi nimpuu nì u-jipɔmbi bāań ki ká-u kuteeun, Unimbɔti jool caŋin, laakin u nìn ŋātì ŋkaa ki kēe.

Exode 3:1

Mooyiisi nìn bí ki kpàá u-coo Jeetroo, Madiyan tiŋki tandaaŋwu piii nì u-ŋoobui. Dalbee u yōoǹ tiwaŋkuti ki jítì kuteeu pu ki tin bàn̄ Ooreeb, Unimbɔti jool pu.

Exode 3:13

Ní Mooyiisi bí Unimbɔti yii: «Too, m làá cù Isirayeel yab cee kí tùkù-bi yii: <Ni-naanjab Nimbɔtiu di túnní-mi ni-cee.> Bi làá bàlifì-mi yii: <Bi yíì-u yii ba? M làá kíí-bi yii ba?>»

Exode 33:14

Ní Unimbɔti kíí Mooyiisi yii: «Mama m-ba di làá céeǹ-ni ní kí tīī-si diŋuŋfil.»

Exode 4:12

Míǹ puee, nín̄ cá, man làá nīn bí a-cee kí yábití a-nyɔkɔ kí dàkà-si tin a làá sòoǹee.»

Exode 4:15

Á sòoǹ nì u, kí dàkà-u tibɔti tin u máaǹ kí sòoǹee. Man làá nīn bí a-cee, ki làá nīn bí u mun cee ŋyunti ŋun ni yaa bíi sòoǹee, ní kí dàkà-ni tin sá ní ŋée.

Exode 8:27

Ti-Dindaan nìn ŋá min Mooyiisi bālifèe, ki kúntì ikpiŋki Faaroo nì u-kpambaliŋ nì u-tiŋki nib cee, báà ukpiŋki kaa ti kíǹ.

Esaïe 37:30

Eeseekiyaasi, kudaaŋŋu kun m tīī-see sèé. Dun bindi nee, ni làá jī dibindi din jítèe jinti tin sá aleenee, ní jiilee ní dāá tí jī míǹ. Ama dibintataatiil poonee, ni làá dāá kpɔ̀ kí bɔ̄l̀ kí cā ni-kpaajinti, ní kí dāá kpɔ̀ afiinyikpaan kí dāá kìtī abil kí ŋmɔ́.

Esaïe 41:10

Taa fàŋkì, kun puee m bí a-cee. Taa nín̄ kā ki yáliŋkí, kun puee m sá a-Nimbɔtiu. M dòoń kí tīī-si mpɔn, kí tūtuǹ-si, kí dū m-ŋaŋgiil ŋun pɔ̄ɔ̄ ki tìì dijajilee kí wúń a-pu.

Esaïe 43:2

A yaa bíi dùtī nnyim, m làá nīn bí a-cee, a yaa tí bíi dùtī ibun, i kpá ki làá yòon̄-si. A yaa bíi còom̄ ŋŋmi poon, ŋuaa làá wà-si, ní aŋmilimbil kaa làá gbēē-si.

Esaïe 7:14

Too, ti-Dindaan u-ba làá tīī-ni kudaaŋŋu kubɔ. Usapɔɔnee làá dāá cáá dipool kí màal̀ kibininjabiki ní kí dāá pɔ̄-kì diyindi yii Eemanuyeel, taapu di sá yii <Unimbɔti bí ti-cee>.

Jérémie 1:8

Á taa fàŋkì binib gbanti nimbiin, di sá yii m làá nīn bí a-cee kí fīī-si.» Ti-Dindaan nín sòon̄ nì mi puee dee.

Nombres 16:28

Ní Mooyiisi bí yii: «Tin làá ŋá nee di làá yàntī ní béé yii ti-Dindaan di túnní-mi ḿ nīn tūǹ atuun ŋin bí nee kɔkɔ. An kaa sá man m-ba pɔŋŋu pu.

Nombres 23:21

Ti-Dindaan kaa ká ikpiti iba Jaakɔb nibul pu, waa ká mɔnaafiki Isirayeel yab pu. Úǹ ti-Dindaan di sá bi-Nimbɔtiu, ní ki bí bi-cee. Bíǹ di kpáafí abɔtibaal ki tìì-u.

Matthieu 28:20

Ní dàkà-bi bí nīn ŋúb́ tin kɔkɔ m tīī-ni ní ŋée. Ní nīn nyí yii m bí ni-cee baabadal áli duulinya kúntitam.»

Marc 16:20

Ní u-boonnooliibi búntì ki sòoǹ tibɔmɔntiilee ajan kɔkɔ, ní ti-Dindaan bí bi-cee ki tūǹ maamaaci tuuŋŋi ki dàkà yii tibɔti tin bi sòoǹee sá ibaamɔn.]

Actes 11:21

Ti-Dindaan pɔŋŋu nìn bí bi-cee, ní kunipaau nìn fōō ki kíí ki nóó ti-Dindaan.

Actes 7:7

Unimbɔti gíti lī-u yii: <Ama kitiŋ kin yab làá dāá sàaǹ-bi mimmee, mama m-ba di làá dāá dáaĺ bi-tafal. Boonee, a-naantiibee làá dāá nyā kitiŋ gbantin kí dāan̄ doo kí nīn nyɔ́ŋkí-mi.>

Romains 8:31

Ti làá gíti lì tibɔti nee pu yii ba dee? Unimbɔti yaa yú ti-boonee, ŋma di gíti ŋūǹ kí ŋá-ti tiba?

Deutéronome 31:23

Míǹ boonee ní ti-Dindaan kpáafì Nuuni jipɔɔn Joosuwa ní ki bí-u yii: «Pɔ́ɔǹ a-ba kí ká dipɔbil, di sá yii sii di làá cáá Isirayeel yab kí kɔ́ǹ kitiŋ kin m pūtì ki pōoǹ kí tīī-bee poon. Mama m-ba làá nīn bí a-cee.»

Hébreux 13:5

Ní taa yàntī nnimbineel ń jī ni-pɔbiliŋ poon mpaan, ama ní yàntī án nīn mɔ̄ǹ-ni fiii un ni cááyee pu, kun puee Unimbɔti lī yii: «M kpá kí yàntī-si fám, maa làá dū-si kí fá míǹ jaanjaan.»

Josué 1:5

A-maŋfal wiiŋyi kɔkɔ kí tin cáá sāā a-kúmee, ubɔ kpá kí já kí pɔ̄ɔkiǹ-si. M nín nìn bí Mooyiisi cee puee, míǹ ní m làá nīn bí si mun cee. Maa làá yàntī-si, kaa làá fá-si mun.

Juges 6:12

Ti-Dindaan tuuŋŋu nìn lēē ŋu-ba ki dàkā-u ní ki bí-u yii: «Ti-Dindaan bí a-cee, ubaatandaan!»

Juges 6:16

Ní ti-Dindaan kíí-u yii: «M làá nīn bí a-cee ní á já kí pɔ̄ɔkiǹ Madiyan yab kɔkɔ dicilpu kii bi sá unibambaantee.»

Juges 6:17

Ní Geedeeyɔn bí-u yii: «M yaa lafun ká diyimɔɔl a-ceeyee, á dàkà-mi kudaaŋŋu kubɔ ḿ béé yii tilafuŋman sii di bíi sòoǹ nì mi.

Juges 6:21

Ní ti-Dindaan tuuŋŋuee tāntì ŋkpandɔ ŋun ŋu ŋúb́ee nyɔkɔpu ki gbēē tinan nì kpɔnɔb bin kaa cáá ŋkpɔnɔnyɔkɔee, ní ŋŋmi nyáń ditaŋkpal din pu an pée ki wùn̄ tinan nì kpɔnɔbee kɔkɔ múb. Niinee ní ti-Dindaan tuuŋŋuee wáŋkì Geedeeyɔn nimbiin.

Juges 7:11

A yaa bàn̄ niinee, a làá gbìl̄ tin binib bí ki sòoǹee. Án làá tīī-si kunyannyaau ní á ŋmā kí sìntī Madiyan yab naapaal pu kí cùú jáǹ-bi.» Niinee Geedeeyɔn nì u-tɔntɔnliu cōom̀ ki tin gūū Madiyan yab naapaal.

1 Samuel 14:10

Ama bi yaa bí-ti yii: <Jɔ̄mìḿmaan ti-ceeyee>, ti làá jɔ̄m̀, di sá yii án di làá dàkà yii ti-Dindaan dū-bi ki ŋá ti-ŋaan.»