Exode 3:1 - UNIMBƆTI NYƆƆBUNDI GBƆŊKU

¹ Mooyiisi nìn bí ki kpàá u-coo Jeetroo, Madiyan tiŋki tandaaŋwu piii nì u-ŋoobui. Dalbee u yōoǹ tiwaŋkuti ki jítì kuteeu pu ki tin bàn̄ Ooreeb, Unimbɔti jool pu.

Exode 3:1 Iomraidhean Croise

1 Rois 19:19

Niinee Eelii kíĺ nsan ki nín cá. U cée ní ki ká Safaati jipɔɔn Eeliisee ŋúb́ inaa in bi kpàl̄ i kù tikpaalee mmuŋku nì inaa ki bíi kù tikpaal. Eelii jítì u-ceeyee ní ki tɔ́ u-bɔkutikpaandi ki páaǹ Eeliisee pu.

1 Rois 19:8

Eelii yíkèe ní ki jíń ki nyùn̄ ní ki ká mpɔn ki cōom̀ iwiin imuŋku ili ŋwiimpu nì kunyeeu ki tin nyáń Unimbɔti jool Ooreeb pu.

Psaumes 106:19

Bi nìn mɔ́ɔ́ dinabil Ooreeb jool taapu, bi nìn dū tikúti ki mɔ́ɔ́ diwaal ki gbāaǹ ki jáam̀-dì.

Exode 17:6

Man làá cùú yūĺ a-nyɔkɔpu Ooreeb jool pu ditaŋkpal pu. Á fáá ditaŋkpalee ní nnyim ń nyā samaa ń nyɔ̀.» Ní Mooyiisi ŋá min ti-Dindaan tùkū-uee Isirayeel yab kpilib nimbiin.

Exode 18:12

Mooyiisi coo Jeetroo ŋá saraawɔkaa nì mpèé saraabi ki tīī Unimbɔti. Ní Aarɔn nì Isirayeel yab kpilib kɔkɔ dɔ́miń, ní bi nì Mooyiisi coo kpáfì ki jíń tijin Unimbɔti nimbiin.

Exode 19:11

Bí bɔ́ntí bi-ba kí nīn cí winta dal, di sá yii yaadalee, m làá kpákatiń kí nīn bí Siinaayi jool pu, dinibul kɔkɔ nimbiin.

Exode 19:2

Bi nìn yíkì Reefiidiim ní ki dūu bàn̄ Siinaayi teekun ki ŋātì ŋkaa niin ki túĺ dijool.

Exode 19:3

Ní Mooyiisi dàb̄ dijool ki nín cá Unimbɔti cee. Ti-Dindaan nìn bíń dijoolee yilpu ki yíiń-u ní ki bí-u yii: «Á tùkù Jaakɔb naantiibi Isirayeel yab yii:

Exode 2:16

Madiyan tiŋki tandaaŋwu nìn cáá bisapɔmbi biluli. Bi nìn dɔ́miń kí lúń nnyim kí sìtī laakin tiwaŋkuti nyùee kí nyùntī bi-baa piii nì u-ŋoobui.

Exode 2:18

Bi fātìi bàn̄ mmɔŋki bi-baa Reewuyeel ceeyee ní úǹ bālifì-bi yii: «Ba ŋá ní ni fātìń mmɔŋki díǹ malaa míǹ?»

Exode 2:21

Ní Mooyiisi lēē yii u làá nīn kíǹ ki kóò uninja gbanti cee. Ní uninjee dū u-bisal Seefoora ki pú Mooyiisi cáá.

Exode 24:13

Niinee ní Mooyiisi yíkì kutaafaau u nì Joosuwa un u dūu ŋàl̄ u-bee, ní bi nín jɔ́ḿ Unimbɔti jool pu.

Exode 3:12

Ní Unimbɔti bí yii: «M làá nīn bí a-cee. Kun làá nīn sá-si kudaaŋŋu á béé yii man di tú-see di sá a yaa láa nyántì Isirayeel yab Eejipiti tiŋkinee, dijool nee pu ní ni làá dāá jāam̀ man Unimbɔti.»

Exode 3:5

Ní Unimbɔti bí-u yii: «Taa sútí kí pìl̄ kisugbooi nee. Tákatí a-naatakaŋ, kun puee laakin a yú nee sá circir paaŋŋu ní.

Exode 33:6

Kí yòon̄ Ooreeb jool caŋin niin ní Isirayeel yab kíĺ kaa ti dū tiwannyaandi ki ŋá bi-wunti pu.

Exode 4:18

Mooyiisi fātì mmɔŋkee ní ki tùkū u-coo Jeetroo yii: «M làá mèè-si nsan kí fàtī Eejipiti m-nabiyaamu Eebru yab cee kí kpèè yii bi dáá gbíntìi bí dimaŋfalinaaa.» Ní Jeetroo kíí-u yii: «Nín̄ cá nì ŋgbansɔŋfi!»

Exode 4:27

Ti-Dindaan bí Aarɔn yii: «Nín̄ cá kuteeun kí tūŋkì Mooyiisi.» Ní Aarɔn yíkìi búntì ní ki tin tú-u Unimbɔti jool taapu ní ki kpàl̄-u bi jáam̀.

Amos 1:1

Tibɔti tin Amoosi upikpaal un sá Teekoowa tiŋkinee sòon̄ee sɔ̀. Abin ali kí wàatī kitiŋ ń cìŋkèe, ti-Dindaan nìn lēē tin u làá sòoǹ Isirayeel beel puee bɔti ki dàkā-u. Ŋyunti gbantee, Oosiyasi di nìn sá Juuda tiŋki bɔtiu ní Joowaasi jipɔɔn Jeerooboowaam nìn sá Isirayeel tiŋki bɔtiu.

Nombres 10:29

Mooyiisi bí u-coo Reewuyeel un sá Madiyan yab tiŋkinee jipɔɔn Oobaab yii: «Ti làá yīkì kí nīn cá kitiŋ kin poon ti-Dindaan pōoǹ yii u làá tīī-tee dee. Dāan̄ ti nì si ń cù, sii mun ń dāá ká tiŋan tin ti-Dindaan làá ŋá-tee poon tiba.»

Nombres 10:33

Ní bi yíkì ti-Dindaan jool taapu ki cōom̀ iwiin ita. Iwiin ita gbantee, ti-Dindaan dakaau nìn līī bi-nyɔkɔpu ki nyàab̀ mpaan ŋun ŋān̄ee bí kàl̄.

Luuki 2:8

Kitiŋ gbanti poonee, bipikpaaliibi biba nìn dɔ̄ tisatin ki kpàá bi-piii.

Actes 7:30

«Abin imuŋku ili boonee, ní Unimbɔti tuuŋŋu dɔ́miń u-cee kisugbooi kin wù bìlbilee poon kuteeun, dijool din bi yíì Siinaayee caŋin.

Deutéronome 1:2

(Kí nyā Ooreeb jool kí dūú dī Seeyiir jool pú kí cù Kadeesi Barneeya tiŋkinee, an sá iwiin saalaa nì ŋubɔ saŋkindi ní.)

Deutéronome 1:6

Ti-Dindaan ti-Nimbɔtiu nìn sòon̄ nì ti Ooreeb jool pu. U nìn lī yii: «Ni kāl̀ dijool nee pu ki yúntì.

Deutéronome 4:10

Ní téetí ŋwiin ŋun ni nìn síl̀ ti-Dindaan ni-Nimbɔtiu nimbiin Ooreeb jool caŋinee. Ti-Dindaan nìn tùkū-mi yii: «Kóoǹ samaa nee kɔkɔ kí kpāfì m-cee. M làá yàntī bí gbìl̄ m-nyɔɔbuŋŋi án nín làá ŋá pu bi-wiiŋyi in kɔkɔ bi cáá kí kàl̄ kitiŋ nee puee, bí bīfì kí nīn kíǹ ki fàŋkí-mi ní kí nīn cáa dàkà bi-biyaamuee.»

Juges 4:11

Eebeer un nìn sá Keeni maaliŋunee nìn dáaĺ u-ba ki nyántì Keeni yab, Mooyiisi coo Oobaab naantiibi kansikin. U nìn cūtìi cóoǹ u-tantiu seeni subu bun bí Sanayiim tiŋki ki pìlīǹ Keedeesi tiŋkee taapu.

1 Samuel 16:11

Ní Samiyeel bí Jeesee yii: «A-jipɔmbi kɔkɔ dɔ́mińaaa?» Ní u bí yii: «Aayee, bi-kɔkɔ kaa yá, an kíǹ ujoolkaa, úǹ bíi kpàá ipii.» Ní Samiyeel bí Jeesee yii: «Tɔ̄ bí yíiń-u, see ú bàń ní tí nín jī saraa jinti.»