Exode 27:2 - UNIMBƆTI NYƆƆBUNDI GBƆŊKU

² Ŋu-jaŋŋi naatil kpiŋŋi puee, á kpítí kí lēē iyin án jɔ̄m̀, i nì nsaraafan ń nīn sá mmɔm, ní á dū tasa kúti kí nyùntī.

Exode 27:2 Iomraidhean Croise

1 Rois 1:50

Adooniyasi u-ba mun nìn fāŋkì Saloomɔn ní ki sáǹ ki cūtìi cúú nsaraafan yiŋyi.

1 Rois 2:28

Ŋyunti ŋun ní Joowaab gbìl̄ tin jítèe ní u sáǹ ki cūtìi kɔ́ ti-Dindaan tantiun ki cúú nsaraafan yiŋyi. Di sá yii Joowaab nìn kíí ki kútì Adooniyasi pu, ama waa nìn páaǹ Abisaloom boon.

1 Rois 8:64

Ŋwiin gbanti mbaanti ní ubɔti dū dicindi din bí kunimbɔtidii nyɔkɔpuee ki sú ti-Dindaan. Di sá yii tasa kúti saraafaŋŋu ŋun nìn bí kunimbɔtidii punyɔkɔki caŋinee kaa nìn náaǹ bí ŋmā kí wà saraabi kɔkɔ. An puee kunimbɔtidii cindin ní u nìn dū saraawɔkaa nì tijin saraabi nì mpèé saraabi kpam ki wùn̄ ki ŋá saraa.

2 Rois 16:14

U nìn yāntì bi nìkī tasa kúti saraafaŋŋu ŋun bi nìn máń ki dūu sú ti-Dindaanee. Nsaraafan gbanti ŋúǹ nìn bí ti-Dindaan Diiku punyɔkɔki nyɔkɔpu, an dàkà yii nsaraafan mpɔɔn ŋun ubɔti yāntì bi máńee nì ti-Dindaan Diiku kansikin, ama ní u nìkī-ŋu ki cáa cūnnì ubɔti saraafaŋŋuee boon, ŋgiil pú.

2 Chroniques 4:1

Bi nìn dū tasa ki mɔ́ɔ́ nsaraafan ŋubɔ, ŋu-púuŋŋu sá meetab saalaa, ŋu-waaŋŋu sá meetab saalaa ní ŋu-fɔkɔŋŋu sá meetab biŋmoo.

Psaumes 118:27

- Ti-Dindaan di sá Unimbɔti ní ki ŋmíntí-ti! - Nín̄ ŋúb́maan asupan ki nóó tɔb kí tin bà nsaraafan yiŋyi.

Exode 27:3

Á dū tasa kúti kí mɔ́ɔ́ tin kɔkɔ bi làá nīn cáa tūǹ nsaraafan pu tundee. An dàkà yii asambil ŋin poon bi làá nīn fà ŋkpam min bi wùn̄ee fantam ki ŋáańee nì peelab nì asambil ŋin poon bi làá nīn ŋáań fatiku ki cáa yàantée, nì njiimu mun cáá anyinee nì nsambiyaamu mun poon bi tùutī talaaluee.

Exode 29:12

Á lēē fatiku kí dū a-ŋambiki kí sēē kí jòotì nsaraafan yiŋyi naatil pu. Boonee ní á kpáatí fatiku un kíǹee kí pɔ̀l̄ nsaraafan taapu.

Exode 38:30

Bitɔntɔnliibi nìn dūu mɔ́ɔ́ circir kɔŋkooŋŋu punyɔkɔki dɔjaatii taapu tílkaati nì tasa kúti saraafaŋŋu nì ŋu-tasa kúti làaŋ́ki, nì tiwan tin kɔkɔ bi cáa tūǹ ŋu-pu ditundee,

Ezéchiel 43:15

Dinyeel dililiitiil gbanti yilpuee ní bi máń ŋfan yam. Ŋfanee fɔkɔŋŋu nìn sá ndɔŋmantikaayee minaa pu ní ki nìn cáá iyin inaa.

Lévitique 16:18

Míǹ boonee ní ú nyānní circir kɔŋkooŋŋun kí dāan̄ nsaraafan ŋun bí circir kɔŋkooŋŋu nyɔkɔpuee cee, ní kí ŋá dikoobil nín bālifì puee kí nyāntí-ŋu tijɔkɔndin, ní kí jōō dinabilee fatikuu nì uŋɔjee fatikuu kí dūú ŋmìtī nsaraafan yiŋyi kɔkɔ pu kí màntīí tū.

Lévitique 4:18

Ú bàtī fatikuee kí ŋmìtī nsaraafan ŋun pu bi tùutī talaalub ŋu bí circir kɔŋkooŋŋun, ti-Dindaan nimbiinee yiŋyi pu. Ú dū fatiku un kíǹee kɔkɔ kí kpáatí kí pɔ̀l̄ saraawɔkaa faŋŋu ŋun bí circir kɔŋkooŋŋu punyɔkɔki nyɔkɔpuee taapu.

Lévitique 4:25

Usaraaŋal ń dū u-ŋambiki kí sēē uŋɔjee fatikuu kí dūú ŋmìtī saraawɔkaa faŋŋu yiŋyi pu. Ú dū fatiku un kíǹee kɔkɔ kí kpáatí kí pɔ̀l̄ saraawɔkaa faŋŋu taapu.

Lévitique 4:7

Usaraaŋakpil ń bàtī fatikuee kí ŋmìtī nsaraafan ŋun pu bi tùutī talaalub ŋu bí circir kɔŋkooŋŋun, ti-Dindaan nimbiinee yiŋyi pu. Ú dū fatiku un kíǹee kɔkɔ kí kpáatí kí pɔ̀l̄ saraawɔkaa faŋŋu ŋun bí circir kɔŋkooŋŋu punyɔkɔki nyɔkɔpuee taapu.

Lévitique 8:15

Ní Mooyiisi lāntì-dì ní ki dū u-ŋambiki ki sēē fatiku ki dūu jōō nsaraafan yiŋyi pu ki māntìi tú ki ŋá-ŋu circir. U nìn dū fatiku un kíǹee ki kpáatìi pɔ̀l̄ nsaraafanee taapu. Míǹ ní u ŋá ní ki dū nsaraafan ki sú Unimbɔti, bí nīn ŋáań ikpiti pɔ̄tam saraau ŋu-pu.

Zacharie 9:15

Ti-Dindaan Mpɔŋkɔdaan làá dāá wúń u-nib pu. Bi làá dāá wīī kí nà kujaataafuŋ taŋkpeeŋi. Bi làá dāá yàntī bi-nannanliibi fatikuu ń còol̀ kii ndamamee, kii saraabi fatikuu nín còol̀ kisambikin puee, àá kii fatiku un bi cáa yàantí nsaraafan yiŋyi puee.

Nombres 3:31

Keeyaati yab tundi din bi nìn tīī-bee di nìn sá bí nīn kpèé Dipoondi dakaau nì teebil nì fitilab tɔ́kɔŋkaati nì isaraafan nì tin kɔkɔ bi cáa ŋáań saraabi tuuŋŋee nì poon ŋaasakaŋkaaŋu. Bíǹ di nìn kpèé tiwan gbanti kɔkɔ.

Hébreux 6:18

U tīī-ti tiwan tili tí ŋmā kí nīn máká ti-pu, dipoondi nì dipùtil. Tiwan tili gbanti puee, Unimbɔti kpá kí kpántí u-nyɔkɔ. U kpá kí mɔ̄ntì-ti, an puee timbi bin sáǹ ki dɔ́miń ki kɔ́-uee, tí kámaan kunyannyaau kí mɔ̀tīí dū ti-mákal kí báań tin u pōoǹ-tee pu tiŋan.