Exode 24:3 - UNIMBƆTI NYƆƆBUNDI GBƆŊKU

³ Mooyiisi nìn cáá tibɔti nì marab bin kɔkɔ ti-Dindaan dàkā-uee ki máafì samaa. Ní samaa kíí nì kinyɔɔbaantii yii: «Tibɔti tin kɔkɔ ti-Dindaan sòon̄ee, ti làá ŋá míǹ.»

Exode 24:3 Iomraidhean Croise

2 Chroniques 15:14

Ní bi téeń mpɔn ki fáá iwiliili, ní ki búń akantán nì iyin ki pūtì ki pōoǹ ti-Dindaan.

2 Chroniques 15:15

Juuda yab kɔkɔ nìn bí mmɔnni, kun puee bi nìn pūtì ki pōoǹ nì bi-pɔbiliŋ kɔkɔ ní. Bi nìn lēē bi-ban kí nyàab̀ ti-Dindaan, ní ti-Dindaan mun nìn yāntì bi ká-u. Ti-Dindaan nìn tīī-bi ŋgbansɔŋfi ijaan kɔkɔ pu.

Psaumes 50:5

U bí yii: «Kóom̀maan bin yú nì mi deedeeyee kí kpāfì, bin ŋá saraa ki pūtì ki pōoǹ dipoondi nì mee!»

Exode 19:8

Ní dinibul kɔkɔ kíí yii: «Tin kɔkɔ ti-Dindaan lēe, ti làá ŋá míǹ.» Ní Mooyiisi gíiǹ bi nín kíí puee ki tùkū ti-Dindaan.

Exode 24:2

Ama sii Mooyiisi baba ń sútiń kí pìl̄-mi. Bin kíǹee ń taa sútiń, ní samaa mun ń taa nóó-si kí jɔ̄mìń.»

Exode 24:7

Boonee ní u yōoǹ dipoondi taŋkpapilinti ki kàan̄ mpɔn ki tīī samaa. Ní samaa kɔkɔ bí yii: «Tin kɔkɔ ti-Dindaan lēe, ti làá gbìl̄ kí tīiǹ-u kí ŋá míǹ.»

Jérémie 11:4

M nìn nyántì ni-naanjab Eejipiti tiŋkin, kipaai ŋmiŋun. Ŋyunti gbanti ní man nì bi nìn ŋá mpèé nee. M nìn bí-bi yii: <Ní pīlifì m-nyɔkɔ kí ŋá tin kɔkɔ m bí yii ní ŋée. Niinee, ni làá nīn sá m-nibul, ní ma mun ń nīn sá ni-Nimbɔtiu.>

Jérémie 34:13

«Man ni-Dindaan Isirayeel Nimbɔtiu nín sòon̄ puee sɔ̀. M nìn ŋá mpèé ŋubɔ nì ni-naanjab ŋyunti ŋun m nìn nyántìń-bi Eejipiti tiŋkin laakin bi nìn bí ki sá iyumbuee.

Aggée 2:5

M nín nìn nyántìń-ni Eejipiti tiŋkinee, m nìn lēē kí ŋá míǹ kí tīī-ni. M-Fam làá nīn bí ni-kansikin, ní taa fàŋkì tiba.

Malachie 2:10

Ti-kɔkɔ baa kaa sá ubaantaaa? Unimbɔtibaanti di kaa náań-taaa? Kin ba pu ní ti nyēē tɔb booŋyi ki bíiĺ dipoondi din nìn bí Unimbɔti nì ti-naanjab kansikinee?

Deutéronome 11:1

Nín̄ néeḿmaan ti-Dindaan ni-Nimbɔtiu kí nīn ŋáań u nín bí yii ní ŋá puee, kí nīn ŋúb́ u-bɔkpaaŋi nì u-koobiliŋ nì u-marab baabadal.

Deutéronome 4:1

Kɔŋkɔnnee Isirayeel yab, pīlifìmaan abɔkpaa nì akoobil ŋin mama m-ba bíi cáa dàkà-ni nee kí ŋá ŋi nín bí yii ní ŋá puee. Ni yaa ŋá mimmee, ni làá nīn bí dimaŋfalin ní kí kɔ́ kí fōō kitiŋ kin ní ti-Dindaan, ni-baabi Nimbɔtiu làá dūú tīī-ni nee.

Deutéronome 4:45

Isirayeel yab nín nyáń Eejipiti tiŋkinee, marab nì abɔkpaa nì akoobil ŋin Mooyiisi nìn dūu tīī-bee sèé.

Deutéronome 4:5

Kpèèmaan, m dàkā-ni abɔkpaa nì akoobil kii ti-Dindaan m-Nimbɔtiu nín kpáafì-mi puee. Ni yaa láa bàn̄ kitiŋ kin ni làá kɔ́ kí fōō kí nīn kíǹ ki yèe poonee, ní dū-ŋi kí ŋá ditundi.

Deutéronome 5:1

Mooyiisi yíiń Isirayeel yab kɔkɔ ki kpáfì ní ki bí-bi yii: «Pīlifìmaan Isirayeel yab, pīlifìmaan abɔkpaa nì akoobil ŋin m làá dūú sòoǹ kí ŋá ni-tafalin díǹ nee, kí bīfì-ŋi, kí nīn ŋúb́-ŋi, kí nīn ŋáań kii ŋi nín bí yii ní ŋá puee.

Deutéronome 5:31

Ama siiyee, gbíntí m-cee doo ḿ dū m-marab nì m-bɔkpaaŋi nì m-koobiliŋ kí tīī-si á cáá dàkà-bi, bi yaa bàn̄ kitiŋ kin m làá dūú tīī-bi bí nīn kíǹ ki yèe poonee, bí nīn ŋúb́-bee.»

Deutéronome 6:1

Marab nì abɔkpaa nì akoobil ŋin ti-Dindaan ni-Nimbɔtiu tīī-mi ḿ dūú dàkà-ni ni yaa láa dūtì Jɔɔdan buŋŋu ki fōō kitiŋ ki kíǹ ki yèe, ní nīn ŋúb́ ki ŋáań kii bi nín bí yii ní ŋá puee dee.

Josué 24:21

Ní samaa kíí Joosuwa yii: «Kpataaa, ti-Dindaan ní ti làá nīn jáaḿ!»

Josué 24:22

Niinee ní Joosuwa bí-bi yii: «Nimbi ni-ba sá ni-seeradambi yii ni lēē kí nīn jáaḿ ti-Dindaan!» Ní bi kíí-u yii: «Iiin, ti sá ti-seeradambi.»

Josué 24:24

Ní samaa kíí Joosuwa yii: «Ti-Dindaan ti-Nimbɔtiu ní timbi làá nīn pée jáaḿ, ní kí nīn tɔ́-u.»