Exode 22:3 - UNIMBƆTI NYƆƆBUNDI GBƆŊKU

³ «Ubɔ yaa yùn̄ unaa àá kimaŋ àá upii àá uŋoobu ní bi yaa ká kuwaŋkuluu gbanti unaayuu ŋaan ku dáá wāĺee, unaayuuyee máaǹ kí téeǹ kuwaŋkuluu kun u yùn̄ee mili pu.»

Exode 22:3 Iomraidhean Croise

Genèse 44:10

Ní utɔntɔŋkpilee kíí-bi yii: «Toooo! Ni nín lī puee m kíí míǹ. Ama un cee ní m yaa lafun ká kisambinyɔkaai gbantee, udaan baba di làá kpántí m-yumbuu ní nimbi bin kíǹee ń nyā tibɔtin.»

Exode 21:2

Ni yaa làá dāá dā uyumbu ní u sá ueebrujee, ú dāá dū abin aluu kí tɔ̄ ditundi kí tīī-ni, dibinluluútiilee ní yàntī ú nyā kí tɔ̄ u-ba, kí taa pà báà tiba.

Exode 21:34

dinyimbɔbil daan ń pà kuwaŋkuluuee nyampooku nín sá puee, ní kí yòon̄ diwaŋkpil.

Exode 22:2

An yaa sá ŋwiimpu ní u bíi ŋáań míǹ ní bi kūū-uee, un kūū-uee ŋá nnikpaakoon. Unaayuu máaǹ kí pà kun u yùn̄ee pu ní. U yaa kaa cáá báà tibee, bí dū-u kí nyāfì kí pà kun u yùn̄ee pu.

Esaïe 40:2

Sòom̀maan kí sɔ̀ŋkì Jeerusaleem pɔbil, ní bāakì kí tùkù-kì yii ki-tumpɔɔŋi dóò, kì pàn̄ ki-kpitii kɔkɔ pu, ti-Dindaan yāntì kì pàn̄ ki-yìntitam kɔkɔ pɔndi mili pu.

Esaïe 50:1

Ti-Dindaan nín lī puee sèé: «Ni lì yii m jìn̄ ni-na Jeerusaleem. Too, dàkàmaan-mi kugbɔŋu kun dàkà yii m jìn̄-uee! Ni gíti lì yii m dū-ni ki nyáfì kii iyumbuee kí ŋmā kí pà m-pɔɔŋŋi. Too, tùkùmaan-mi un ní m dū-ni ki nyáfíǹee? Kpèèmaan, an sá ni-kpitii pu ní bi dū-ni ki nyáfì, an sá ni-yìntitam pu ní bi jìn̄ ni-na ki nyántì!

Matthieu 18:25

Kijapaayee nín kaa nìn cáá kun ní u làá dūú pèe, ní ukpilee bí yii bí dū u nì u-nimpuu nì u-biyaamu nì tin kɔkɔ u cááyee kí nyāfì án ŋmā kí bà kunimbiŋmiiu.

Juges 10:7

Ti-Dindaan nìn gíí diŋuul Isirayeel yab pu ní ki nìn dū-bi ki ŋá Fiiliistii yab nì Amɔn yab ŋaan.

Juges 2:14

Ti-Dindaan nìn gíí Isirayeel yab pu diŋuul. U nìn dū-bi ki líiǹ digaŋgandambi bi jàkā-bi ní ki dū-bi ki ŋá bi-nannanliibi bin māntìi tú-bee ŋaan. Baa nìn gíti ŋūǹ kí yūĺ bi-nannanliibi nimbiin kí jáǹ-bi.