Exode 22:1 - UNIMBƆTI NYƆƆBUNDI GBƆŊKU

¹ «Unaayuu yaa bíi wìil̄ digundi kunyeeu kí kɔ́ kudiin kí yɔ̀ tiwan ní bi yaa fáá ki kūū-uee, un kūū-uee kaa ŋá nnikpaakoon.

Exode 22:1 Iomraidhean Croise

2 Samuel 12:6

U nín ŋá pu kaa súń u-juti saayee, ú pà mpisalimu munaa kí téeǹ kipisaliiyee pu.»

Exode 21:36

Ama unaayee dindaan yaa nyí yii u-naau pée gùutī míǹ ní kaa kpēē-u tiŋanee, ú nyàab̀ unaa kí téeǹ unaa un kpíìyee yil pu kí yòon̄ dinakpil.»

Proverbes 14:4

Unil un kaa cáá inaa í kpɔ̀-u tikpaalee, u-cakalaau yú ukulim ní, ama un cáá inaa pɔ̄ɔ̄yee cáá tijin tikpil ní.

Proverbes 6:31

Ama ní bi yaa cúú-uee, see ú téeǹ tin u yùn̄ee miluli pu, see ú kóoǹ tin kɔkɔ u cáá u-dumpuee kí dūú pà dipɔndi.

Jérémie 2:34

Bi kāntí a-wampeeŋkaati pu bisoodambi nì maanyiibab fatikuu. Ama aa cúú-bi bi bíi wìil̄ a-diiku punyɔkɔki. Nì míǹ kɔkɔee,

Ezéchiel 33:15

U yaa gíiǹ toolima un ubɔ cáań ki yóoǹ u-ceeyee ki tīī-u, àá u gíiǹ tin u yùn̄ee ki tīī uwandaan ki kíĺ ki kíǹ ki tɔ́ marab bin tìì dimaŋfalee, ní kaa ti bíi ŋáań ikpitee, udaan làá pée ŋmátí ní, waa làá kpú.

Nombres 5:7

Udaan ń bìitī ikpiti in u ŋée pu, kí téeǹ tiwan daan tin u mūul̀ee, ní kí gíti nyàab̀ tiwan gbanti yaa yākatì miŋmoo puee diba pu kí kūtì kí tīī tiwan daan.

Luuki 19:8

Ní Jaasee síl̀ ti-Dindaan nimbiin ní ki bí yii: «Ti-Dindaan, kpèè, m làá lēē m-gaajati dijandi kí tīī bisoodambi, ní m yaa nìn mūul̀ ubɔ ki fōō animbil u-cee, m làá téeǹ-u min m mūul̀-uee minaa pu.»