Exode 2:3 - UNIMBƆTI NYƆƆBUNDI GBƆŊKU

³ Ŋyunti ŋun waa nìn gíti ŋūǹ kí yàntī kí nīn gbíntìi kā dibalinee ní u nyàab̄ kikabiki kin bi dū papiirusi ki lùn̄ee, ki dū aŋɔ ki póoń, ki dū kibiki ki tākaǹ poon ní ki cáa nēeǹ dikal taapu dimɔɔgbandi.

Exode 2:3 Iomraidhean Croise

Genèse 11:3

Niin ní bi bí ní ki lī tɔb yii: «Ti-yab, ní càmaan tí gíí brikisib kí wúb́!» Míǹ ní brikisib nìn kpántì-bi ataŋkpee, ní aŋɔ kpántì ntancookikaam.

Genèse 14:10

Siidiim tantakal gbanti nìn sá aŋɔ lɔkɔgiŋŋi ŋma ní. Kujaau pɔ́ɔkì Soodoom nì Goomoora bɔtiibi bíi sáńee, ní ki tin jéetì alɔkɔginee poon, ní bin kíǹee sáǹ ki dàb̄ dijool.

Genèse 6:14

Á dū busubu bun bi yíì goofeeree dɔi kí kpáá meela, kí pìtī poon adiin kí bɔ̀ntī poon nì boon aŋɔ.

Exode 1:22

Niinee Faaroo yóoǹ u-yab kɔkɔ mara yii: «Ni yaa ká Eebru nimpoobi ubɔ màl̄ kibininjabikee, ní fōō-kì kí cáá tɔ̄ Niil mɔɔlin. An yaa sá kibinimpubikee, ní taa kpɔ̀-kì.»

Esaïe 18:2

A tūǹ ituun i kàal̀ tikati ŋaliŋfii poon ki còom̄ Niil mɔɔl pu. Nimbi ituun in yáb̀ee, nín̄ gítímaan. Ní gítímaan ni-nibul din nib fɔ̀kɔ̀ bi-wunti jɔ̀m̀ee cee, dinibul din bi fàŋkí duulinyanee cee, dinibul din pɔ̄ɔ̄ ki tà ki mátí di-nannanliibee cee. Ní fàtīí gítí ni-tiŋki kin ní ibun yākatèe cee.

Esaïe 19:6

Ibun làá dāá nūukì, Niil buntaaŋi poonee, nnyim làá dāá fóotí ní ŋí kpā, ní tikati nì dikal ń dāá yɔ́ĺ.

Esaïe 35:7

Kitiŋ kin tùm̀ kpaŋkpamee làá kpántí mbúun, inyimbul làá cɔ́tí nnyinnyoo tiŋki poon. Laakin ní sinsiŋkub nìn dɔ̀ee, niin làá kpántí kupuu ní tikati ń nyā.

Matthieu 2:13

Bin nyí iŋmalbijaa bɔtee nín kùǹee, ní Unimbɔti tuuŋŋu dɔ́miń ki tùkū Jooseefi kudamintiiun yii: «Yīkì kí yòon̄ kibiki nì ki-na kí sāǹ kí nīn cá Eejipiti tiŋkin kí kàl̄ niin kí nīn cí ŋyunti ŋun m làá tùkù-si á fàtīí gítińee, kun puee Eeroodi làá nyàab̀ kí kpɔ̀ kibiki nee.»

Matthieu 2:16

Eeroodi nín dāa béè yii bin nyí iŋmalbijaa bɔtee ŋmātiǹ-u kaa ti gítìń u-ceeyee, ní u fōō diŋuul tikpil ní ki pú kinyɔkɔ yii bí cù Beetileem tiŋkin nì ntimu mun māntìi tú-kèe kí kpɔ̀ mbininjabiyaamu mun cáá abin alee nì mun kaa láá bàn̄ alee, ki táá nì ŋyunti ŋun bin nyí iŋmalbijaa bɔtee nìn tùkū-uee.

Actes 7:19

U dū iciin ki ŋúń ti-naanjab, ní ki cáá-bi ki sàantí, áli ki yāntì bi nyāntí bi-biyaamu ki féeń mu kúù.