Exode 2:11 - UNIMBƆTI NYƆƆBUNDI GBƆŊKU

¹¹ Mooyiisi wíiǹee, dalbee ní u cūtì kí màntì u-nabiyaamu Eebru yab pu. U bàn̄ee ki lafun ká atuun ŋin bi tūǹee nín pɔ̄ɔ̄ ki cáá agìń miŋyee. U nìn ká ueejipitija bíi gbáà u-nabiki ueebruja ubɔ.

Exode 2:11 Iomraidhean Croise

Exode 1:11

Niinee ní bi lēē bikàliŋkpilib ki tɔ́ bi-pu bí tīī-bi atuun ŋin pɔ̄ɔ̄yee bí nīn tūǹ. Bi nìn yāntì bi máń Piitoom nì Ramseesi timmu mun poon bi làá nīn kpáafí Faaroo jintee.

Exode 3:7

Ní ti-Dindaan bí yii: «M ká m-nibul din bí Eejipitee falaau, ki gbìl̄ Eejipiti yab nín sàantí-bi bi gbáà ibiil iŋyee. Tiŋman m nyí falaa un bi bíi jīǹee.

Exode 5:14

Faaroo kàliŋkpilib nìn gbáà ki kpáaǹ Isirayeel yab tɔntɔŋkpilib bin bi lēē bí nīn kpèé bi-nabiyaamuee ki lì yii: «Ba pu ní naa ŋúń ki máń fool nì díǹ brikisib bàn̄ kii dooooyee ni nín kpààa māā puee?»

Exode 5:4

Ní Eejipiti yab bɔtiu bí-bi yii: «Mooyiisi nì Aarɔn, ba pu ní ni bí ki sàal̄ ni-yab bí taa ti tɔ̄ ditundi ní? Cùú nīn tūm̀maan ni-tundi.»

Exode 5:5

Ní Faaroo nìkī ki lī yii: «Kɔŋkɔnnee binibee būtì kitiŋ nee puee ní naa ti là bí tɔ̄ bi-tuuŋŋaa!»

Exode 5:9

Bi yaa dū atuun ki lúuń-bee, baa ti kāntí mpaan kí dàkafì bi-nyimɔmbɔti pu.»

Exode 6:6

An puee, tùkù Isirayeel yab yii: <Man di sá ni-Dindaan. M làá nyāntí-ni Eejipiti yab tuuŋŋi ŋin pɔ̄ɔ̄yee poon ní kí fīī-ni kí nyāntí ni-yuŋkun. M làá dū m-pɔŋkpaaŋŋu nì m-tuŋkpaaŋŋi kí fīī-ni kí líí.

Exode 6:7

M làá dū-ni ki ŋá m-nibul ní kí nīn sá ni-Nimbɔtiu ní ní béé yii man ni-Dindaan ni-Nimbɔtiu di nyántì-ni Eejipiti yab tuuŋŋi ŋin pɔ̄ɔ̄yee poon.

Esaïe 58:6

Dinyɔɔboobil din man lèe sèé. Á gbìntī binib bin kaa ŋá tiba bi bóob́-bi ikusakee, kí cúú diwaŋgul din nyìkī bi-puee kí nyìkitī, kí tīī bin bi wɔ́b́ee dibatɔl, an dàkà yii kí kúntí tin kɔkɔ nyìkī bi-pu baa tɔ́ bi-bee.

Matthieu 11:28

«Nimbi bin tú awaŋgul ki gīīyee, dāam̄maan man cee ḿ túutí-ni ní ŋùŋfì,

Luuki 4:18

«Ti-Dindaan Fam bí m-pu, u lēē-mi ḿ sòoǹ tibɔmɔntiil kí tīī biwɔfib. U túnní-mi ḿ bāakì kí tùkù bisarkadambi yii Unimbɔti làá líí-bi, kí tùkù bijɔfub mun yii bi làá wāl̀, kí tùkù bin bi sàantée yii bi làá ká dibatɔl,