Exode 19:1 - UNIMBƆTI NYƆƆBUNDI GBƆŊKU

¹ Isirayeel yab nín nìn nyáń Eejipiti tiŋkinee, iŋmal ita wimpeepeekaaŋu deedee ní bi bàn̄ Siinaayi teekun.

Exode 19:1 Iomraidhean Croise

Exode 16:1

Isirayeel yab kɔkɔ yíkì Eeliim tiŋkin ní ki bàn̄ Siini teeku kun bí Eeliim nì Siinaayi kansikinee. Isirayeel yab nín nyáń Eejipiti tiŋkin uŋmaliliiti iwiin saalku dalee ní bi bàn̄ Siini teekun.

Exode 12:6

Ní kpāafì kuwaŋkuluu gbanti áli uŋmal poon ŋwiin ŋubɔ kpá saalku dal. An joopɔŋkuee, Isirayeel samaau kɔkɔ ń kóoǹ kí kpāfì ní kudicaŋu kamaa ń kpɔ̀ ku-waŋkuluku.

Nombres 33:15

Bi yíkì Reefiidiimee ní ki cūtìi kāl̀ Siinaayi teekun.

Exode 12:2

«Uŋmal un poon ni bí nee ń nīn sá-ni uŋmapeepeekaa iŋmal poon. U làá nīn sá-ni dibindi poon ŋmapeepeekaau ní.

Exode 3:12

Ní Unimbɔti bí yii: «M làá nīn bí a-cee. Kun làá nīn sá-si kudaaŋŋu á béé yii man di tú-see di sá a yaa láa nyántì Isirayeel yab Eejipiti tiŋkinee, dijool nee pu ní ni làá dāá jāam̀ man Unimbɔti.»

Exode 12:51

Ŋwiin gbanti ní ti-Dindaan nyántì Isirayeel yab Eejipiti tiŋkin bi nóó tɔb akiti akiti kii bijanjaliibee.

Exode 40:2

«Uŋmapeepeekaa wimpeekaaŋu dalee, á dū tanti un poon dipoondi taŋkpapilinti kēe kí cóoń.

Nombres 3:14

Ti-Dindaan sòon̄ nì Mooyiisi Siinaayi teekun ki bí-u yii:

Deutéronome 1:6

Ti-Dindaan ti-Nimbɔtiu nìn sòon̄ nì ti Ooreeb jool pu. U nìn lī yii: «Ni kāl̀ dijool nee pu ki yúntì.

Deutéronome 4:10

Ní téetí ŋwiin ŋun ni nìn síl̀ ti-Dindaan ni-Nimbɔtiu nimbiin Ooreeb jool caŋinee. Ti-Dindaan nìn tùkū-mi yii: «Kóoǹ samaa nee kɔkɔ kí kpāfì m-cee. M làá yàntī bí gbìl̄ m-nyɔɔbuŋŋi án nín làá ŋá pu bi-wiiŋyi in kɔkɔ bi cáá kí kàl̄ kitiŋ nee puee, bí bīfì kí nīn kíǹ ki fàŋkí-mi ní kí nīn cáa dàkà bi-biyaamuee.»

Deutéronome 4:15

Ní nīn nyíǹ ni-ba, di sá yii ŋwiin ŋun ti-Dindaan nìn sòon̄ nì ni ŋŋmi poon Ooreeb jool puee, naa nìn wál̀ báà kujiliŋu kubɔ.

Deutéronome 5:2

Ti-Dindaan ti-Nimbɔtiu pūtì ki pōoǹ-ti dipoondi Ooreeb jool pu.

Ezéchiel 20:10

Niinee ní m nyántìń-bi Eejipiti tiŋkin ki cáá-bi ki cūnnì kuteeun.

Nombres 1:1

Ti-Dindaan sòon̄ nì Mooyiisi circir kɔŋkooŋŋu poon Siinaayi teekun. An nìn sá Isirayeel yab nín nìn nyáń Eejipiti tiŋkinee binliliitiil uŋmaliliiti wimpeekaaŋu dal. Ti-Dindaan nìn bí Mooyiisi yii:

Nombres 10:12

Isirayeel yab nìn yíkì Siinaayi teekun ki nìkī bi-saŋkindi. Ní ditagbandee cūtìi yúl̀ Paaran teekun.