Exode 16:3 - UNIMBƆTI NYƆƆBUNDI GBƆŊKU

³ Bi nìn bí-bi yii: «Ba pu ní ti-Dindaan kaa yāntì ti kpíì ŋyunti ŋun ti nìn bí Eejipiti ki kā ki kɔ́ĺ anaŋkumboon ki jīǹ tijin ki díkèe. Ama ní ni yōoǹní samaa nee kɔkɔ ki cáań kuteeun ŋkùm ń kpɔ̀-bi!»

Exode 16:3 Iomraidhean Croise

Yoob 3:1

Míǹ boonee ní Yoob dāa wāaǹ kinyɔkɔ ki tɔ́ ŋwiin ŋun bi màl̄-uee mbusu.

Yoob 3:10

Di sá yii kuaa ŋá tiba ki pīiǹ m-na maaliŋu ki yāntì u màl̄-mi m dāa kɔ́ nnaabu ŋun poon m kɔ́ nee.

Yoob 3:20

Ba pu ní Unimbɔti yàntī bin jīǹ falaayee gbíntì bí dimaŋfalin ní? Ba pu ní bin poon kaam cɔ́tèe gbíntìi fòotī ní?

Psaumes 107:5

Ŋkùm nì nnyinnyoo nìn cúú-bi, ní bi-wunti yɔ̄tì.

Psaumes 78:19

Bi nìn nyáń Unimbɔti pu ki lī yii: «Unimbɔti lafun ŋūǹ kí tīī-ti tijin kuteeu nee poon tí jāaa?

Psaumes 78:25

Báà ŋma nìn jíń Unimbɔti tuuŋyi jinti, u nìn tīiń-bi tijin bi jíń ki díkí.

Exode 14:11

Bi nìn bí Mooyiisi yii: «Itaŋkpiifal kaa bí Eejipiti tiŋkinaaa? Ba pu ní a cáań-ti tí kpú kuteeun doo? Ba pu ní a yāntì ti yíkìń Eejipiti tiŋkin ní?

Exode 17:3

Nnyinnyoo nìn gbìl̄ Isirayeel yab ní bi bíi wòoǹ Mooyiisi yii: «Ba pu ní a yōoǹní-ti Eejipiti tiŋkin ní? A là nnyinnyoo ń kpɔ̀ ti nì ti-biyaamu nì ti-waŋkuti níii?»

Exode 2:23

An yúntì boonee ní Eejipiti bɔtiu dāa kpíì. Isirayeel yab nìn bí ki fátí diniindi bi-yuŋku poon ki gbáà ibiil, ní bi-kuŋkuuntii bàn̄ áli Unimbɔti cee.

Exode 5:21

Bi nìn nyáń Mooyiisi nì Aarɔn pu ki bí-bi yii: «Ti-Dindaan di wāĺ tin ni ŋá nee kí sòoǹ ni-bɔti! Ni yāntì Faaroo nì u-yab kaa ti là bi-nimbiliŋ ń wāl̀-ti. Ni ŋman dū kitàataajiki ní ki ŋá bi-ŋaan bí fōō kí kpɔ̀-ti.»

Jérémie 2:6

Baa bālifì yii: <Ti-Dindaan un nyántìń-ti Eejipiti tiŋkinee, úǹ un kpōotì-ti kuteeun laakin kūń ki sá mbuŋgalimuee, ŋweel nì dibɔmbɔndi tiŋkee, kitiŋ kin báà ubɔ kaa kóòyee bí la?>

Jérémie 42:14

ní ki yaa lī yii: «Aayee! Ti làá cù Eejipiti tiŋkin ní. Niinee, taa làá ti ká kujaau, kaa làá ti gbìl̄ iyin in bi búǹ kí cù kujaauee pu, ní ŋkùm kaa làá ti nyā ti-pu. Niin ní ti là kí tin nín̄ bí.»

Jérémie 44:17

Ti làá nīn nìkì ki ŋáań ti nín lēē yii ti làá ŋá puee. Ti làá nīn tùutī talaalutuukaabi ki tìì diwaal Asitaartee, yilpu Nimpubɔtiu ní kí fá-u ndaam. Timbi nìn pée ŋáań míǹ ní, ki kpáaǹ ti-naanjab nì ti-bɔtiibi nì ti-kàliŋkpilib Juuda timmun nì Jeerusaleem daŋŋi pu. Ti nín nìn ŋáań mimmee, ti nìn kāntí ki jīǹ ní, ní an nìn bútì-ti ní taa nìn nyí kun bi yíì nnaabuee.

Lamentations 4:9

Á kpú dikɔ̀ndin sɔ́ǹ ŋkùm ń kpɔ̀-si, á páĺ tijin kpátam pu.

Nombres 11:15

A yaa là kí dàkā-mi yii a ŋá-mi tiŋanee, á kpɔ̀-mi sɔ́ǹ min ní a bíi ŋáań-mi nee. M yaa kpíìyee, maa làá ti ká m-falaau nee.»

Nombres 11:20

Ama ni làá ŋmɔ́ tinan áli uŋmamɔn. Ni làá ŋmɔ́ míǹ an núutí-ni áli kí dāá nyānní ni-maŋfaliŋin. Kun puee ni kpēē ki sīŋkiǹ ti-Dindaan un bí ni-kansikinee, ki súń u-nimbiin ki bí yii ba pu ní bi nyántìń-ni Eejipiti tiŋkin.>»

Nombres 14:2

Samaayee kɔkɔ nìn bí ki wòoǹ Mooyiisi nì Aarɔn ní ki lì-bi yii: «Ti yaa bàà nìn kpíìń Eejipiti tiŋkin àá ti yaa tí kpíì kuteeun doo, an bàà sɔ́!

Nombres 14:3

Ba pu ní ti-Dindaan cáǹ-ti kitiŋ nee poon bí tin kpɔ̀-ti ní? Bi làá tin kpɔ̀-ti ní kí cúú ti-nimpoobi nì ti-biyaamu kuyuŋu. Ti yaa fātìi nín gítí Eejipiti, an kaa sɔ́ɔɔ?»

Nombres 16:13

A yōoǹní-ti kitiŋ kin poon nnaabiim nì tisiil còol̀ee ki cáań-ti kí kpɔ̀ kuteeun doo, míǹ kaa yá ki kɔ́-si, ní a gíti là kí dàkà mpɔn kí nīn sá ti-bɔtiuaa!

Nombres 21:5

Ní bi kíĺ ki bíi sòoǹ ki bíiĺ ti-Dindaan nì Mooyiisi yii: «Ba pu ní ni nyántìń-ti Eejipiti tiŋkin ki cáań-ti kuteeun kí kpɔ̀ ní? Nnyim kpá, tijin kpá, ní ti núutiǹ maana, falaa jinti tin ti jīǹ nee!»

Actes 26:29

Ní Pɔɔl kíí-u yii: «An yaa kíǹ fiiiyaaa, an yaa làá tí yúntáaa, m bàà là Unimbɔti ń ŋá míǹ. Án taa nín̄ sá gba sii baba, ama án nīn sá ki kpáaǹ bin kɔkɔ bíi pílifíǹ-mi díǹ nee, ama bí taa nín bóob́ nimbi nì ikusaka nee ní!»

1 Corinthiens 4:8

Ni pūtì kpáàa ká tin kɔkɔ ni lèe! Ki pūtì kpáàa kpántì bigaajab ki kpántì bibɔtiibi timbi boon! Ni yaa bàà lafun kpántì bibɔtiibi ti mun ń bàà dāá kūtì ni-pu, an bàà ŋān̄!

2 Corinthiens 11:1

M yaa gbíntì ki sòoǹ kii uwaatee, ní jīmaan m-pu kimɔtii, ní lafun jīmaan m-pu kimɔtii!

Deutéronome 28:67

Tibɔti tin kɔkɔ làá nīn jītí ni kāntée làá bīil̀ ni-pɔbiliŋ tikpil. Kutaafaauee ní ní lì yii: «Ba dal ní ku làá jóotí dee!> ní ku yaa tí jóotèe ní ní lì yii: <Ba dal ní ku wúntí dee!>

Deutéronome 8:3

Agìń gbanti boonee, u yāntì ŋkùm cúú-ni, ní ki dū maana un nimbi nì ni-naanjab kaa nìn nyée ki kpíiǹ-ni. U nìn ŋá míǹ kí dàkà-ni yii an kaa sá tijin dijil ŋmaniŋma di yì unil maŋfal, ama anyɔɔbun ŋin kɔkɔ nyēeń ti-Dindaan nyɔkɔnee di yì unil maŋfal.

Josué 7:7

Ní Joosuwa bí yii: «Áà, m-Dindaan Unimbɔti! Ba pu ní a cáá-ti ki dūtìń Jɔɔdan buŋŋu ní? A cáań-ti ki ŋá Amɔɔr yab ŋaan bí kpɔ̀ kí céetí-ti níii? Ti yaa bàà pūtì gbíntì Jɔɔdan buŋgbandi lapu pu tiŋki pu, an bàà sɔ́ɔ!