Exode 15:2 - UNIMBƆTI NYƆƆBUNDI GBƆŊKU

² Ti-Dindaan di sá man pɔŋŋu, úǹ ní m làá nīn gà ilan ki nyɔ́ŋkí. Úǹ di fīī-mi, úǹ di sá m-Nimbɔtiu, m làá nīn nyɔ́ŋkí-u. Úǹ di sá m-baa Nimbɔtiu, m làá yòon̄ u-yindi yilpu.

Exode 15:2 Iomraidhean Croise

Genèse 17:7

Dipoondi din m pōoǹ-si nee, dì sá ki tīī sii nì a-maaliŋu kɔkɔ ní kí nīn cáa cá jaanjaan, dì kpá kí gbíntí. Di-pu ní m làá nīn sá a-Nimbɔtiu nì a-naantitɔntɔkɔŋ Nimbɔtiu.

Genèse 49:18

«M-Dindaan, a-fiil pu ní m máká.

2 Samuel 22:3

U sá man Nimbɔtiu ní ki sá ntaŋkpalɔkɔ ŋun poon m sáń ki kóòyee. Úǹ di sá man gbampɔɔl ní ki sá man jajil pɔŋŋu, ti-Dindaan di sá man balilaŋki. Úǹ ní m sáń ki kóò ní u fìil̄-mi tipɔmbɔti dambi ŋaan.

2 Samuel 22:47

Ti-Dindaan bí dimaŋfalin! Tí nyɔ̄ŋkìmaan m-taŋkpanaakooku! Tí pàkàmaan Unimbɔti un di sá m-fiiliuee!

2 Samuel 22:51

Unimbɔti tìì u-bɔtiu ajajil ŋin sá akpaanee. U dàkà ubɔti un úǹ u-ba lēēyee nì Daafiidi nì u-naantiibi dineeŋkpaandi kí nīn cáa cá jaanjaan.

2 Samuel 7:24

Ti-Dindaan, a dū Isirayeel yab ki kpántì a-nibul kí nīn cá jaanjaan, ní a kpántì bi-Nimbɔtiu.

2 Samuel 7:5

«Cùú tùkù m-tɔntɔnliu Daafiidi yii man ni-Dindaan nín lī puee sɔ̀. Sii di kaa làá mā-mi Kudii ní ḿ kɔ́.

1 Rois 8:13

Ama m máń-si kudinyaaŋŋu nee, kudii kun poon ní a làá nīn kóò talkuee!»

1 Rois 8:27

«Mimmee Unimbɔti ŋūǹ kí kɔ́ kitiŋ puɔɔɔ? Áli gba kutagbɔŋu nín wāā pu nee kaa bàn̄-si á kɔ́, ki dāa nín kàaǹ kudii kun m máń nee!

1 Chroniques 16:14

Úǹ di sá ti-Dindaan Unimbɔti, úǹ di sá duulinya kɔkɔ bɔsoonliu.

Psaumes 109:1

Daafiidi di ŋmàn̄ nlan nee ki tīī bilaŋgaaliibi kpiliu. Unimbɔti un m nyɔ́ŋkée, taa nín̄ ŋmí míǹ,

Psaumes 118:14

Ti-Dindaan di sá m-pɔŋŋu nì m-nyɔŋkii laŋŋu, úǹ di fīī-mi.

Psaumes 118:21

M làá nyɔ̄ŋkì-si, di sá yii a kíí-mi, ní ki fīī-mi.

Psaumes 118:28

Sii di sá m-Nimbɔtiu, ní m làá nyɔ̄ŋkì-si. M-Nimbɔtiu, m làá yòon̄ a-yindi yilpu.

Psaumes 132:5

kin tin sāā ŋyunti ŋun m làá ká mpaan kí tīī ti-Dindaan, kí ká ŋkɔŋkoon ki tīī Jaakɔb Nimbɔtikpaaŋwuee!»

Psaumes 140:7

Ama m bí ti-Dindaan yii: «A sá m-Nimbɔtiu! Ti-Dindaan, kpòon̄ a-tafal kí pīlifì m-gbaamii.

Psaumes 145:1

Daafiidi di ŋmàn̄ inyɔŋki laŋŋu nee. M-Nimbɔtiu, m-bɔtiu, m làá yòon̄ a-yindi yilpu, m làá jāam̀-si kí nīn cáa cá jaanjaan.

Psaumes 18:46

Bi-wunti kúù, ní bi nyēeń bi-balilaŋki poon tiwun jìkì.

Psaumes 22:10

Sii di nyántìń-mi m-na poon, ní ki lōō-mi m-na taaŋi pu.

Psaumes 22:3

M-Nimbɔtiu, m kúuǹ ki yíiń-si ŋwiimpu, ama ní aa kíí-mi. M yíiń-si kunyeeu mun, ama ní kaa ká diŋuŋfil.

Psaumes 27:1

Daafiidi di ŋmàn̄ nlan nee. Ti-Dindaan di sá m-walifiŋu nì m-fiiliu, kin ŋma ní m làá gíti fàŋkì? Ti-Dindaan di wúń m-pu, kin ŋma di ŋūǹ kí fàaǹ-mi?

Psaumes 28:8

Ti-Dindaan di sá u-nibul pɔŋŋu, úǹ di wúǹ ubɔti un u lēēyee pu ní ki fìil̄-u.

Psaumes 30:1

Daafiidi di ŋmàn̄ nlan nee. Bi gāā-ŋu ki dū kunimbɔtidii ki sú Unimbɔti ní.

Psaumes 34:3

Ti-Dindaan pu ní m làá nīn fàal̀. Bin sīntiǹ bi-ba taapuee ń pīlifì kí nīn fàal̀.

Psaumes 48:14

Kpèèmaan digundi din bi máń ki tú-dèe, kàam̀maan di-bɔtinaakɔti kí dāá dūú māafì bin baa láá màl̄ee

Psaumes 59:17

Ama mamee, m làá nīn gà ilan ki pàkà a-pɔŋŋu, m làá nīn gà ilan kutaafaau ki lì yii: «A ŋān̄,» di sá yii sii di sá m-taŋkpanaakooku, dinimbinaamandi yuntiŋuee, sii Unimbɔti ní m sáń ki kóò.

Psaumes 68:20

Tí jāam̀ ti-Dindaan ŋwiin kamaa! U sá Unimbɔti ti-fiiliu un tūntí ti-gìŋ́ŋi ki tìì-tee ní.

Psaumes 99:5

Ní nyɔ̄ŋkìmaan ti-Dindaan ti-Nimbɔtiu, ní gbàam̄maan u-beejal taapu! - U sá circirdaan ní.

Psaumes 99:9

Nyɔ̄ŋkìmaan ti-Dindaan ti-Nimbɔtiu. Gbàam̄maan kí túĺ u-circir jool. - Di sá yii ti-Dindaan ti-Nimbɔtiu sá circirdaan ní.

Exode 14:13

Mooyiisi nìn kíí samaa yii: «Taa fàŋkìmaan! Nín̄ kāmaan soooo! Ni làá ká díǹ wiiŋŋu ti-Dindaan nín làá fīī-ni puee. Di sá yii Eejipiti yab bin ni wāĺ díǹ nee, ni pée gíti kpá kí ká-bi jaanjaan.

Exode 3:6

Man di sá a-baa Nimbɔtiu, Abraam nì Isaaki nì Jaakɔb Nimbɔtiu.» Niinee Mooyiisi fātì u-nimbiin, kun puee u nìn fāŋkì kí kpèè Unimbɔti.

Exode 4:22

Á tùkù Faaroo yii ti-Dindaan nín lī puee sèé: <Isirayeel yab sá kii m-jipɔŋkpiliuee ní.

Exode 40:34

Niinee ní ditagbandi dɔ́miń ki bīiǹ circir kɔŋkooŋŋu pu, ní Unimbɔti nyooti kɔ́ ki gbí ŋu-poon.

Exode 6:7

M làá dū-ni ki ŋá m-nibul ní kí nīn sá ni-Nimbɔtiu ní ní béé yii man ni-Dindaan ni-Nimbɔtiu di nyántì-ni Eejipiti yab tuuŋŋi ŋin pɔ̄ɔ̄yee poon.

Esaïe 12:2

Kpèè Unimbɔti di fīī-mi, m cáá dimákal ní kaa ti fàŋkí. Di sá yii ti-Dindaan di sá m-pɔŋŋu nì m-laŋŋu. Úǹ di sá m-fiiliu.»

Esaïe 25:1

Ti-Dindaan, sii di sá m-Nimbɔtiu. M làá yòon̄-si yilpu ní kí nyɔ̄ŋkì a-yindi. Di sá yii a ŋáaǹ maamaaci tuuŋŋi ŋin a bɔ́ntì ki yóoǹ dooooyee, ŋi pée bá ki pɔ̄ɔ̄ kaa kpántí.

Esaïe 45:17

Ama ti-Dindaan fīī Isirayeel nibul, u fīī-bi kí nīn cáa cá jaanjaan. Nimbi bin sá u-nibulee, icoo pée gíti kpá kí cúú-ni, ní ni-yindi pée gíti kpá kí bīil̀ jaanjaan.

Esaïe 49:6

U bí-mi yii: «Á nīn sá m-tɔntɔnliu kí yòon̄ Jaakɔb naakɔti yilpu, ní kí gíiǹní Isirayeel yab bin ŋmátèe. Ama an kaa dóò. M lēē-si á nīn sá atimbun walifiŋu, kí cáá difiil kí bànnì kitiŋ gbeennyɔkɔ.»

Esaïe 66:1

Ti-Dindaan nín lī puee sèé: «Yilpu di sá m-beejal ní kitiŋ sá m-taaŋi tɔkɔnlaŋki. Kudii kulɔkɔ ní ni làá gíti mā-mi? Mpaan ŋulɔŋu pu ní m làá ŋmā kí ŋùŋfì?

Jérémie 3:23

Tiŋman ti yāntì ŋgbantamu pu waatootii nì kuwoou kun bi ŋáań ajoon puee kíil̀-ti. Ibaamɔn, ti-Dindaan ti-Nimbɔtiu di ŋūǹ kí fīī Isirayeel yab.

Jérémie 31:33

Ti-Dindaan bí yii: «Dipoompɔndi din m làá dāá líí Isirayeel yab ŋwiin gbantee sɔ̀. M làá dāá dū m-marab kí ŋmà kí ŋá bi-landɔkɔyin, kí ŋmà-bi kí ŋá bi-pɔbilin. Man làá dāá nīn sá bi-Nimbɔtiu ní bíǹ ń nīn sá m-nibul.

Jérémie 32:38

Niinee bi làá fàtīí nīn sá man nibul, ní man ń nīn sá bi-Nimbɔtiu.

Habaquq 3:13

A nyáń kí fīī a-nibul kí fīī ubɔti un a lēēyee. A líì un sá uyidaan binikpitib dicaŋkunee, ki nāaǹ u-yab kɔkɔ múb.

Zacharie 13:9

M làá fíntí bin kíǹ kaa kpíì gbantee jɔkɔnti kí cɔ̄ŋkì kí kpèè kii bi nín dù tikúti nì sindaariya kí ŋá ŋŋmin kí cɔ̄ŋkì kí kpèè puee ní. Niinee bi làá dāá yíiń-mi ní man ḿ dāá kíí-bi. M làá dāá lì-bi yii bi sá <m-nibul> ní bi mun ń dāá lì-mi yii: <M-Nimbɔtiu di sá m-Dindaan.>»

Luuki 1:77

ní u-nibul ń béé yii u làá dāá fīī-bi kí dū bi-kpitii kí pɔ̄-bi.

Luuki 2:30

kun puee m-nimbil ká Ufiil

Jean 4:22

Nimbi Samaarii yab, naa nyí kun ni jáaḿee, ama timbee ti nyí un ti jáaḿee, kun puee Unimbɔti dū difiil ki dīń Juuda yab pu ní.

Jean 5:23

án nín làá ŋá pu binib kɔkɔ ń nīn tìì-u jilma kii bi nín tìì Ubaati puee. Un kaa tīī Ubaati Jipɔɔn jilmee kaa tīī Ubaati un túnní-uee mun jilma dee.

Actes 4:12

Baa ŋūǹ kí dī ubɔ pu kí ká difiil see Yeesu baba pu. Di sá yii taapu doo Unimbɔti kaa ti tīī ufiil ubɔ un pu timbi binib máaǹ kí dī kí ká difiilee.»

2 Corinthiens 5:19

Di sá yii Kriisitoo pu ní Unimbɔti dī ki cáań binib ní u nì bi mɔ́ɔkì, kaa fātìi tɔ́ bi-kpitii in bi ŋée pu. U dū dimɔɔkil gbanti tundi ki ŋúbiǹ-ti tí sòoǹ nì binib.

Ephésiens 2:22

Ni nì Yeesu Kriisitoo nín ŋá ubaantee puee, nimbi nì timbi di kpáfì ki ŋá kii kudii kun ni Unimbɔti kóò kí dūú dī u-Fam puee.

Deutéronome 10:21

Úǹ ní ni máaǹ kí nyɔ̄ŋkì. Úǹ baba di sá ni-Nimbɔtiu. Úǹ di ŋá atuŋkpaan nì maamaaci tuuŋŋi ki tīī-ni. Nimbi ni-ba ká míǹ.

Philippiens 2:11

ní báà ŋma ń lì u-nyɔkɔn yii Yeesu Kriisitoo di sá ti-Dindaan, ní ti-baa Unimbɔti ń ká tinyool.

Philippiens 4:13

M ŋūǹ tikɔkɔ Kriisitoo un tìì-mi mpɔnee pu.

Colossiens 2:9

Di sá yii Unimbɔti bimbim kɔkɔ bí Kriisitoo wuntin,

Apocalypse 15:3

ní bi bí ki gà Mooyiisi Unimbɔti tɔntɔnliu nì Dipibil laŋyi yii: «Ti-Dindaan Unimbɔti Mpɔŋkɔdaan, a-tuuŋŋi wīikí ki sá amɔnti, sii di sá atimbun bɔtiu. A nín lēē nsàmbiyaamu muŋyee bí deedee ní ki sá mbaamɔn.

Apocalypse 19:1

Boonee ní m gbìl̄ yilpu an bí kii kunipaau neenee, ki lī mpɔn yii: «Aleeluya! Ti-Nimbɔtiu di yì difiil nì tinyool nì mpɔn.

Juges 5:21

Kiisɔn buŋŋu yōoǹ bi-kɔkɔ ki cáa búntì, cannaaku buŋŋu, Kiisɔn buŋŋu dee! M-naŋki, còom̀ nì tininjati!