Exode 13:9 - UNIMBƆTI NYƆƆBUNDI GBƆŊKU

⁹ Jiŋaal gbanti ń dāá nīn sá-ni diteetil, kí dāá nīn sá-ni kudaaŋŋu ni-ŋalii nì ni-yigbeeŋi pu, ní kí nīn téetí-ni yii ni máaǹ kí nìn sòoǹ ti-Dindaan marau pu, kun puee an sá nì u-ŋampɔŋŋu ní u nyántì-ni Eejipiti tiŋkin.

Exode 13:9 Iomraidhean Croise

Néhémie 1:10

Ti-Dindaan, bi sá a-tɔntɔnliibi ní ki sá a-nibul din a dū a-pɔŋkpaaŋŋu nì a-kpabil ki dée.

Psaumes 136:11

U nìn nyántì Isirayeel yab kitiŋ gbantin, di sá yii u-neeŋkpaandi bí ní ki cá jaanjaan.

Psaumes 136:12

Nì atuŋkpaan nì mpɔŋkpaan tuuŋŋi ní u nìn dūu ŋá míǹ, di sá yii u-neeŋkpaandi bí ní ki cá jaanjaan.

Psaumes 89:13

Sii di náań ŋgan pú nì ŋgiil pú, Tabɔɔr nì Eermɔn jooŋŋi gà ilan ki nyɔ́ŋkí a-yindi.

Exode 12:14

«Ní dáań ŋwiin nee kí yóoń kí nīn téetí ŋu-pu, ŋú kpántí-ni jiŋaal ní nīn jīǹ ki tìì man ni-Dindaan tinyool. Jiŋaal gbanti ń kpántí-ni mara ní nīn jīǹ míǹ kí nīn pée cáa cá jaanjaan.»

Exode 12:41

Ŋwiin ŋun ní an sāā abin alaataa anaa nì mmuŋku nì saalaa gúlgulee ní ti-Dindaan nibul nyáń Eejipiti tiŋkin ki nóó tɔb akiti akiti kii bijanjaliibee.

Exode 13:14

Boonee ni-biyaamu yaa láa bíi bàlifī-ni yii ba pu ní ni ŋáań mimmee, ní dāá kíí-bi yii: <Kun pu ti ŋáań mimmee di sá yii ti-Dindaan nìn dū u-ŋampɔŋŋu ní ki nyántì-ti kuyuŋu poon Eejipiti tiŋkin.

Exode 13:16

Míǹ puee tin ti bíi ŋáań nee ń nīn sá-ni kudaaŋŋu ni-ŋalii nì ni-yigbeeŋi pu, kí nīn téetí-ni yii ti-Dindaan nìn dū u-ŋampɔŋŋu ní ki nyántì-ti Eejipiti tiŋkin.

Exode 13:3

Mooyiisi bí Isirayeel nibul yii: «Ní nīn téetímaan ŋwiin nee pu, ti-Dindaan nín dū u-ŋampɔŋŋu ki nyántì-ni kuyuŋun Eejipiti tiŋkin puee. Yaadalee ní taa ŋmɔ́ kpɔnɔb bin poon bi ŋá ŋkpɔnɔnyɔkɔee.

Exode 3:20

An puee m làá tàntī m-ŋal ki dū maamaacib nín bí tɔbin u-ba u-ba puee kí ŋá bi-kansikin niin, ní án fáá Eejipiti tiŋki. Míǹ boonee ní ú yàntī ní nyā kí nīn cá.

Exode 7:4

Ama Faaroo kaa làá pīlifiǹ-ni. M làá dàkà Eejipiti yab m-pɔŋŋu, kí dáaĺ bi-tafal ŋkpitim pu, ní kí nyāntí m-nibul Isirayeel yab Eejipiti tiŋkin bí nīn nóó tɔb akiti akiti kii bijanjaliibee.

Proverbes 1:9

Án di dāa sá kifuunyaaŋŋi ki cíkí a-yil, nì tiléeŋkaal tin a lá a-neenee.

Proverbes 3:21

M-biki, dū a-ba kí nákáǹ dinyil nì nlandɔkɔmɔnti, taa pée fàtī a-boon kí tīī tiwan tili gbanti jaanjaan.

Proverbes 7:23

áli mpiin ń dāá sāā kí kɔ́ u-pɔɔl. Kii kinɔmbiki nín ŋàaǹ malaa malaa pu kí cáá ki-ba kí tɔ̄ kulaaŋŋun puee, waa nyí yii u-maŋfal ní u làá dūú pà tin u bíi ŋáańee pu.

Cantique des cantiques 8:6

Dū-mi kí nákań a-pɔbil pu kii kijalii kin a cáa nyìitī a-wanti puee. Yàntī ḿ nīn pée bí ki lɔ́kɔ́-si kii ditaŋkpal din pu bi kpítì a-yindi a dūu fúuń a-ŋalee. Tiŋman, dineendi pɔ̄ɔ̄ kii ŋkúmee ní, ní kpɔkɔsi pɔ̄ɔ̄ kpaŋkpam kii ditaŋkpiilinee, tiba kaa ŋūǹ kí pèefì-dì. Di fòol̄ kii ŋŋmee ní ki tòó kii utaayee.

Esaïe 27:1

Yaadalee, ti-Dindaan làá dāá yòon̄ u-tàataajiki kin jītí, ki sá kikpaŋkpaaŋŋi, ki cáá mpɔnee kí dáaĺ Leefiyatan, ukoobu un sáńee, Leefiyatan, ukoobu un nyí diŋmatindee tafal. U làá dāá kpɔ̀ tiŋkun peebilinti gbanti.

Esaïe 40:10

Kpèèmaan ti-Dindaan Unimbɔti! U dòoń nì mpɔn. U cáá mpɔn kí jī dibeel. Kpèèmaan, u cāabìń u-paati, u ŋúbiń u-gìńdi paatii.

Esaïe 44:5

Ubɔ dāa lì yii: <Man sá ti-Dindaan yɔu ní>, ní ubɔ mun ń dāá lì yii: <M sá Jaakɔb dicaŋkun ní>, ní un kíǹ mun ń dāá ŋmà u-ŋal poon yii: <Ti-Dindaan di yì-mi>, ní án dāa mɔ̄ǹ udaan bí nīn yíì-u Isirayeel yindi.»

Esaïe 49:16

Kpèè, m ŋmàn̄ a-yindi m-ŋal poon, ŋyunti kamaa m wāĺ a-guŋŋi m-nimbiin.

Esaïe 51:9

Fìntim̄, ti-Dindaan fìntim̄! Dàkà a-pɔŋkpaaŋŋu! Fìntim̄ kii a nín nìn ŋá pu cannaakuee, kii a nín nìn ŋá pu njaminee! Sii di nāaǹ Raab, ki sāā ki pūutì tiŋkun peebiliŋku.

Esaïe 59:21

Ní ti-Dindaan kútì ki lī yii: «Mpèé ŋun làá nīn bí man nì bi kansikinee sèé: <M-Fam bí ni-pu, m-nyɔɔbuŋŋi kā ni-nyɔkɔn. Ŋi làá nīn sá ki tīī ni nì ni-biyaamu nì ni-naantiibi ní kí yòon̄ kɔŋkɔnnee kí nīn cáa cá jaanjaan. M kpá kí fàtīí fōō-dì.> Man ni-Dindaan di lī míǹ.»

Jérémie 22:24

Á sòoǹ nì Yoowakiim jipɔɔn Yeekooniya Juuda bɔtiu yii: «Ti-Dindaan nín sòon̄ puee sèé: <M bí dimaŋfalin, m pūtì yii báà a yaa bàà sá kii kibɔmbiki ki fúuń m-ŋambiki m cáa nyìitī m-daaŋkuee, m làá fúutí-si kí fá.

Daniel (hébreu) 9:15

«Ti-Dindaan ti-Nimbɔtiu, a nín nìn dū a-pɔŋkpaaŋŋu ki nyántì a-nibul Eejipiti tiŋkinee, a nyáń diyindi ki dāa sāā díǹ. Ama ti ŋá ikpiti, ki ŋá tin kaa kítèe.

Joël 2:11

Ti-Dindaan līī u-janjakitil nyɔkɔpu ki téeń. U-janjakitiŋ ŋin tɔ́ u-marabee wīikí tikpil ní ki pɔ̄ɔ̄. Di sá yii ti-Dindaan wiiŋŋu dal sá ŋwiŋkpaan ní, ŋwiinee nyāŋkì ní ŋma di dāa ŋūǹ kí ŋmátí?

Nombres 15:39

Ni yaa pēē dibɔkutil ní ki wāĺ igbeeŋgbeenee, ni làá nīn téetí ni-Dindaan marab kɔkɔ pu, kí nīn ŋáań marabee nín bí ní ŋá puee. Mimmee naa làá yàntī ni-landɔkɔi nì ni-nimbikpeeŋu ń téé-ni kí kɔ́ǹ iwaatootin.

Matthieu 23:5

Bi pée tūǹ bi-tuuŋŋi kɔkɔ binib ń nīn wāĺ-bi ní. Bi wàantí igban in pu bi ŋmà Unimbɔti bɔti ki cáa fìǹ bi-ŋalii nì bi-yigbeeŋee, ní ki fɔ̀kɔntí bi-bɔkutiŋ gbeeŋgbeeŋyi.

Romains 10:8

Mimmee, tí lì yii ba? Unimbɔti gbɔŋku lī yii: «Dinyɔɔbundi gbanti bí ki kɔ́ĺ-si, ki bí a-nyɔkɔn nì a-pɔbilin.» Dinyɔɔbundi gbanti di sá fookii bɔti tin ti sòoǹee, yii.

Deutéronome 30:14

Aayee, dinyɔɔbundee dɔ̄ ki kɔ́ĺ-ni. Di kā ni-nyɔkɔn ki kā ni-pɔbilin, án nín làá ŋá pu ní ŋmā kí ŋá kii di nín bí yii ní ŋá puee.

Deutéronome 5:15

Á téetí yii a nìn kāl̀ kuyuŋu Eejipiti tiŋkin ní man a-Dindaan a-Nimbɔtiu dū m-pɔŋkpaaŋŋu ki nyántìń-si kitiŋ gbantin. An pu ní man a-Dindaan a-Nimbɔtiu tīī-si mara yii á nīn tɔ́ ŋwiŋŋuŋfikaa.

Deutéronome 6:21

Ní dāá kíí-bi yii: «Ti nìn sá iyumbu ní Faaroo ŋaan Eejipiti tiŋkin, ní ti-Dindaan dū mpɔŋkpaan ki nyántìń-ti niin.

Deutéronome 6:6

Á dū marab bin m tīī-si díǹ nee kí kpāafì a-pɔbilin.

Deutéronome 6:8

Á ŋmà-bi kí dūú fìn̄ a-ŋal nì a-yigbeel án nīn sá-si kudaaŋŋu.

Apocalypse 18:8

An pu ní ditafadaaldi din dɔ̄ ki cí-kèe kɔkɔ làá bàń ki-pu ŋwimbaanti, ŋkúm nì dinimbinaamandi nì ŋkùm, ní ŋŋmi ń dāá púntí-kì kí wà, kun puee ti-Dindaan Unimbɔti un dáaĺ ki-tafalee sá mpɔndaan ní.»

Juges 2:12

Bi nìn fātì bi-boon ki tīī ti-Dindaan, bi-baabi Nimbɔtiu un nìn nyántìń-bi Eejipiti tiŋkinee, ní ki nóó inimbɔti in binib bin kansikin bi nìn kóòyee jáaḿee.