Exode 13:5 - UNIMBƆTI NYƆƆBUNDI GBƆŊKU

⁵ Ti-Dindaan yaa cáá-ni ki kɔ́ǹ Kanaan yab nì Eeti yab nì Amɔɔr yab nì Eefi yab nì Jeebusi yab timmunee, ní dāá nīn ŋáań akoobil nee dibindi kamaa uŋmal nee poon ki tìì ti-Dindaan tinyool. Kitiŋ gbanti ní ti-Dindaan nìn pōoǹ ni-naanjab yii u làá dūú tīī-nee. Kitiŋ gbanti poon ní nnaabiim nì tisiil còol̀.

Exode 13:5 Iomraidhean Croise

Genèse 26:3

Á gbíntí kitiŋee poon, m làá nīn bí a-cee ki làá bìin̄ a-boon, kun puee sii nì a-naantiibi ní m làá dū kitiŋ gbanti kɔkɔ kí tīī. M làá ŋá míǹ kí dàkà yii m nín nìn pōoǹ min ki tīī a-baa Abraamee, maa làá kpántí.

Genèse 50:24

Bi bí míǹ dalbee ní Jooseefi tùkū u-nabiyaamu yii: «Man làá kpú ní nee, ama Unimbɔti làá dāá pée tūtuǹ-ni. U làá dāá nyāntí-ni kitiŋ nee poon kí cáá-ni kí cùnnì kitiŋ kin u nìn pūtì ki pōoǹ yii u làá tīī Abraam nì Isaaki nì Jaakɔbee.»

1 Chroniques 1:15

nì Ifii yab nì Arkii yab nì Siinii yab,

Exode 12:24

Án nīn sá dibɔkpaal din làá nīn bí ki cá jaanjaanee ki tīī ni nì ni-biyaamu.

Exode 13:10

Dibintil kamaa jiŋaal nee wiiŋŋu yaa bāańee, ní ŋá min mara nee bí yii ní ŋée.

Exode 13:11

Ti-Dindaan làá cáá-ni kí kɔ́ǹ Kanaan tiŋkin kii u nín nìn pūtì ki pōoǹ ni nì ni-naanjab yii u làá dū-kì kí tīī-ni puee.

Exode 3:17

M làá nyāntí-ni kitiŋ kin poon bi bí ki sàantí-ni nee kí cáá-ni kí cùnnì kitiŋ kin poon Kanaan yab nì Eeti yab nì Amɔɔr yab nì Peeriisi yab nì Eefi yab nì Jeebusi yab kóòyee. Kitiŋ gbanti poon ní nnaabiim nì tisiil còol̀.>

Exode 3:8

An puee m sīntìń kí fōō-bi Eejipiti yab ŋaan, kí nyāntí-bi kitiŋ nee poon kí cáá-bi kí cùnnì kitiŋ kin ŋān̄ ki sá kikpaaŋŋee poon. Kitiŋ gbanti poonee, nnaabiim nì tisiil di còol̀. Niin ní Kanaan yab nì Eeti yab nì Amɔɔr yab nì Peeriisi yab nì Eefi yab nì Jeebusi yab kóò.

Exode 32:13

Téetí Abraam nì Isaaki nì Jaakɔb pu, a-tɔntɔnliibi bin a nìn pūtì ki pōoǹ-bi yii: <M làá bùtī ni-maaliŋun yab bí nīn wīikí kii iŋmalbijaa in bí kutagbɔŋu puee. M làá dū kitiŋ kin m pōoǹ-bee kí tīī-bi bí nīn kíǹ ki yì kí nīn pée cáa cá jaanjaan.>»

Exode 33:1

Ti-Dindaan bí Mooyiisi yii: «Yīkì doo, sii nì dinibul din a nyántìń Eejipiti tiŋkinee, kí nīn cá kitiŋ kin m pūtì ki pōoǹ Abraam nì Isaaki nì Jaakɔb yii m làá dūú tīī bi-maaliŋun yabee.

Exode 34:11

«Á ŋúb́ mara un m làá yóoń-si díǹ nee tiŋan. M làá jà Amɔɔr yab nì Kanaan yab nì Eeti yab nì Peeriisi yab nì Eefi yab nì Jeebusi yab a-nimbiin.

Exode 6:4

M nìn pōoǹ-bi dipoondi yii m làá dū Kanaan tiŋki kin bi nìn kóò ki sá binicambee kí tīī-bi.

Exode 6:8

M làá cáá-ni kí cùnnì kitiŋ kin poon m nìn pūtì yii m làá tīī Abraam nì Isaaki nì Jaakɔbee. Nimbi ní m làá dū kitiŋ gbanti kí tīī ní nīn kíǹ ki yì. Man ni-Dindaan di lī míǹ.>»

Jérémie 11:5

Niinee, m làá ŋá m nín nìn pōoǹ ni-naanjab puee kí tīī-bi. M nìn pōoǹ-bi yii m làá dū kitiŋ kin poon nnaabiim nì tisiil còol̀ee kí tīī-bi. Kitiŋ gbanti poon ní ni bí díǹ nee.» Ní m kíí yii: «An sá míǹ ní ti-Dindaan.»

Jérémie 32:22

A nìn pūtì ki pōoǹ ti-naanjab yii a làá dū kitiŋ kin poon nnaabiim nì tisiil pùub̀ee kí tīī-bi ní a lafun ŋá míǹ.

Ezéchiel 20:6

Ŋwiin gbantee, m nìn yōoǹ m-ŋal yilpu ki pūtì kí nyāntí-bi Eejipiti tiŋkin kí cáá-bi kí kɔ́ǹ kitiŋ kin poon m nyàab̄ kí tīī-bee. Kitiŋ kin di ŋān̄ ki jítiǹ ntimu kɔkɔ nnaabiim nì tisiil còol̀ee.

Lévitique 20:24

M tùkū-ni ki síiǹ yii: <Nimbi di làá fōō bi-tiŋki, man di dū-kì ki tīī-ni. An sá kitiŋ kin poon nnaabiim nì tisiil còol̀ee ní!> Man di sá ni-Dindaan, ni-Nimbɔtiu un di gāntì nimbi inibool kɔkɔ kansikinee.

Nombres 11:12

Man di kaa cáá dinibul nee pool ki màl̄-bi, nì míǹ kɔkɔee, a bí yii ḿ fōō-bi kí ŋmàb̄ kii ubilool nín ŋmàb̀ kibipɔŋ puee, kí cáá-bi kí cùnnì kitiŋ kin poon a nìn pūtì ki pōoǹ yii a làá tīī bi-naanjabee.

Nombres 13:27

Tin bi nìn dɔ́miń ki máafì Mooyiisee sèé: «Ti nín bàn̄ kitiŋ kin poon a tú-tee, tiŋman nnaabiim nì tisiil còol̀ ní. Kpèè abil ŋin kì lòoǹee.

Nombres 14:16

<Ti-Dindaan nín nìn pūtì ki pōoǹ yii u làá cáá u-nibul kí cùnnì kitiŋ kin poonee, waa ŋúń ki cáá-bi ki bàn̄, an pu ní u kūū ki céetì-bi kuteeun.>

Nombres 14:30

M pūtì yii naa làá kɔ́ kitiŋ kin m nìn pōoǹ yii m làá kàan̄-nee poon. See Yeefunee jipɔɔn Kaaleeb nì Nuuni jipɔɔn Joosuwa baba di làá kɔ́.

Nombres 32:11

<Binib bin nìn nyáń Eejipiti tiŋkin kuyuŋu ki nìn cáá abin mmuŋku kí nīn cée, bi kpá kí kɔ́ kitiŋ kin m pōoǹ kí tīī Abraam nì Isaaki nì Jaakɔbee, kun puee baa yúliǹ-mi deedee.

Deutéronome 12:29

Ti-Dindaan ni-Nimbɔtiu làá nàan̄ anibul ŋin kóò kitiŋ kin poon ni cá kí kɔ́ nee. Ni làá dāá jà-bi ní kí fōō bi-tiŋki kí nīn kíǹ ki kóò niin.

Deutéronome 19:1

Ti-Dindaan ni-Nimbɔtiu làá dāá kpɔ̀ kí céetí anibul ŋin tiŋki u làá dūú tīī-ni nee, ní ní jà-bi kí nyāntí ní kí fōō bi-timmu kí nīn kíǹ ki yì, kí jī bi-diiŋŋi kí nīn kóò.

Deutéronome 26:1

Ni làá kɔ́ kitiŋ kin ti-Dindaan ni-Nimbɔtiu làá dūú tīī-ni ní nīn kíǹ ki yèe poon. Ni yaa láa ká ŋkakaamɔnti ki kāl̀ee,

Deutéronome 7:1

Ti-Dindaan ni-Nimbɔtiu làá cáá-ni kí kɔ́ǹ kitiŋ kin ní ni làá fōō ki nìn kíǹ ki yèe poon. U làá jà anibul kupaau ni-nyɔkɔpu kí wàatī-ni. Anibul gbanti nyáń aluli ní ki sá akpaan ki pɔ̄ɔ̄ ki jítiǹ-ni. Ŋíǹ di sá: Eeti yab nì Giirgaasi yab nì Amɔɔr yab nì Kanaan yab nì Peeriisi yab nì Eefi yab nì Jeebusi yab.

Josué 24:11

Ni nìn dūtì Jɔɔdan buŋŋu ki bāań Jeeriikoo tiŋkin ní Jeeriikoo yab nìn jáń nì ni. Amɔɔr yab nì Peeriisi yab nì Kanaan yab nì Eeti yab nì Giirgaasi yab nì Eefi yab nì Jeebusi yab mun nìn jáń nì ni. Ama m nìn dū bi-kɔkɔ ki ŋá ni-ŋaan.