Exode 13:4 - UNIMBƆTI NYƆƆBUNDI GBƆŊKU

⁴ Ni bíi nyēē Eejipiti tiŋki poon díǹ Ifin ŋmaliu un bi yíì Abiibee wiiŋŋu ŋubɔ dee.

Exode 13:4 Iomraidhean Croise

Genèse 15:16

A-naantitɔntɔkɔŋ dinanaatiil di làá dāá fàtīí gítiń doo, di sá yii kí dāá sāā ŋyunti gbanti ní Amɔɔr yab kpitii làá wíiǹ kí bà i-nyɔkɔm.»

Exode 12:2

«Uŋmal un poon ni bí nee ń nīn sá-ni uŋmapeepeekaa iŋmal poon. U làá nīn sá-ni dibindi poon ŋmapeepeekaau ní.

Exode 23:15

Ní dāá jī jiŋaal un bi ŋmóò kpɔnɔb bin poon baa ŋá ŋkpɔnɔnyɔkɔee. Iwiin in m yóoǹ-ni Abiibi ŋmaliu poonee, ní dāá dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee, kii m nín tīī-ni mara puee. Di sá yii uŋmal gbanti poon ní ni nyáń Eejipiti tiŋkin. Ní taa dāan̄ m-nimbiin iŋaŋkulim.

Exode 34:18

«Á dāá jī jiŋaal un bi ŋmóò kpɔnɔb bin kaa cáá ŋkpɔnɔnyɔkɔee. Á ŋmɔ́ kpɔnɔb bin kaa cáá ŋkpɔnɔnyɔkɔee iwiin iluli kii m nín yóoǹ-ni mara puee, Abiibi ŋmaliu un poon bi yóoǹ kí nīn jīǹ-uee. Di sá uŋmal gbanti poon ní bi nyántìń-ni Eejipiti tiŋkin.

Exode 6:4

M nìn pōoǹ-bi dipoondi yii m làá dū Kanaan tiŋki kin bi nìn kóò ki sá binicambee kí tīī-bi.