Exode 13:2 - UNIMBƆTI NYƆƆBUNDI GBƆŊKU

² «Á dū Isirayeel yab biseebiyaamu bininjab kɔkɔ kí sú-mi. Di sá yii unimpu kamaa biseebiki kininjabiki nì kuwaŋkuluu kamaa bipeepeekaaki kijaka sá ki tīī man ní.»

Exode 13:2 Iomraidhean Croise

Néhémie 10:36

Míǹ ní ti làá nīn tí cāabìń ti-tiŋki jincɔ̀fikaati nì busubu kamaa nín lòoǹ abil ŋiŋyee apeekaa dibintil kamaa ti-Dindaan diikun.

Néhémie 10:37

Ti làá gíti cáań ti-biseebiyaamu nninjabiyaamu nì ti-waŋkuti biseemaliŋ, kii an nín ŋmàn̄ marab gbɔŋkun poon puee. Ti làá cáá ti-naai nì ti-piii nì ti-ŋoobui biseemaliŋ kí cùnnì ti-Nimbɔtiu diikun kí tīī bisaraaŋaliibi bin bí niin ki tūǹ ti-Dindaan tundee.

Exode 13:1

Ti-Dindaan sòon̄ nì Mooyiisi ki bí-u yii:

Exode 22:28

«Ni máaǹ kí cáań ni-kpaajinti ticɔfikaal nì ni-dapeepeekaam min ni ŋmáaḿee kí ŋá-mi saraa. «Ní dū ni-biseebiyaamu nninjabiyaamu kí sú-mi.

Exode 23:19

Ní cáań ni-Dindaan ni-Nimbɔtiu diikun ni-kpaatanti nín lòon̄ tiŋyee jincɔ̀fikaati. Ní taa dū uŋoobu biim kí ŋàan̄ u-biki nanti.»

Exode 4:22

Á tùkù Faaroo yii ti-Dindaan nín lī puee sèé: <Isirayeel yab sá kii m-jipɔŋkpiliuee ní.

Ezéchiel 16:20

Jeerusaleem, a dū a-jipɔmbi nì a-bisalib bin a màl̄-mee ki ŋá saraa ki tīī awaa gbanti an kpántì ŋi-jinti. A-laakpaatuuŋŋi ŋin a ŋáańee kaa bàn̄-see,

Ezéchiel 16:21

see a nín lāntì m-jipɔmbi ki dūu ŋá saraa ki tīī a-waaŋee!

Lévitique 27:26

«Ubɔ kaa cáá nsan kí dū u-waŋkuluku biseemal kí sú ti-Dindaan, kun puee ti-Dindaan di yì unaa àá uŋoobu àá upii biseemal.

Nombres 18:15

Mbiseebiyaamu nninjabiyaamu mun bi cāabìń ki ŋáań-mi saraayee, an yaa sá binibeeee, tiwaŋkuteeee, sii di yì. Ama á yàntī bí pà mbininjabiyaamu yil pu, kí pà tiwaŋkuti tin kaa ŋān̄ bí dūú ŋá saraayee mun yil pu.

Nombres 3:12

«Á nīn nyí yii man m-ba di lēē Leefii yab Isirayeel yab kansikin bí fōō Isirayeel yab biseebiyaamu nninjabiyaamu yil. Man di yì Leefii yab.

Nombres 3:13

Kibiseebiki kininjabiki kamaayee, man di yì, di sá daliŋkin m nìn kūū Eejipiti tiŋkin biseebiyaamu nninjabiyaamu kɔkɔee, m nìn dū Isirayeel biseebiyaamu nninjabiyaamu nì bi-waŋkuti biseemal njamu kɔkɔ ki sú m-ba. Man di sá ni-Dindaan.»

Luuki 2:23

An ŋmàn̄ ti-Dindaan marau poon yii: «Kibiseebiki yaa sá kininjabikee, an sá bí gàntī kíǹ ki-ba kí yóoń ti-Dindaan

Deutéronome 15:19

Ní dū ni-naai nì ni-piii nì ni-ŋoobui biseemaliŋ kí sú ti-Dindaan ni-Nimbɔtiu. Ní taa dū ni-naai in sá abiseemalee kí kpàl̄ í kpɔ̀ tikpaal, kí taa tí cā ni-piii in sá abiseemalee kuti.

Hébreux 12:23

Nimbi dɔ́miń laakin bin sá Unimbɔti biyaamu mun u péé péé ki màl̄ bi-yiŋŋi ŋmàn̄ yilpuee kpáfée ní. Ni dɔ́miń Unimbɔti u-ba cee ní, úǹ di sòoǹ binib kɔkɔ bɔti nì binib bin bí deedee Unimbɔti yāntì bi-nammu kpántì mmɔntiimu baa kāntí mu-pu tikpitil tibee.