Exode 13:10 - UNIMBƆTI NYƆƆBUNDI GBƆŊKU

¹⁰ Dibintil kamaa jiŋaal nee wiiŋŋu yaa bāańee, ní ŋá min mara nee bí yii ní ŋée.

Exode 13:10 Iomraidhean Croise

Exode 12:14

«Ní dáań ŋwiin nee kí yóoń kí nīn téetí ŋu-pu, ŋú kpántí-ni jiŋaal ní nīn jīǹ ki tìì man ni-Dindaan tinyool. Jiŋaal gbanti ń kpántí-ni mara ní nīn jīǹ míǹ kí nīn pée cáa cá jaanjaan.»

Exode 12:17

«Kpɔnɔb bin baa ŋá ŋkpɔnɔnyɔkɔee jiŋaaliu sá ní nīn jīǹ ki téetí ŋwiin ŋun m nìn nyántì m-nibul Eejipiti tiŋkinee ní. Ní nīn jīǹ jiŋaal gbanti kí nīn pée cáa cá jaanjaan. Án nīn sá-ni dibɔkpaal din kaa kpántée.

Exode 12:42

Ti-Dindaan nìn cíitì kunyeeu gbanti kɔkɔ ní ki nyántì Isirayeel yab Eejipiti tiŋkin. An puee, kí nīn cáa cá jaanjaanee, Isirayeel yab máaǹ kí nīn kàal̀ kunyeeu gbanti kí taa gèeǹ, di sá yii ti-Dindaan di yì kunyeeu gbanti.

Exode 13:5

Ti-Dindaan yaa cáá-ni ki kɔ́ǹ Kanaan yab nì Eeti yab nì Amɔɔr yab nì Eefi yab nì Jeebusi yab timmunee, ní dāá nīn ŋáań akoobil nee dibindi kamaa uŋmal nee poon ki tìì ti-Dindaan tinyool. Kitiŋ gbanti ní ti-Dindaan nìn pōoǹ ni-naanjab yii u làá dūú tīī-nee. Kitiŋ gbanti poon ní nnaabiim nì tisiil còol̀.

Exode 23:15

Ní dāá jī jiŋaal un bi ŋmóò kpɔnɔb bin poon baa ŋá ŋkpɔnɔnyɔkɔee. Iwiin in m yóoǹ-ni Abiibi ŋmaliu poonee, ní dāá dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee, kii m nín tīī-ni mara puee. Di sá yii uŋmal gbanti poon ní ni nyáń Eejipiti tiŋkin. Ní taa dāan̄ m-nimbiin iŋaŋkulim.

Lévitique 23:6

«Iwiin saalku dalee, ní jī jiŋaal un bi ŋmóò kpɔnɔb bin kaa cáá ŋkpɔnɔnyɔkɔee kí jāam̀ ti-Dindaan. Ní ŋmɔ́ kpɔnɔb bin kaa cáá ŋkpɔnɔnyɔkɔee iwiin iluli.