Exode 12:2 - UNIMBƆTI NYƆƆBUNDI GBƆŊKU

² «Uŋmal un poon ni bí nee ń nīn sá-ni uŋmapeepeekaa iŋmal poon. U làá nīn sá-ni dibindi poon ŋmapeepeekaau ní.

Exode 12:2 Iomraidhean Croise

Esther (hébreu) 3:7

Ubɔti Asuweerusi nín jíń dibeel abin saalaa nì ali, uŋmapeepeekaa un bi yíì Niisaŋyee poon ní bi tɔ́ Puur, an dàkà yii bi tɔ́ kasi Amaani nimbiin ŋwiin kamaa pu nì uŋmal kamaa pu kí kpèè ŋwiin àá uŋmal un di máaǹ ú kpɔ̀ kí céetí Juuda yabee. Ní an dūu lítì uŋmal saalaa nì uliliiti pu, uŋmal gbanti ní bi yíì Adaar.

Exode 12:1

Ti-Dindaan bí Mooyiisi nì Aarɔn Eejipiti tiŋkin yii:

Exode 12:18

Kí yòon̄ uŋmapeekaa poon ŋwiin ŋubɔ kpá saalku dal kujoopɔŋ kí tin cáá sāā iwiin mmuŋku nì ŋubɔ dal kujoopɔŋuee, ní taa ŋmɔ́ kpɔnɔb bin bi ŋá ŋkpɔnɔnyɔkɔee.

Exode 12:3

Ní kpāfì Isirayeel samaau kɔkɔ kí sòoǹ nì bi yii: <Uŋmal nee poon iwiin saalaayee, kudicaŋu àá kunaakoou kamaa ń lēē dipibil àá diŋɔbil diba.

Exode 13:3

Mooyiisi bí Isirayeel nibul yii: «Ní nīn téetímaan ŋwiin nee pu, ti-Dindaan nín dū u-ŋampɔŋŋu ki nyántì-ni kuyuŋun Eejipiti tiŋkin puee. Yaadalee ní taa ŋmɔ́ kpɔnɔb bin poon bi ŋá ŋkpɔnɔnyɔkɔee.

Exode 13:4

Ni bíi nyēē Eejipiti tiŋki poon díǹ Ifin ŋmaliu un bi yíì Abiibee wiiŋŋu ŋubɔ dee.

Exode 23:15

Ní dāá jī jiŋaal un bi ŋmóò kpɔnɔb bin poon baa ŋá ŋkpɔnɔnyɔkɔee. Iwiin in m yóoǹ-ni Abiibi ŋmaliu poonee, ní dāá dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee, kii m nín tīī-ni mara puee. Di sá yii uŋmal gbanti poon ní ni nyáń Eejipiti tiŋkin. Ní taa dāan̄ m-nimbiin iŋaŋkulim.

Exode 34:18

«Á dāá jī jiŋaal un bi ŋmóò kpɔnɔb bin kaa cáá ŋkpɔnɔnyɔkɔee. Á ŋmɔ́ kpɔnɔb bin kaa cáá ŋkpɔnɔnyɔkɔee iwiin iluli kii m nín yóoǹ-ni mara puee, Abiibi ŋmaliu un poon bi yóoǹ kí nīn jīǹ-uee. Di sá uŋmal gbanti poon ní bi nyántìń-ni Eejipiti tiŋkin.

Exode 40:17

Isirayeel yab nín nyáń kuyuŋun Eejipiti tiŋkinee, an tú dibindi uŋmapeepeekaa wimpeekaaŋu dal ní bi cóoǹ circir kɔŋkooŋŋu.

Ezéchiel 45:18

Ti-Dindaan Unimbɔti gíti sòon̄ yii: «Uŋmapeekaa wimpeekaaŋuee, ní dū unaja un laaba kaa wɔ̀b̄ee kí ŋá saraa kí ŋá circir kɔŋkooŋŋu circir.

Ezéchiel 45:21

«Ŋwiin ŋubɔ kpá saalku dalee, ní kíĺ kí jī Dilákatil jiŋaaliu. Jiŋaal gbanti làá fōō iwiin iluli, ní iwiin iluli gbanti poonee, ní taa ŋmɔ́ kpɔnɔb bin cáá ŋkpɔnɔnyɔkɔee.

Lévitique 23:5

Dilákatil jiŋaaliu un bi jīǹ ki tìì ti-Dindaan tinyoolee kífí uŋmapeepeekaa, ŋwiin ŋubɔ kpá saalku dal kujoopɔŋ ní.

Nombres 28:16

«Dibimpɔndi ŋmapeepeekaau ŋwiin ŋubɔ kpá saalku dalee, ní jī man ni-Dindaan jiŋaaliu un bi yíì Dilákatil jiŋaaliuee, an dàkà yii jiŋaal un Isirayeel yab làá nīn jīǹ ki téetí Unimbɔti nín nìn nyántì-bi Eejipiti tiŋkin puee.

Deutéronome 16:1

Ní nīn nyí kí jī Abiibi ŋmaliu poon, Dilákatil jiŋaaliu kí tīī ti-Dindaan ni-Nimbɔtiu tinyool. Di sá yii uŋmal gbanti poon nyeeku kubɔ ní u nìn nyántìń-ni Eejipiti tiŋkin.