Exode 11:2 - UNIMBƆTI NYƆƆBUNDI GBƆŊKU

² Míǹ puee á sòoǹ nì Isirayeel yab, bininjab nì binimpoobi, báà ŋma ń mèè u-kɔŋkɔnnaatɔ sindaariya nì animbil kúti wanti.»

Exode 11:2 Iomraidhean Croise

Genèse 24:53

U jáam̀ ti-Dindaan ki dóòyee ní ki nyántìń animbil kúti wanti, nì sindaariya wanti nì tiwampeeŋkaal ki tīī Reebeeka, ní ki tīī u-niija nì u-na mun tigaajawan tikpil.

Genèse 31:9

Unimbɔti di fōō ni-baa waŋkuti ki tīī-mi.

Psaumes 105:37

U nìn nyántì u-nibul bi tú animbil nì sindaariya. Bi-naakɔti kansikinee, ubɔ kaa nìn gbíntì boon.

Psaumes 24:1

Daafiidi di ŋmàn̄ nlan nee. Ti-Dindaan di yì kitiŋ nì tin kɔkɔ bí ki-puee, úǹ di tí yì duulinya nì binib bin bí u-nee.

Exode 3:21

M làá yàntī gba ni-nibul ń ká diyimɔɔl Eejipiti yab cee, ní ni yaa làá dāá nyēe, ní taa láa nyā nì iŋaŋkulim.

Exode 3:22

Unimpu kamaa làá dāá bàlifì ueejipitinimpu u nì un kóò ki pìl̄ee nì un kóò u-dumpuee animbil kúti nì sindaariya wanti nì abɔkuti, kí dūú ŋá ni-jipɔmbi nì ni-bisalib wunti pu. Ni nín làá ŋá pu kí fūkul̀ Eejipiti yabee dee.»

Exode 32:24

Niinee ní m bālifì-bi yii: <Ŋma di cáá sindaariya?> Dicilpu niin ní bi túutì abɔmbil bi-tafaliŋ pu ki cáań ki tīī-mi, ní m dūu tɔ́ ŋŋmin ní dinabil nee nyánní.»

Exode 35:22

Míǹ ní bininjab nì binimpoobi bin cáá tinitee yōoǹní akimbil nì falfatib nì mbɔmbiyaamu nì abɔmbil nì sindaariya wanti tin sá tiwannyɔkɔntikaalee ki dī akoobil nín sá puee ki dūu ŋá saraa ki tīī ti-Dindaan.

Proverbes 13:22

Unimɔnti naantiibi jīǹ u-gaajawanti difakal ní, ama unikpiti úǹ gaajatee, deedeedaan di jīǹ-tì.

Aggée 2:8

Di sá yii, man di yì sindaariya, man di tí yì animbil.

Matthieu 20:15

Maa cáá nsan kí dū m-nimbiliŋ kí ŋá m nín là pueeee? Àá, m nín ŋá un béeyee tiŋanee ní an wù-si ní?>»