Exode 11:1 - UNIMBƆTI NYƆƆBUNDI GBƆŊKU

¹ Ti-Dindaan bí Mooyiisi yii: «M làá tɔ̄ń nnaabujoolkaa Faaroo nì Eejipiti yab pu. Míǹ boonee ní ú dāá nín yàntī ní nyā. U làá dāá jà-ni ní nyā doo talku.

Exode 11:1 Iomraidhean Croise

Genèse 15:14

Ama m làá dāá dáaĺ ditimbundi din làá dāá cúú a-naantiibi kuyuŋuee tafal, ní boonee bí dāá nyā kitiŋ gbantin nì tigaajakpaandi.

Yoob 10:17

A jáà nì mi kaa gbèentí, diŋuul din a gíí m-puee mɔ̀tīí gbēentí, ní a-janjaliibi dòoń akiti akiti kí jáǹ-mi.

Exode 12:29

Kunyataasiiuee ní ti-Dindaan kūū Eejipiti tiŋkin mbiseebiyaamu nninjabiyaamu kɔkɔ, ki kíliń Faaroo un kā dibeejal puee jipɔŋkpiliu ki tin cáa sāā usarkadaan un kā u-sarkadiikunee jipɔŋkpiliu nì tiwaŋkuti kɔkɔ bipeepeekaamu njamu.

Exode 3:20

An puee m làá tàntī m-ŋal ki dū maamaacib nín bí tɔbin u-ba u-ba puee kí ŋá bi-kansikin niin, ní án fáá Eejipiti tiŋki. Míǹ boonee ní ú yàntī ní nyā kí nīn cá.

Exode 6:1

Ti-Dindaan bí Mooyiisi yii: «Kɔŋkɔnnee a làá ká m nín làá ŋá Faaroo puee. M-pɔŋkpaaŋŋu ŋun m làá dàkà-uee pu ní u làá yàntī m-nibul ń nyā. Mpɔŋkpaan gbanti di làá yàntī ú jà-ni kí nyāntí u-tiŋkin!»

Exode 9:14

Di sá kɔŋkɔnnee, m làá dū nnaabu nín bí pu ŋu-ba ŋu-bee kɔkɔ kí tɔ̄ si nì a-kpambaliŋ nì a-tiŋki nib kɔkɔ pu, ní á béé yii ubɔ kaa bí kitiŋ nee pu kí dū u-ba kí ŋmàntīǹ man.

Lévitique 26:21

«Ni yaa gbíntìi bíi jáà nì mi kaa là kí nīn tɔ́-mee, m làá dāá mɔ̀tīí kūtì ni-kpitii tafadaaldi miluli pu.

Deutéronome 4:34

Àá unimbɔti ubɔ gíti bí laaba ki mākaǹ ki ŋá maamaacib nì atuŋkpaan nì dikɔ̀ndi nì mpɔŋkpaan tuuŋŋi nì atuun ŋin kɔ̄ntí tifaandee dalba kí nyāntí ditimbundi diba di-juti ŋaan kí gāā u-bindaaa? Too míǹ ní ti-Dindaan ni-Nimbɔtiu ŋá ki nyántì-ni Eejipiti tiŋkin, nimbi ni-ba nimbil ká.

Apocalypse 16:9

Ní kutuntuŋu píĺ binib tikpil ní bi bí ki bíiĺ Unimbɔti un cáá mpɔn falaabi gbanti puee yindi, ki yíì kaa fá bi-kpitii kí tīī Unimbɔti tinyool.

1 Samuel 6:4

Ní bi bālifì-bi yii: «Ba ní an sá tí tīī bí dūú ŋāŋkì?» Ní bitandambee nì bibɔɔbee bí-bi yii: «Ní dū sindaariya kí mɔ́ɔ́ tiwan tiŋmoo kí nántíǹ ncaapa, nì inapul iŋmoo, di sá yii Fiiliistii yab bɔtiibi bí biŋmoo ní. Ibaamɔnee, ŋweembaanti di cúú ni nì ni-bɔtiibi.