Exode 10:9 - UNIMBƆTI NYƆƆBUNDI GBƆŊKU

⁹ Ní Mooyiisi kíí-u yii: «Ti nì ti-nipɔmbi nì ti-jaŋkpilib nì ti-nimpunaatiibi nì ti-jipɔmbi nì ti-bisalib nì ti-ŋoobui nì ti-piii nì ti-naai kɔkɔ di làá cù. Kun puee an sá ti-Dindaan jiŋaaliu ní ti làá cùú jī kí tīī-u tinyool.»

Exode 10:9 Iomraidhean Croise

Genèse 50:8

Jooseefi dicaŋkun yab kɔkɔ nì u-nabiyaamu nì u-baa dicaŋkun yab kɔkɔ nìn cūtì. Bi-biyaamu nì bi-waŋkuti baba di nìn pée kíǹ Gooseen tiŋkin.

Exode 10:10

Ní Faaroo bí-bi yii: «Baaa! M yaa yāntì ni nì ni-nimpoobi nì ni-biyaamu búntèe, ni-Dindaanee lafun bí ni-cee! Ni cáá ilandɔkɔkpiti páaa!

Exode 10:26

Ti làá kpáaǹ ti-waŋkuti, báà kubɔ kaa làá kíń. Di sá yii tiwaŋkuti gbanti kansikin ní ti làá tin lēē tin sá tí dūú ŋá saraabi kí tīī ti-Dindaan ti-Nimbɔtiuee. Taa láá nyí tin ní ti làá dūú ŋá saraabee, see ti yaa bàn̄ laakin ti cée.»

Exode 12:32

Yòon̄ kí kpáam̀maan ni-waŋkuti kɔkɔ kii ni nín bālifì puee kí nīn cámaan. Ní mèèmaan kí bìin̄ m-pu.»

Exode 12:37

Isirayeel yab nìn yíkì Ramseesi tiŋkin ki búntì Sukooti tiŋkin. Bininjab nìn sá kii kutukub alaataa aluu nyɔkɔm ní ki còom̄ ataa pu. Baa nìn kàan̄ ki kpáaǹ mbiyaamu nì binimpoobi.

Exode 12:38

Biniyaŋyambi tikpil mun nìn nóó-bi ki búntì ní bi nìn cáá tipicaŋkpun nì tiŋɔcaŋkpun nì tinacaŋkpun tikpil.

Exode 13:6

Ní dū iwiin iluli kí ŋmɔ́ kpɔnɔb bin kaa cáá ŋkpɔnɔnyɔkɔee. Ŋwinluluúti dalee, ní jī jiŋaal kí tīī ti-Dindaan tinyool.

Exode 3:18

«Isirayeel yab làá gbìl̄ kí tīiǹ-si. Niinee si nì bikpilib ń cùú ká Eejipiti yab bɔtiu ní kí tùkù-u yii: <Ti-Dindaan Eebru yab Nimbɔtiu, ti-Nimbɔtiu lēē u-ba ki dàkā-ti. Míǹ puee pɔ̄-ti nsan tí dū iwiin ita kí còom̀ kí cù kuteeun kí ŋá saraabi kí tīī-u.>

Exode 5:1

Míǹ boonee ní Mooyiisi nì Aarɔn cūtì Faaroo cee, ní ki bí-u yii: «Ti-Dindaan Isirayeel yab Nimbɔtiu bí yii: <Yàntī m-nibul ń cù kuteeu pu kí jī jiŋaal kí tīī-mi tinyool.>»

Exode 5:3

Ní Mooyiisi nì Aarɔn bí yii: «Eebru yab Nimbɔtiu lēē u-ba ki dàkā-ti. Míǹ puee pɔ̄-ti nsan tí còom̀ iwiin ita kuteeu pu kí cùú ŋá saraabi kí tīī ti-Dindaan ti-Nimbɔtiu. An yaa kaa ŋá míǹ, u ŋūǹ kí yàntī bìlbil kúm ń dāá kpɔ̀-ti, àá tí kpú kujaaun».

Proverbes 3:9

Dū a-gaajawanti nì a-kpaajinti ticɔfikaal kí tīī ti-Dindaan tinyool.

Ecclésiaste 12:1

Taa súntí a-náanliu pu ŋyunti ŋun ní a dáá pɔ̀ɔǹee. Téetí u-pu kí wàatī ní iwiŋkpiti ń bàń, ŋyunti ŋun ní a làá dāá lì yii: «An kaa ti mɔ̄ǹ-mi ḿ nín bí dimaŋfalin.»

Nombres 29:12

Uŋmaluluúti poon iwiin saalku dalee ní kpāfì kí nyɔ̄ŋkì man ni-Dindaan, kí taa tɔ̄ ditundi báà diba yaadal wiiŋŋu. Ní dāá dū iwiin iluli kí nyɔ̄ŋkì man ni-Dindaan.

Ephésiens 6:4

Nimbi bibaatiibee, ní taa nín̄ kɔ̄ntí ni-biyaamu aŋuu, ama nín̄ ŋúb́maan-mu, kí nīn dàkà-mu, ki sáŋkí-mu kii ti-Dindaan nín dàkà miŋyee.

Josué 24:15

Ama an yaa kaa fáatì-ni yii ní nīn jáaḿ ti-Dindaanee, ní lēē díǹ nee un ni làá nīn jáaḿee. Ni yaa là awaa ŋin ni-naanjab nìn tòotī ŋyunti ŋun bi nìn bíń Eefiraati mɔɔgbandi lapu jaaŋŋu púeeyaaa, ni yaa tí là Amɔɔr yab bin tiŋki ni kóò nee waaŋaaa, ní lēē. An yaa kíǹ kii man nì m-dicaŋkuee, timbi làá nīn jáaḿ ti-Dindaan ní!»