Exode 10:7 - UNIMBƆTI NYƆƆBUNDI GBƆŊKU

⁷ Faaroo kpambaliŋ bí-u yii: «Kijapaai nee làá nīn pée cāabìń-ti mbusu ní. An puee yàntī binib nee ń nyā kí cùú jāam̀ bi-Dindaan bi-Nimbɔtiu. Aa ká yii an bíi nàantí ti-tiŋkaaa?»

Exode 10:7 Iomraidhean Croise

Psaumes 107:34

kí yàntī kitiŋ kin cáá ntiŋkpamee ń kpántí kitiŋ kin kpíìyee, binib bin kóò ki-puee tuŋkpitiŋ pu.

Exode 12:33

Eejipiti yab dākafì yii bi làá kpú kí dóó ní, an pu ní bi nìn jì Isirayeel yab bí nyā bi-tiŋkin malaa malaa.

Exode 23:33

Bí taa nín̄ kóò ni-tiŋkin, án nín làá ŋá pu bí taa yàntī ní yìntīǹ-mi kí jāam̀ bi-waaŋee. Di sá yii ni yaa jáam̀-ŋee, án làá kpántí kutaliŋŋu kí sàl̄-ni.»

Exode 7:5

M yaa láa dàkā-bi m-pɔŋŋu míǹ ki nyántì Isirayeel yab bi-kansikinee, niin ní bi dāa béetí yii man di sá ni-Dindaan.»

Exode 8:19

Niinee m làá dāá fīī m-yab ní digàntil ń dòon̄ man nibul nì sii yal kansikin. Fool ní kudaaŋŋu gbanti làá fu ŋá.>»

Proverbes 29:6

Ikpiti in unikpiti ŋáańee sá kutaliŋŋu ní, ama deedeedaan úǹ fàal̀ ní an mɔ̄ǹ-u.

Ecclésiaste 7:26

M dáań ki ká tin bí nee: unimpu un sàtī bininjabee cāabìń ntuntun kii ŋkúmee ní. U-neendi sá kii kutaliŋŋuee ní, ní u-ŋalii sá kii ikusakee. Unil un bɔti fáatiǹ Unimbɔtee ŋmátí kí nyā u-ŋaan, ama un yaa sá unikpitee, asee ú ŋmā udaan.

Esaïe 14:20

Baa làá kpāfì sii nì bi kuceeu, kun puee a nāaǹ a-tiŋki, ní ki kūū sisi a-ba nibul. Dalba dalba baa làá ti pútí a-nibooliŋu binikpitib nee yindi.

Esaïe 51:9

Fìntim̄, ti-Dindaan fìntim̄! Dàkà a-pɔŋkpaaŋŋu! Fìntim̄ kii a nín nìn ŋá pu cannaakuee, kii a nín nìn ŋá pu njaminee! Sii di nāaǹ Raab, ki sāā ki pūutì tiŋkun peebiliŋku.

Jérémie 48:4

Bi wīī Moowaab tiŋki. Bi gbìl̀ ki-biyaamu biilii pu.

Jérémie 51:8

Ama dicilpu dicilpu ní Babiloon lítì ki wúkul̀. Yāliŋkìmaan ki-pu! Nyàab̀maan ŋkpam kí ŋá ki-buuŋyi, an yaa yíì kì làá pɔ̄ɔkì.

Sophonie 1:18

Bi-nimbiliŋ nì bi-sindaariyab kaa dāa ŋūǹ kí fīī-bi. Ti-Dindaan ŋuul dalee, u-ŋuukpaandi ŋmiŋu dalee, kitiŋ kɔkɔ làá dāá wà kí céetí. Tiŋman, u làá dāá kpɔ̀ kí céetí binib kɔkɔ kitiŋ pu.

1 Corinthiens 7:35

Ni-ŋanti pu ní m sòoǹ tin bí nee, an kaa sá kí bàkan̄-ni. M là ní nīn ŋáań min ŋān̄ ki kítèe ní, kí dū ni-ba kɔkɔ kí ŋá ti-Dindaan ŋaan kí taa kíń báà laaba.

Josué 23:13

ní nīn nyí tiŋan yii ti-Dindaan ni-Nimbɔtiu kaa làá ti jà atimbun gbanti kí wàatī-ni. Ŋi làá dāá kpántí kii kutaliŋŋu àá kpaalaa ní kí tīī-ni, ní kí dāá kpántí mbambaan ŋun bi làá nīn cáa gbáà-nee, ní kí kpántí ikuŋkum ki sàatī ni-nimbiliŋ. An dāa pée kúntée, ni làá dāá wāŋkì kitimmɔntii kin ti-Dindaan ni-Nimbɔtiu dūu tīī-ni nee pu ní.

1 Samuel 18:21

Ní Saayuul lī u-neen yii: «M làá dū-u kí tīī Daafiidi ń cáá án nín làá ŋá pu ú nīn sá-u kutaliŋŋu Fiiliistii yab ń ŋmā kí kpɔ̀-uee.» Niinee ní Saayuul bí Daafiidi nliliitiim yii: «Díǹ nee, a làá kpántí m-coo.»

1 Samuel 5:11

Ní bi mun yíiń Fiiliistii yab bɔtiibi kɔkɔ ki kpáfì ki bí-bi yii: «Ní fàtīí gíiǹ Isirayeel yab Nimbɔtiu dakaau u-tiŋkin, laakin u nìn bée, ú taa kpɔ̀ ti nì ti-nibul.» Di sá ŋkúm faanti nìn cúú Eekrɔn yab kɔkɔ, kun puee Unimbɔti nìn dàkā-bi u-pɔnŋu.