Exode 10:6 - UNIMBƆTI NYƆƆBUNDI GBƆŊKU

⁶ Inaakitoon làá dāan̄ kí gbí a-diiŋŋin nì a-kpambaliŋ kɔkɔ diiŋŋin nì Eejipiti yab kɔkɔ diiŋŋin. Doooo a-naanjab ki dāa dūu sāā a-baabi, bi nín kíĺ ki bí kitiŋ pu ki dāa dūu sāā díǹ nee, baa láá ká an bɔti juti ki ká.» Mooyiisi lī mimmee ní ki nyáń Faaroo cee ki búntì.

Exode 10:6 Iomraidhean Croise

Exode 10:11

M yíì kpataaa! Bininjab baba ń cùú jāam̀ ni-Dindaan, kun puee kun ni mēē-mee dee.» U lī mimmee ní bi jìn̄-bi Faaroo cee ki nyántì.

Exode 11:6

Ikuŋkuunti làá dāá nīn tùm̀ Eejipiti tiŋki kɔkɔ poon ní dàii. Doooo nee, baa láá pée gbìl̄ míǹ ki ká jaanjaan, ki kpá kí gíti ká míǹ mun jaanjaan.

Exode 11:8

Niin ní a-kpambaliŋ bin kā nee làá dāan̄ m-cee kí gbàan̄ m-nimbiin ní kí bí-mi yii: <Sii nì a-nibul, nín̄ cámaan.> Míǹ boonee ní ḿ búntí.» Nì diŋuul ní Mooyiisi nìn nyáń Faaroo cee.

Exode 8:21

Niinee ní Faaroo yíiń Mooyiisi nì Aarɔn ní ki bí-bi yii: «Cùmaan kí ŋá saraabi kí tīī ni-Nimbɔtiu kitiŋ nee poon, ní taa nyā!»

Exode 8:3

Ní Eejipiti yab kpaŋkpantiibi mun ŋá bi-kpaŋkpantiiku ki nyántì kpaabi kí gbéeǹ Eejipiti tiŋki poon kii Aarɔn nín ŋá puee.

Exode 9:18

An puee fool naŋkɔnampuee, m làá fu yàntī utaaja ń nì ataanyiŋkumbikpaan ń lítí. Doooo Eejipiti tiŋki nín kíĺ ki bí ki dāa sāā ŋyunti nee, an taauee kaa láá nìn̄ ataanyiŋkumbikpaan lítí míǹ ki ká.

Exode 9:24

Utaaja nìn̄ ataanyiŋkumbikpaan lítì nì itaaŋmɔŋmɔ tikpil. U nìn nìn̄ mpɔn mpɔn tikpil. Doooo Eejipiti tiŋki nín kíĺ ki bí ki dāa sāā an yuntiŋuee, an taajau juti kaa láá nìn̄ míǹ ki ká.

Joël 2:2

Dibɔmbɔŋkpaandi wiiŋŋu dee ŋu-baba, atagbambɔn nì dipɔ̀ńdi wiiŋŋu dee. Inaaki janjakitil dòoń. I pɔ̄ɔ̄ ní ki wīikí bɔ̀m, a lì kii kunyeeu di mɔ́ ki bīiǹ ajoon puee. Baa láá pée ká míǹ ki ká ní ki pée gíti kpá kí ká míǹ jaanjaan kí nīn cáá cá abin abin.

Joël 2:9

I gbáb̀ kí bìin̄ kitiŋ pu, ki tɔ̄kɔntí digundi din bi máń ki tú kitiŋee pu ki sáń, ní ki dìŋfī tɔkɔlabin ki kóò adiinni kii unaayuuyee.

Hébreux 11:27

Fookii un Mooyiisi nìn cáá Unimbɔti puee di yì-tì ní u nìn yíkì Eejipiti tiŋkin, kaa fāŋkì diŋuul din ubɔti fōōyee pu, ní ki ŋúb́ Unimbɔti un baa wāĺee bɔti an píkí gbīŋgbim kii u wāĺ-uee.