Exode 10:3 - UNIMBƆTI NYƆƆBUNDI GBƆŊKU

³ Mooyiisi nì Aarɔn cūtìi ká Faaroo ní ki bí-u yii: «Ti-Dindaan Eebru yab Nimbɔtiu nín lī puee sèé: <Kí tin sāā ŋyunti ŋulɔŋu ní a làá gbèen̄ a-pɔɔgbifiŋŋu kí sìntī a-ba taapu kí tīī-mi ní? Yàntī m-nibul ń nyā kí cùú jāam̀-mi.

Exode 10:3 Iomraidhean Croise

1 Rois 18:21

Eelii nìn sútì ki pìl̄ samaa kɔkɔ ní ki bí-bi yii: «Kí cáá sāā ŋyunti ŋulɔŋu ní ni làá lēē kí nóó nlandɔkɔbaanti ní? Ti-Dindaan di yaa sá Unimbɔti, nín̄ nóómaan-u. Diwaal Baal di yaa tí sá Unimbɔtee, ní nóó-dì!» Ama samaa kansikinee, báà ubɔ kaa nìn wāaǹ kinyɔkɔ ní kaa nín kíí tiba.

1 Rois 21:29

«Kéè a ká Akaab nín sīntì u-ba m-nimbiin pueeyaa! U nín sīntì u-ba m-nimbiin puee, maa làá ti cáań dinimbinaamandi kí tɔ̄ u-dicaŋku pu u-maŋfal wiiŋyi poon, asee u-jipɔɔn yaa láa kāl̀ dibeelee ní m làá cáań.»

2 Rois 22:19

tibɔtee gbēē-si. A nín gbìl̄ tin m sòon̄ yii án làá bàń Jeerusaleem nì ki-nib puee, a sīntiǹ a-ba taapu. Tilafuŋman, kitiŋ nee làá kpántí kii kuteeuee, ní kí kpántí kii kitiŋ kin bi tɔ́ mbusuee. A nín gbìl̄ mimmee ní a dáaĺ ki cátì tiwan tin a pēēyee ní ki súń m-nimbiin. An puee ma mun gbìl̄ a-wimmeem. Man ni-Dindaan di lī míǹ.

2 Chroniques 33:12

U nìn nyàab̄ ti-Dindaan u-Nimbɔtiu u-nimbinaamandi poon ní ki sīntiǹ u-ba u-baabi Nimbɔtiu nimbiin.

2 Chroniques 33:19

U nín nìn mēē Unimbɔti pu nì úǹ nín kíí-u puee, u-kpitii nì u nín kaa yúl̀ Unimbɔti deedee puee, ipaan in pu u nìn máń iwaatootipaanee nì u nín nìn cóoǹ iwindɔ puee nì u nín nìn sīntiǹ u-ba taapu puee kɔkɔ ŋmàn̄ ki kā Oosayii maam gbɔŋkun.

2 Chroniques 34:27

ní tibɔtee gbēē-si. A nín gbìl̄ tin m sòon̄ yii an làá bàń Jeerusaleem nì ki-nib puee, a sīntiǹ a-ba m-nimbiin, ní ki dáaĺ ki cátì tiwan tin a pēēyee ní ki súń m-nimbiin. An puee ma mun gbìl̄ a-wimmeem. Man ni-Dindaan di sòon̄ míǹ.

2 Chroniques 7:14

M-nibul din pu bi yíì m-yindee nib yaa sīntì bi-ba taapu, ki mēē, ki nyàab̄-mi ní ki dū bi-saŋkpitii ki fée, man làá pīlifiǹ-bi doooo yilpu, kí dū bi-kpitii kí pɔ̄-bi, ní kí fàtīí tīī bi-tiŋki ki-gaajati.

Yoob 42:6

An pu ní m kɔ́ntì m-nyɔkɔ tin m sòon̄ee pu, m làá kàl̄ ntamin nì ŋfantamin kí dàkà yii m béè m-yìntitam.

Exode 10:4

A yaa yíì kaa yāntì m-nibul nyáńee, fool m làá fu tɔ̄ń inaakitoon a-tiŋki kɔkɔ pu.

Exode 16:28

Ní ti-Dindaan bí Mooyiisi yii: «Ni làá nīn pée yíití m-marab nì m-dàkatam yéè kí tin cáá sāā ŋyunti ŋulɔŋu ní?

Exode 4:23

An puee m tùkū-si yii á yàntī m-jipɔɔn ú cù kí ŋá saraabi kí jāam̀-mi. A yaa yíì kaa yāntì u cūtèe, m làá kpɔ̀ a-jipɔŋkpiliu.>»

Exode 5:1

Míǹ boonee ní Mooyiisi nì Aarɔn cūtì Faaroo cee, ní ki bí-u yii: «Ti-Dindaan Isirayeel yab Nimbɔtiu bí yii: <Yàntī m-nibul ń cù kuteeu pu kí jī jiŋaal kí tīī-mi tinyool.>»

Exode 9:17

Nì míǹ kɔkɔee, aa pú m-nibul nsan bí nyā.

Proverbes 1:22

Iciin téeń ki lī yii: «Nimbi nnaatuumu làá nīn néeń inaatuu kí tin sāā ŋyunti ŋulɔŋu dee? Nimbi bibeeliliibee, ni làá nīn bèel̄-mi kí tin sāā ŋyunti ŋulɔŋu ní? Nimbi bigbaambi làá nīn ná dinyil kí tin sāā la?

Proverbes 1:24

Ama m yíì-ni ní naa pílifí, m tāntì m-ŋal ni-watil pú ní ni-kansikin báà ubɔ kaa fātìi tɔ́.

Proverbes 18:12

Kí wàatī án nàan̄ unilee, u yòontí u-ba yilpu ní. Ama kí wàatī unil ń ká tinyoolee, see ú sìntī u-ba taapu.

Esaïe 1:5

Ni nín gbíntìi jáà nì u nee, ni-la ní u làá gíti fáá ní? Diyil kɔkɔ fōō tiweendi, dipɔbil kɔkɔ gīī ki yúl̀.

Esaïe 2:11

Unil un yòontí u-ba yilpuee làá dāá tìntī u-yil, bilambidambi làá dāá sìntī bi-ba taapu. Ŋwiin gbantee, ti-Dindaan baba ní bi làá dāá tīī tinyool.

Jérémie 13:10

Di sá yii an sá dinibul din nib kaa ŋān̄ee ní. Bi yíì kaa pílifì m-nyɔkɔ, ki nóó bíǹ bi-ba nín là puee saŋŋu. Bi jòó ki pá awaa boon ki tòotī-ŋi. Too, dinibul nee ń kpántí kii dambala un bíil̀ kaa ti bí tiban nee.»

Jérémie 13:18

Tùkù ubɔti nì u-na yii: «Kàl̄maan kitiŋ, di sá ni-beefuunyaaŋki nyáń ni-yil pu ki lítì kitiŋ.

Jérémie 50:29

Kóom̀maan bipintɔliibi, bin kɔkɔ pīil̀ itɔfee kí kpāfì bí jáǹ Babiloon tiŋki. Lùkù kí gíb́maan-kì ijaan kɔkɔ pu, ní taa yàntī báà ubɔ ń sāǹ kí ŋmátí. Ní pàmaan-kì kí nóó ki-tuŋkpitiŋ. Ŋámaan-kì kii kì nín ŋá bin kíǹee puee. Di sá yii kì yōoǹ ki-ba yilpu ti-Dindaan Isirayeel circir Nimbɔtiu nimbiin.

Ezéchiel 5:6

Ama Jeerusaleem yab dū marab bin m tīī-bee ki fá. Bi yíì kaa nóó m-bɔkpaaŋi. Bi gíti ŋá ikpiti ki jítiǹ atimbun nì ntimu mun māntìi tú-bee nib. Di sá yii bi dū m-bɔkpaaŋi nì m-marab ki fá kaa tɔ́-ŋi.

Daniel (hébreu) 5:22

Ní sii, u-jipɔɔn Baltasaar, min kamaa a nyí tíǹ gbanti kɔkɔee, aa sīntiǹ a-ba taapu,

Nombres 14:27

«M gbìl̄ Isirayeel yab nín bí ki kɔ́kɔĺ-mee. Kí tin sāā ŋyunti ŋulɔŋu ní m làá yàntī samaa un kaa bí diŋubil nee ḿ nīn gbùkum̄ m-pu ní?

Romains 2:4

Unimbɔti ŋanti tin u cáá tikpilee, nì u-mɔtiiki nì u-niti ní a cáa kpèé fámaaa? Aa nyí yii Unimbɔti nín ŋáań-si tiŋan puee, u là kí tūtuǹ-si á kpántí a-bimbim níii?

Hébreux 12:25

An puee ní nīn nyíǹ ni-ba kí taa yíí un bí ki sòoǹ nì ni nee nyɔkɔ. Bin nìn yíì kaa fōō un nìn bí bi-cee taapu doo ki sòoǹ nì bee nyɔkɔee, bi nìn dáaĺ bi-tafal ní, kin ataa aŋa ní ti yaa yíì kaa fōō un nyánní yilpu ki sòon̄ nì tee nyɔkɔee, taa kāntí ditafadaaldi!

Jacques 4:10

Sìntīmaan ni-ba kí tīī Unimbɔti, ní ú yòon̄-ni yilpu.

1 Pierre 5:6

Míǹ puee, sìntīm̀maan ni-ba Unimbɔti Mpɔŋkɔdaan taapu, án nín làá ŋá pu ŋyunti ŋun Unimbɔti yóoǹee yaa láa bāańee, ú dāá yòon̄-ni yilpuee.