Womusu 19:8 - Bibeli Gusunɔn Gari

⁸ Yinni Gusunɔn ɡɑri yi yibɑ. Yi rɑ tɔnu wɑ̃ɑru kɑ dɑm wɛ̃. Yinni Gusunɔn nɔɔn ɡɑri yi nɑɑnɛ mɔ. Yi rɑ yɛ̃ru sɑriruɡii bwisi kɛ̃.

Womusu 19:8 Iomraidhean Croise

Womusu 12:6

Adɑmɑ Yinni Gusunɔ, ɑ nɛɛ, ɑ wɔnwɔndo be bɑ dɑm dɔremɔ wɑɑmɔ. A sɑ̃ɑro be bɑ weeweenu mɔ̀ wɑɑmɔ. A be bɑ yɑ̃ɑtɑm siemɔ wɑɑmɔ. Tɛ̃, kɑɑ se ɑ be kpuro fɑɑbɑ ko.

Womusu 119:105

Wunɛn ɡɑri yi sɑ̃ɑwɑ nɡe fitilɑ ye yɑ mɑn swɑɑ sɔ̃ɔsimɔ.

Yeremi 15:16

Wunɛn ɡɑri kpurowɑ nɑ swɑɑ dɑki. Mɑ nɑ yi doke ɡɔ̃ruɔ. Yiyɑ yi mɑn nuku dobu wɛ̃. Gusunɔ wɔllu kɑ tem Yinni, ɑ n yɛ̃ mɑ wunɛn yĩsirɑ nɑ sɔɔwɑ.

Mɔnnu 30:5

Gusunɔn nɔɔ mwɛɛnu kpuro nu nɑɑnɛ mɔ. Wi u kukuɑ win mi, u sɑ̃ɑwɑ yɛ̃ron tɑrɑkpe.

Womusu 119:128

Nɑ ye kpuro ɡɑrisiwɑ dee dee. Nɑ swɛɛ yi yi ǹ dɛnde kpuro tusɑ.

Mɔnnu 2:6

Yinni Gusunɔwɑ u rɑ tɔnu bwisi wɛ̃. Wiyɑ u rɑ mɑɑ nùn yɛ̃ru kɑ lɑɑkɑri wɛ̃.

Womusu 119:92

Nɑ̀ kun dɑɑ nuku dobu wɑ wunɛn woodɑ be sɔɔ, nɑ n dɑɑ ɡu nɛn nɔni swɑ̃ɑru sɔɔ.

Womusu 119:80

A de nɑ n wunɛn yiirebu mɛm nɔɔwɑmmɛ mɑm mɑm, kpɑ n ku rɑ sekuru wɑ.

Mɔnnu 6:23

Domi ɡere ye, yɑ sɑ̃ɑwɑ nɡe fitilɑ, mɑ sɔ̃ɔsi te, tɑ sɑ̃ɑ nɡe yɑm bururɑm. Ben kirɔ yɑ rɑ mɑɑ nun wɑ̃ɑrun swɑɑ sɔ̃ɔsiwɑ.

Romu 7:22

Nɑ nuku dobu mɔ Gusunɔn woodɑ sɔɔ nɛn ɡɔ̃ruɔ,

Gɑlɑti 2:19

Adɑmɑ ǹ n woodɑn sɔ̃n nɑ, yɑ ǹ mɑɑ dɑm mɔ nɛn wɔllɔ, yen tiiwɑ yɑ mɑn ɡo kpɑ nɑ n kɑ wɑ̃ɑru mɔ Gusunɔn wuswɑɑɔ. Bɑ mɑn kpɑre dɑ̃ru sɔɔ kɑ Kirisi sɑnnu.

Romu 3:20

Domi ɡoo sɑri wi u koo ɡem wɑ Gusunɔn wuswɑɑɔ woodɑ nɛnubun sɔ̃, yèn sɔ̃ woodɑ yɑ rɑ tɔnun torɑru sɔ̃ɔsi.

Romu 7:7

Ǹ n mɛn nɑ, mbɑ sɑ ko ɡere. Woodɑ yɑ sɑ̃ɑ torɑru? Aɑwo. Woodɑn sɑɑbuwɑ nɑ mɑm torɑru ɡiɑ. Domi nɑ ǹ dɑɑ binɛ ɡiɑmɔ woodɑ yɑ̀ kun nɛɛ, “I ku rɑ binɛ ko.”

Womusu 119:16

Nɑ kon nuku dobu ko wunɛn ɡere sɔɔ. Nɑ ǹ mɑɑ wunɛn ɡɑri duɑrimɔ.

Womusu 119:14

Wunɛn woodɑn mɛm nɔɔbu bu mɑn nuku dobu wɛ̃ɛmɔ nɡe dukiɑ bɑkɑ.

Esekiɛli 36:27

Kon bu nɛn Hunde wɛ̃ kpɑ n de bu nɛn woodɑbɑ mɛm nɔɔwɑ bɑ n kɑ ye sɔmburu mɔ̀.

Womusu 119:171

A rɑ mɑn wunɛn woodɑbɑn keu sɔ̃ɔsi. A de wunɛn siɑrɑbu bu nɔɔrɑ nɛn nɔɔn di.

Womusu 119:143

Nuku sɑnkirɑnu kɑ nɔni swɑ̃ɑrɑ mɑn wɔrimɔ, ɑdɑmɑ wunɛn woodɑbɑ bɑ rɑ mɑn nuku dobu wɛ̃.

Womusu 119:130

Wunɛn ɡɑrin ɡiɑbu bu rɑ tɔnu yɑm bururɑsiewɑ, kpɑ yi bwisi sɑribɑ bwisi kɛ̃.

Womusu 119:121

Nɑ wunɛn woodɑbɑ kɑ wunɛn ɡem mɛm nɔɔwɑmmɛ. A ku mɑn be bɑ mɑn dɑm dɔremɔ nɔmu sɔndiɑ.

Womusu 119:40

Nɑ kĩwɑ n wunɛn woodɑbɑ mɛm nɔɔwɑ too. A de nɑ n wɑ̃ɑ wɑ̃ɑru sɔɔ wunɛn ɡem sɔ̃.

Womusu 119:12

Yinni Gusunɔ, nɑ nun siɑrɑ, ɑ mɑn wunɛn woodɑbɑ keu koosio.

Womusu 105:45

bu wɑ bu kɑ wi, Gusunɔn woodɑbɑ mɛm nɔɔwɑ. Ǹ n mɛn nɑ, i Yinni Gusunɔ siɑro!

Womusu 40:8

Mɑ nɑ nɛɛ, nɛ wee, nɡe mɛ bɑ nɛn ɡɑri yoruɑ woodɑn tireru sɔɔ.

Womusu 13:3

Sere dommɑ kɑɑ n derɑ nɑ n bwisikumɔ nɛn ɡɔ̃ruɔ. Sere dommɑ kɑɑ n derɑ nɑ n nuki sɑnkire. Sere dommɑ kɑɑ n derɑ nɛn yibɛrɛ u n mɑn tɑɑre.

Yɑribu 18:16

Bɑ̀ n mɑɑ ɡɑri ɡɛɛ mɔ ben tii tiinɛ sɔɔ kpɑ n bu siriɑ n bu sɔ̃ɔsi ye Yinni Gusunɔ u kĩ.

Torubu 26:5

Domi Aburɑhɑmu u nɛn ɡere mɛm nɔɔwɑ, u mɑɑ nɛn woodɑbɑ swĩi ye nɑ nùn sɔ̃ɔwɑ kpuro.

Gɑlɑti 3:21

Ǹ n mɛn nɑ, woodɑ yɑ kɑ Gusunɔn nɔɔ mwɛɛru sikirinɑmɔ? Su ku wɑ mɛ. Domi bɑ̀ n dɑɑ woodɑ wɛ̃ ye yɑ koo kpĩ yu tɔnu wɑ̃ɑru wɛ̃, Gusunɔ u koo rɑɑ tɔnu ɡem wɛ̃ sɑɑ woodɑn di.

Esɑi 64:5

Sɑ kuɑ nɡe disiɡibu, mɑ bɛsɛn dɑɑ ɡeɑ yɑ sɑ̃ɑ nɡe yɑ̃ɑ disinuɡinu. Sɑ ɡbere nɡe wurusu, mɑ bɛsɛn durum kɑ sun doonɔ nɡe woo.

Womusu 119:54

Wunɛn ɡɑrin sɔ̃nɑ nɑ rɑ womusu ko mi nɑ sɔru dimɔ.

Womusu 119:24

Wunɛn woodɑbɑ bɑ rɑ mɑn nuku dobu wɛ̃wɑ, kpɑ bu mɑn bwisi kɛ̃.

Nɛɛmi 9:13

A sɑrɑmɑ sɑɑ wɔllun di, mɑ ɑ kɑ bu ɡɑri kuɑ Sinɑin ɡuurɔ. A bu woodɑ ɡeɑ kɑ sɔ̃ɔsi ɡeenu wɛ̃.

Nɛɛmi 8:12

Sɑɑ yerɑ be kpuro bɑ ɡɔsirɑ bɑ dɑ ben yɛnusɔ bɑ di bɑ nɔrɑ, bɑ kɑ be bɑ ǹ dĩɑnu mɔ beɡinu bɔnu kuɑ. Mɑ bɑ nuku doo bɑkɑbu kuɑ. Domi tire te bɑ ɡɑrɑ mi, ten ɡɑri bu yeeri.

Sɔ̃ɔsiru 16:14

I ko i nuku dobu kowɑ tɔ̃ɔ bɑkɑ te sɔɔ, bɛɛ kɑ bɛɛn bii tɔn durɔbu kɑ tɔn kurɔbu kɑ bɛɛn sɔm kowo tɔn durɔbu kɑ tɔn kurɔbu kɑ Lefibɑ kɑ sɔbu kɑ ɡobekubɑ kɑ ɡɔminibu be bɑ wɑ̃ɑ bɛɛn suunu sɔɔ.

Sɔ̃ɔsiru 16:11

I ko i nuku dobu ko win wuswɑɑɔ win sɑ̃ɑ yee te u ɡɔsɑ sɔɔ bɛɛ kɑ bɛɛn bii tɔn durɔbu kɑ tɔn kurɔbu kɑ bɛɛn sɔm kowo tɔn durɔbu kɑ tɔn kurɔbu kɑ Lefibɑ kɑ sɔbu kɑ ɡobekubɑ kɑ ɡɔminibu, be kpuro ɡesi be bɑ wɑ̃ɑ bɛɛn suunu sɔɔ.

Sinɑmbu II 17:37

I nɛn yiirebu kɑ nɛn woodɑbɑ kpuro ye nɑ bɛɛ wɛ̃ mɛm nɔɔwɔ bɑɑdommɑ. I ku rɑ bũnu ɡɑnu sɑ̃.

Womusu 93:5

Yinni Gusunɔ, wunɛn ɡɑri yi sɑ̃ɑwɑ ɡem. Wunɛn sɑ̃ɑ yeru tɑ ko n sɑ̃ɑwɑ dɛɛrɑru sere kɑ bɑɑdommɑɔ.

Womusu 111:7

Win sɔm mɑɑmɑɑkiɡii ni, nu sɑ̃ɑwɑ ɡem mɑm mɑm. Win woodɑbɑ bɑ mɑɑ nɑɑnɛ mɔ.