Womusu 12:6 - Bibeli Gusunɔn Gari

⁶ Adɑmɑ Yinni Gusunɔ, ɑ nɛɛ, ɑ wɔnwɔndo be bɑ dɑm dɔremɔ wɑɑmɔ. A sɑ̃ɑro be bɑ weeweenu mɔ̀ wɑɑmɔ. A be bɑ yɑ̃ɑtɑm siemɔ wɑɑmɔ. Tɛ̃, kɑɑ se ɑ be kpuro fɑɑbɑ ko.

Womusu 12:6 Iomraidhean Croise

Mɔnnu 30:5

Gusunɔn nɔɔ mwɛɛnu kpuro nu nɑɑnɛ mɔ. Wi u kukuɑ win mi, u sɑ̃ɑwɑ yɛ̃ron tɑrɑkpe.

Womusu 18:30

A rɑ mɑn dɑm kɛ̃ n kɑ kpĩ n yibɛrɛ be bɑ tɑbu yɑ̃nu mɔ wɔri, kpɑ n yɔ̃ n ben ɡbɑ̃rɑru sure.

Sɑmuɛli II 22:31

Ye Yinni Gusunɔ u mɔ̀, yɑ rɑ n dɛndewɑ. Bwisi ɡeeyɑ u rɑ tɔnu kɛ̃. U sɑ̃ɑwɑ be bɑ nùn nɑɑnɛ sɑ̃ɑn tɛrɛru.

Womusu 19:8

Yinni Gusunɔn ɡɑri yi yibɑ. Yi rɑ tɔnu wɑ̃ɑru kɑ dɑm wɛ̃. Yinni Gusunɔn nɔɔn ɡɑri yi nɑɑnɛ mɔ. Yi rɑ yɛ̃ru sɑriruɡii bwisi kɛ̃.

Womusu 66:10

Gusunɔ, ɑ sun doke lɑɑkɑri mɛɛribu sɔɔ. A derɑ sɑ wɑ̃ɑ dɔ̃ɔ sɔɔ nɡe sii ɡeesu.

Womusu 119:140

Wunɛn ɡɑri yi nɑɑnɛ mɔ. Nɛ, wunɛn sɔm kowo nɑ yi kĩ.

Yɑribu 3:7

Yinni Gusunɔ u kpɑm nɛɛ, nɑ nɛn tɔmbun nɔni swɑ̃ɑru wɑ be bɑ wɑ̃ɑ Eɡibitiɔ. Nɑ mɑɑ ben weeweenu nuɑ dɑm mɛ bɑ bu dɔremɔn sɔ̃. Nɑ ben nuku sɑnkirɑnu yɛ̃.

Yɑribu 3:8

Yerɑ nɑ sɑrɑmɑ n kɑ bu wɔrɑ Eɡibitiɡibun nɔmɑn di, kpɑ n kɑ bu dɑ tem bɑkɑm ɡɑm sɔɔ mɛ mu ɡeɑ sɑ̃ɑ mu tim kɑ bom yibɑ. Tem mɛ sɔɔrɑ Kɑnɑnibɑ kɑ Hɛtibɑ kɑ Amɔrebɑ kɑ Feresibɑ kɑ Hefibɑ kɑ Yebusibɑ bɑ wɑ̃ɑ.

Yɑribu 6:1

Yinni Gusunɔ u Mɔwisi sɔ̃ɔwɑ u nɛɛ, tɛ̃ kɑɑ wɑ ye kon Eɡibiti sunɔ kuɑ. Kon nùn tilɑsi ko u kɑ bu yɔ̃su bu doonɑ. U koo mɑm bu ɡirɑwɑ win tem di.

Yoobu 20:19

Domi u sɑ̃ɑrobu dɑm dɔre. Mɑ u ben yɛnusu mwɛɛrɑ, u ǹ wiɡuu bɑnɛ.

Yoobu 28:1

Yoobu u nɛɛ, tɔmbɑ yɛ̃ mìn di sii ɡeesu kɑ wurɑ yɑ rɑ yɑri bu sere ye teɑ.

Womusu 9:13

U rɑ be bɑ wuri mɔ̀ yɑɑye. U rɑ be bɑ nɔni sɔ̃ɔren kɑnɑru nɔ. U rɑ be bɑ bu dɑm dɔremɔ sɛɛyɑsie.

Mɔnnu 22:23

Domi Yinni Gusunɔ u koo kɑ bu yinɑ, kpɑ u be bɑ ben yɑ̃nu ɡurɑ ɡo.

Esɑi 14:22

Nɛ Gusunɔ, wɔllu kɑ tem Yinni, nɑ nɛɛ, kon Bɑbiloniɡibu seesi n ben bweseru kɑ ben wuun yĩsiru ɡo. Bɑ ǹ mɑɑ ben yirɑ wɑsi.

Esɑi 33:10

Yinni Gusunɔ u bwese tukunu sɔ̃ɔwɑ u nɛɛ, yen sɔ̃ tɛ̃, kon se n yɔ̃rɑ, kpɑ n sɔ̃ɔsi nɡe mɛ nɑ kpɑ̃ɑru nɛ.