Womusu 102:2 - Bibeli Gusunɔn Gari

² Yinni Gusunɔ, ɑ nɛn kɑnɑru swɑɑ dɑkio. A de ɑ nɛn wuri nɔ.

Womusu 102:2 Iomraidhean Croise

Yoobu 34:29

Gusunɔ ù n nɛɛ, u ǹ ɡoo ɡɑ̃ɑnu kuɑmmɛ, wɑrɑ koo nùn tɑɑrɛ wɛ̃. Ù n tii beruɑ wɑrɑ u koo kpĩ u nùn wɑ.

Yoobu 7:21

Mbɑn sɔ̃nɑ ɑ ǹ nɛn durum wunɛ. Mbɑn sɔ̃nɑ ɑ ǹ nɛn torɑru duɑri. Tɛ̃, wee kon kpunɑ n ɡbi. Kɑɑ mɑn kɑsu, kpɑ ɑ kun mɑn wɑ.

Womusu 104:29

À n yi biru kisi, yi rɑ nɑndewɑ. À n yi wɛ̃siɑru wunɑri, yi ɡuwɑ mi, kpɑ yi ɡɔsiɑ tem.

Womusu 13:1

Womu ɡe Dɑfidi u wom kowobun wiruɡii kuɑ. Ge wee.

Womusu 143:7

Yinni Gusunɔ, nɑ mwiɑ kpɑnɑ. A mɑn wisio kpɑɑkɑ. A ku mɑn biru kisi kpɑ n ku ko nɡe be bɑ wɑ̃ɑ ɡɔriɔ.

Womusu 17:1

Dɑfidin kɑnɑru. Yinni Gusunɔ, ɑ nɛn weeweenu nɔɔwɔ, nɑ kĩwɑ ɑ mɑn ɡem wɛ̃. Yinni Gusunɔ, ɑ swɑɑ tem kpĩiyɔ ɑ nɔ, wunɛn somirɑ nɑ kĩ. A nɛn kɑnɑru nɔɔwɔ, nɛn ɡɔ̃run diyɑ tɑ wee.

Womusu 22:19

Bɑ nɛn yɑ̃nu bɔnu mɔ̀ ben tii tiinɛ sɔɔ. Mɑ bɑ nɛn yɑbe bɑkɑru tɛtɛ toosimɔ.

Womusu 27:9

Nɑ sɑ̃ɑwɑ wunɛn sɔmɔ. A ku mɑn biru kisi. A ku mɑn ɡirɑ kɑ mɔru. Wunɑ ɑ rɑ mɑn somi. A ku mɑn deri. Gusunɔ nɛn Fɑɑbɑ kowo, ɑ ku mɑn yinɑ.

Womusu 31:2

Yinni Gusunɔ, wunɑ ɑ sɑ̃ɑ nɛn kuku yeru. A ku de n sekuru wɑ. A mɑn wɔro domi wunɑ ɑ sɑ̃ɑ ɡemɡii.

Womusu 40:13

Domi kɔ̃sɑ ye yɑ mɑn sikerenɛ yɑ ǹ ɡɑrirɔ. Nɛn kom kɔ̃sum kpuro mɑn ɡirɑri, mu ǹ wɑɑbu wɑ̃. Mu nɛn wirun seri dɑbiru kere. Nɑ mwiɑ kpɑnɑ.

Womusu 69:17

Yinni Gusunɔ, ɑ mɑn wurɑrio wunɛn tɔn ɡeerun sɔ̃. Wunɛn wɔnwɔn bɑkɑru sɔɔ, ɑ mɑn sĩiremɑ.

Womusu 70:1

Dɑfidin womu ɡe u kuɑ u kɑ Gusunɔ yɑɑyɑ. Ge wee.

Womusu 71:2

Wunɛ wi ɑ rɑ siri dee dee, ɑ mɑn wɔro kpɑ ɑ mɑn fɑɑbɑ ko. A mɑn swɑɑ dɑkio, kpɑ ɑ mɑn somi.

Yɑribu 2:23

Sɑnɑm dɔɔ sɑnɑm wure, Eɡibiti sunɔ wi, u ɡu. Sɑɑ ye sɔɔ, Isirelibɑ bɑ weeweenu mɔ̀ bɑ wuri mɔ̀ ben yoo sɔmɑ yen sɔ̃. Ben wuri yi, yi Gusunɔ ɡirɑri,

Yɑribu 2:24

mɑ u ben weeweenu nuɑ. N deemɑ u ǹ win ɑrukɑwɑni duɑri ye u kɑ ben bɑɑbɑbɑ Aburɑhɑmu kɑ Isɑki kɑ Yɑkɔbu bɔkuɑ.

Esɑi 43:2

À n wɑhɑlɑ mɔ̀ nɡe wi u nim bweru tɔburɑmɔ, ko nɑ n kɑ nun wɑ̃ɑ. Wɑhɑlɑ ye, yɑ ǹ nun kɑmiɑmɔ. À n mɑɑ nɔni sɔ̃ɔre nɡe wi u sĩimɔ dɔ̃ɔ sɔɔ, ɑ ǹ wururɑmɔ. Mɛyɑ nɔni swɑ̃ɑ te, tɑ ǹ nun surɑmɔ.

Esɑi 65:24

Bu sere kɑnɑru ko bu kpe, ko nɑ n dɑ bu wisiwɑ.

Esɑi 8:17

Nɑ Yinni Gusunɔ yĩiyɔ, nɑ mɑɑ nùn nɑɑnɛ sɑ̃ɑ bɑɑ mɛ u Yɑkɔbun yɛnuɡibu biru kisi.

Korinti I 10:13

I ǹ lɑɑkɑri mɛɛribu ɡɑbu wɑɑre mɑ n kun mɔ bi tɔmbu kpuro bɑ rɑ wɑ. Gusunɔ wi u sɑ̃ɑ nɑɑnɛɡii, u ǹ derimɔ bu bɛɛn lɑɑkɑri mɛɛri n kere ye i ko kpĩ i kɑ tɛmɑnɑ. Adɑmɑ lɑɑkɑri mɛɛribu bɑɑbire sɔɔ u rɑ mɑɑ yɑri yeru ko kpɑ i kɑ kpĩ i tɛmɑnɑ bi sɔɔ.