Womusu 100:3 - Bibeli Gusunɔn Gari

³ I n yɛ̃ mɑ wi turowɑ u sɑ̃ɑ Gusunɔ. Wiyɑ u sun tɑkɑ kuɑ. Sɑ sɑ̃ɑwɑ win tɔmbu. Sɑ sɑ̃ɑwɑ nɡe yɑ̃ɑ ɡɔ̃ɔ ɡe u kpɑre.

Womusu 100:3 Iomraidhean Croise

Sinɑmbu II 19:19

Adɑmɑ wunɛ, ɑ sɑ̃ɑwɑ Gusunɔ bɛsɛn Yinni. A sun wɔro sɑɑ Sɑnkeribun nɔmɑn di kpɑ hɑnduniɑn sinɑmbu kpuro bu ɡiɑ mɑ wunɛ turowɑ ɑ sɑ̃ɑ Gusunɔ.

Bɑndun Gɑri I 16:14

Gusunɔwɑ u sɑ̃ɑ bɛsɛn Yinni. Wiyɑ u koo hɑnduniɑ kpuro siri.

Yoobu 10:3

Yinni Gusunɔ, n nun wɛ̃re ɑ kɑ mɑn kɔ̃sɑ kuɑ, nɛ wi nɑ sɑ̃ɑ wunɛn nɔmɑn tɑkɑ koorɑ, kpɑ ɑ sere de ɡɑri yi tɔn kɔ̃sobɑ bɔkuɑ yi koorɑ?

Womusu 119:73

Wunɛn nɔmɑ yɑ mɑn mɔmɑ. Yerɑ yɑ mɑn tɑ̃sisiɑ. A mɑn bwisi kɛ̃ɛyɔ n kɑ wunɛn woodɑbɑ ɡiɑ.

Womusu 12:4

Yinni Gusunɔ, ɑ be bɑ tɔmbu fufu mɔ̀n nɔsu kɔruo. A be bɑ ɡɑri ɡerumɔ kɑ tii suɑbu mɑrisio.

Womusu 149:2

Isireli, ɑ yɛ̃ɛrio wi u nun tɑkɑ kuɑ sɔɔ. Siɔniɡibu, i yɛ̃ɛrio bɛɛn sinɑ bokon sɔ̃.

Womusu 46:10

U tɑbu kpeesiɑ yen ɡoonu nnɛ ye sɔɔ. U tɛnnu kɑ yɑɑsi bɔɔkɑ, mɑ u tɑbu kɛkɛ yi dumi ɡɑwe dɔ̃ɔ mɛni.

Womusu 78:52

U derɑ win tɔmbɑ yɑrɑ nɡe yɑ̃ɑ ɡɔ̃ɔ ɡe ɡɑ yɑrimɑ ɡɔ̃run di. Mɑ u bu kpɑrɑ ɡbɑburɔ.

Womusu 79:13

Adɑmɑ bɛsɛ wunɛn tɔn be ɑ kpɑre, sɑ ko nun tɔmɑ sere kɑ bɑɑdommɑɔ, kpɑ bɛsɛ kɑ bɛsɛn bibun bweseru sɑ n nun bɛɛrɛ wɛ̃ɛmɔ.

Womusu 95:3

Domi u kpɑ̃. U sɑ̃ɑ sinɑ boko wi u ye bɑ sɑ̃ɑmɔ kpuro kere.

Yɑribu 6:7

Kon bu mwɑ bu ko nɛn tɔmbu, kpɑ n ko ben Yinni, kpɑ bu ɡiɑ mɑ nɛnɑ Wi u rɑ n wɑ̃ɑ, nɑ mɑɑ sɑ̃ɑwɑ ben Yinni nɛ wi nɑ bu yɑkiɑmɔ ben yoo sɔmɑ ye Eɡibitiɡibɑ bu koosiɑmɔn di.

Wɑɑsu kowo 12:1

Ǹ n mɛn nɑ, ɑ wunɛn tɑkɑ kowo yɑɑyo wunɛn ɑluwɑɑsirun sɑɑ sɔɔ, nuku sɑnkirɑnun tɔ̃ru tu sere nɑ tè sɔɔ kɑɑ nɛɛ, ɑ ǹ mɑɑ wɑ̃ɑru kĩ.

Esɑi 63:11

Mɑ sɑ Mɔwisin wɑɑti yɑɑyɑ sɑ nɛɛ, mɑnɑ Yinni Gusunɔ u wɑ̃ɑ wi u kɑ bɛsɛ kɑ bɛsɛn wiruɡibu nim wɔ̃ku tɔburɑ. Mɑnɑ u wɑ̃ɑ, wi u derɑ win Hunde Dɛɛro u wɑ̃ɑ bɛsɛn suunu sɔɔ.

Esɑi 63:19

Wee yɑ tɛ, mìn di sɑ sɑ̃ɑ nɡe be ɑ ǹ kpɑre, kɑ be bɑ ǹ wunɛn yĩsiru sɔɔwɑ. Yinni Gusunɔ, sɑ nun mɑrɑ ɑ wɔllu ɡĩɑ kpɑ ɑ sɑrɑmɑ. À n tunumɑ, ɡuunu nu koo diiri bɛrum sɔ̃.

Esɑi 64:7

Kɑ yen de, Yinni, wunɑ ɑ sɑ̃ɑ bɛsɛn bɑɑbɑ. Sɑ sɑ̃ɑwɑ nɡe sɔndu, wunɑ ɑ sun mɔmɑ kɑ wunɛn nɔmɑ.

Yeremi 10:10

Adɑmɑ wunɛ Yinni Gusunɔ, ɑ sɑ̃ɑwɑ Yinni, wunɑ n weenɛ bu sɑ̃. A wɑ̃ɑwɑ. Kɑɑ n mɑɑ bɑndu diiwɑ sere kɑ bɑɑdommɑɔ. Wunɛn mɔru yɑ̀ n seewɑ, tem mu rɑ yĩiriwɑ, kpɑ bwesenu kpuro nu kpɑnɑ nu yɔ̃rɑ wunɛn wuswɑɑɔ.

Esekiɛli 34:11

Wee ye nɛ, Yinni Gusunɔ nɑ ɡerumɔ sɑɑ tɛ̃n di. Nɑ nɛɛ, nɛn tiiwɑ kon nɛn yɑ̃ɑnu mɛnnɑ n nu nɔɔri.

Yohɑnu 17:3

Wɑ̃ɑru te tɑ ku rɑ kpe terɑ mini, tɔmbu bu kɑ nun ɡiɑ, wunɛ Gusunɔ turo, kpɑ bu mɑɑ mɑn ɡiɑ nɛ Yesu Kirisi wi ɑ ɡɔrimɑ.

Korinti II 4:6

Gusunɔ wi u nɛɛ, yɑm bururɑm mu bɑllio yɑm wɔ̃kurɔ, wiyɑ mɑɑ win yɑm bururɑm bɑllisiɑ bɛsɛn ɡɔ̃ruɔ, su kɑ win yiiko ɡiɑ ye yɑ bɑllimɔ Kirisin wuswɑɑn di.

Efesu 2:10

Domi sɑ sɑ̃ɑwɑ Gusunɔn nɔmɑn sɔmburu. U sun tɑkɑ kuɑwɑ bɛsɛ kɑ Yesu Kirisin ɡbinnɑɑ sɔɔ su kɑ sɔm ɡeenu ko nìn sɔɔru u kuɑ sɑɑ yellun di.

Sɔ̃ɔsiru 32:15

Ye bɑ debɑ bɑ kpɑ mɑ bɑ Gusunɔ seesi. Ye bɑ bɔriɑ bɑ kpɑ, yerɑ bɑ wi, Gusunɔ ben tɑkɑ kowo deri. Mɑ bɑ nùn ɡɛmɑ wi, wi u sɑ̃ɑ ben fɑɑbɑ kowo.

Sɔ̃ɔsiru 32:6

Gɑri bɑkɑsu bɛɛ, nɡe mɛyɑ bɑ rɑ Yinni Gusunɔ kue? U ǹ sɑ̃ɑ bɛɛn bɑɑbɑ kɑ bɛɛn tɑkɑ kowo? N ǹ wi, u bɛɛ tɑ̃sisiɑ u kuɑ win tɔmbu?

Sɔ̃ɔsiru 4:35

Bɛɛyɑ i kuɑ seedɑ kpɑ i kɑ ɡiɑ mɑ Gusunɔ turowɑ u sɑ̃ɑ Yinni. Goo mɑɑ sɑri nɡe wi.

Sɔ̃ɔsiru 4:39

Ǹ n mɛn nɑ, i bwisikuo ɡisɔ kpɑ i n yɛ̃ mɑ Gusunɔ turowɑ u sɑ̃ɑ Yinni wɔllɔ kɑ temɔ. Goo mɑɑ sɑri nɡe wi.

Sɔ̃ɔsiru 7:9

Yen sɔ̃, i de i n yɛ̃ mɑ Gusunɔ bɛsɛn Yinniwɑ u sɑ̃ɑ Gusunɔ. U rɑ win ɑrukɑwɑni nɛnɛ kɑ be bɑ win woodɑbɑ mɛm nɔɔwɑmmɛ sere kɑ ben bibun bweserun nɔrɔm nɔrɔmwɔ (1.000). Be bɑ nùn kĩ, u ku rɑ bu tɔnu kɑndu kue.

Piɛɛ I 2:25

Domi i rɑɑ sɑ̃ɑwɑ nɡe yɑ̃ɑ ni nu kɔ̃ɔre, ɑdɑmɑ tɛ̃ i wurɑmɑ bɛɛn hunden kpɑron mi, wi u bɛɛ kɔ̃su.

Piɛɛ I 2:9

Adɑmɑ bɛɛ i sɑ̃ɑwɑ bwese te bɑ ɡɔsɑ, i mɑɑ sɑ̃ɑ sinɑ bokon yɑ̃ku kowobu, i sɑ̃ɑ bwese te Gusunɔ u yɑkiɑ u yii nɛnɛm, kpɑ i kɑ win tɔn ɡeeru kpɑrɑ wi, wi u bɛɛ sokɑ yɑm wɔ̃kurun di i kɑ du win yɑm bururɑm mɑɑmɑɑkiɡim sɔɔ.

Piɛɛ I 4:19

Nɡe mɛyɑ, be Gusunɔ u derɑ bɑ nɔni swɑ̃ɑru wɑɑmɔ, bɑ n dɑ ɡeɑ ko, kpɑ bu kɑ ben Tɑkɑ kowo wi u nɑɑnɛ mɔ yɔ̃rɑ.

Yohɑnu I 5:20

Sɑ mɑɑ yɛ̃ mɑ Gusunɔn Bii u nɑ, mɑ u sun bwisi kɑ̃ su kɑ Gusunɔ Yinni ɡemɡii ɡiɑ. Sɑ ɡbinnɛ kɑ ɡemɡii wi, win Bii Yesu Kirisin min di. Yesu Kirisi wiyɑ sɑ̃ɑ Gusunɔ Yinni ɡemɡii. U mɑɑ sɑ̃ɑ wɑ̃ɑru te tɑ ku rɑ kpen nuuru.