Womusu 1:2 - Bibeli Gusunɔn Gari

² Wiyɑ u rɑ n nuku dobu mɔ̀ Gusunɔn ɡɑri sɔɔ sɔ̃ɔ sɔɔ. Wiyɑ u rɑ n Gusunɔn ɡɑri bwisikumɔ wɔ̃kuru. Wiyɑ u rɑ n Gusunɔn ɡɑri kĩ sɑɑ kpuro.

Womusu 1:2 Iomraidhean Croise

Torubu 24:63

Sɔ̃ɔ teeru u yɑrɑ yokɑ u swɑɑ ɡɑwɑ u kɑ bwisiku. Yerɑ u nɔni seeyɑ u mɛɛrɑ sɑruɔ u yooyoosu wɑ su wee.

Ɛsidɑrɑsi 7:10

Domi Ɛsidɑrɑsi u tii Gusunɔ wɛ̃. Mɑ u win woodɑbɑ keu kuɑ, u rɑ ye mɛm nɔɔwɛ kpɑ u ye Isirelibɑ sɔ̃ɔsi.

Yoobu 23:12

Nɑ ǹ win woodɑ sɑre. Ye u mɑn sɔ̃ɔwɑ kpuro, nɑ ye mɛm nɔɔwɑwɑ ɡɔ̃ruɔ.

Womusu 104:34

Yinni Gusunɔ, ɑ de nɛn ɡɑri yi nun dore. Nɑ kĩ n nuku dobu ko wunɛ sɔɔ.

Womusu 112:1

I Yinni Gusunɔ siɑro. Doo nɔɔruɡiiwɑ wi u Yinni Gusunɔ nɑsie, mɑ win woodɑbɑ bɑ nùn nuku dobu wɛ̃ɛmɔ.

Womusu 119:1

Doo nɔɔruɡibɑ be bɑ kun tɑɑrɛ mɔ ben sɑnu sɑnusu sɔɔ, mɑ bɑ sĩimɔ nɡe mɛ Yinni Gusunɔn woodɑ yɑ bu sɔ̃ɔsimɔ.

Womusu 119:11

Nɑ wunɛn ɡɑri nɛnisi nɛn ɡɔ̃ruɔ kpɑ n ku rɑ kɑ nun torɑri.

Womusu 119:35

Nɑ wunɛn swɑɑ kĩ. A mɑn sureo ye sɔɔ.

Womusu 119:72

Nɑ wunɛn nɔɔn ɡere kĩ n kere ɡɑ̃ɑnu nɔrɔbu (1.000) ye bɑ kuɑ kɑ wurɑ kɑ sii ɡeesu.

Womusu 119:92

Nɑ̀ kun dɑɑ nuku dobu wɑ wunɛn woodɑ be sɔɔ, nɑ n dɑɑ ɡu nɛn nɔni swɑ̃ɑru sɔɔ.

Womusu 40:8

Mɑ nɑ nɛɛ, nɛ wee, nɡe mɛ bɑ nɛn ɡɑri yoruɑ woodɑn tireru sɔɔ.

Womusu 88:1

Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡuuru. Hemɑni Esirɑhiɡiiwɑ u ɡu kuɑ. Ge wee.

Yeremi 15:16

Wunɛn ɡɑri kpurowɑ nɑ swɑɑ dɑki. Mɑ nɑ yi doke ɡɔ̃ruɔ. Yiyɑ yi mɑn nuku dobu wɛ̃. Gusunɔ wɔllu kɑ tem Yinni, ɑ n yɛ̃ mɑ wunɛn yĩsirɑ nɑ sɔɔwɑ.

Luku 18:7

Kɑɑ sere ɡere Gusunɔ? U ǹ koo win tiin tɔmbu siriɑ be bɑ nùn wuri koosimɔ bururu kɑ yokɑ? U koo tɛ u sere bu nɔɔri?

Luku 2:37

Mɑ u ɡɔminiru sinɑ wɔ̃ɔ wɛnɛ kɑ nnɛ. U ku rɑ kpe sɑ̃ɑ yerɔ, u rɑ n Gusunɔ sɑ̃ɑmɔ bururu kɑ yokɑ kɑ nɔɔ bɔkuru kɑ kɑnɑru.

Romu 7:22

Nɑ nuku dobu mɔ Gusunɔn woodɑ sɔɔ nɛn ɡɔ̃ruɔ,

Tɛsɑlonikɑ I 2:9

Bɛsɛɡibu, i bɛsɛn sɔmburu kɑ bɛsɛn wɑhɑlɑ yɑɑye ye sɑ wɑ. Sɑ sɔmburu kuɑ sɔ̃ɔ sɔɔ kɑ wɔ̃kuru yèn sɔ̃ sɑ ǹ kĩ su bɛɛn ɡoo ɡɔnɡɛrɛ ko sɑnɑm mɛ sɑ Gusunɔn Lɑbɑɑri ɡeɑ kpɑrɑmɔ bɛɛn suunu sɔɔ.

Timɔte I 4:15

A ɡɑri yini nɔni dokeo, ɑ mɑɑ yi tii wɛ̃ɛyɔ mɑm mɑm, kpɑ tɔmbu kpuro bu wunɛn wuswɑɑ dɑɑbu wɑ.

Timɔte II 1:3

Nɑ Gusunɔ sɑɑbu kuɑ wi nɑ sɑ̃ɑmɔ kɑ lɑɑkɑri tɑɑrɛ sɑriruɡiɑ nɡe mɛ nɛn sikɑdobɑ bɑ rɑɑ kuɑ. Nɑ rɑ n mɑɑ nun yɑɑyɑmɔ nɛn kɑnɑru sɔɔ bururu kɑ yokɑ.

Yosue 1:8

A de woodɑn tire ten ɡɑri yi n dɑ n wɑ̃ɑ wunɛn nɔɔ sɔɔ, kpɑ ɑ n yi bwisikumɔ sɑɑ bɑɑyere, sɔ̃ɔ sɔɔ kɑ wɔ̃kuru. Kpɑ ɑ lɑɑkɑri doke ɑ kɑ ye kpuro mɛm nɔɔwɑ mɑm mɑm ye bɑ yoruɑ mi. Domi ɑ̀ n kuɑ mɛ, ye ɑ mɔ̀ kpuro yɑ koo ɑrufɑɑni ko.

Yohɑnu I 5:3

Sɑ̀ n Gusunɔ kĩ sɑ ko mɑɑ win woodɑ nɛnɛ. Win woodɑ kun mɑɑ sɛ̃.