Osee 9:8 - Bibeli Gusunɔn Gari

⁸ Adɑmɑ sɔmɔ wi u bɛɛ kirɔ mɔ̀, u wɑ̃ɑ kɑ Gusunɔ. Kɑ mɛ, i nùn yinɑ bɛriɑmmɛ mi u dɔɔ kpuro. I rɑ mɑm nùn seesiwɑ Gusunɔ win Yinnin sɑ̃ɑ yerɔ.

Osee 9:8 Iomraidhean Croise

Sinɑmbu I 17:1

Gusunɔn sɔmɔ Eli wi u wɑ̃ɑ Tisibiɔ Gɑlɑdin temɔ u sinɑ boko Akɑbu sɔ̃ɔwɑ u nɛɛ, kɑ Gusunɔ Isirelibɑn Yinni wi nɑ sɑ̃ɑmɔ minin wɑ̃ɑru, ɡurɑ kɑ kɑkoru, yen ɡɑɑ kun mɑɑ nɛmɔ wɔ̃ɔ sinin bɑɑ sɔɔ sere dɔmɑ te nɑ wure nɑ nɛɛ, yɑ koo nɛ.

Sinɑmbu I 18:1

Yenibɑn biru, ɡbebu ten wɔ̃ɔ itɑse sɔɔ, Yinni Gusunɔ u Eli sɔ̃ɔwɑ u nɛɛ, ɑ doo, Akɑbu u nun wɑ domi kon de ɡurɑ yu nɛ.

Sinɑmbu I 18:19

Yen sɔ̃ tɛ̃, ɑ de Isirelibɑ bu mɛnnɑmɑ ɡuu te bɑ mɔ̀ Kɑɑmɛliɔ kɑ sere bũu wi bɑ sokumɔ Bɑɑlin yɑ̃ku kowobu tɔnu nɛɛru kɑ weerɑɑkuru (450) kɑ mɑɑ bũu wi bɑ sokumɔ Asitɑɑten yɑ̃ku kowobu tɔnu nɛɛru (400) be bɑ rɑ mɛnnɛ bu di sɑnnu kɑ Yesɑbɛli.

Sinɑmbu I 22:11

Yerɑ Sedesiɑsi Kenɑɑnɑn bii u sisun kɔbunu sekɑ. Mɑ u nɛɛ, ɑmɛniwɑ Yinni Gusunɔ u ɡeruɑ, kɔbi yini, yi sɑ̃ɑwɑ yĩreru te tɑ wunɛn dɑm sɔ̃ɔsimɔ mɛ kɑɑ kɑ Siriɡibu ɡo.

Sinɑmbu I 22:22

Hunde ye, yɑ nɛɛ, kon yɑri kpɑ n du sɔmɔ be sɔɔ, kpɑ n de bu weesu ko bu kɑ sinɑ boko nɔni wɔ̃ke. Mɑ Yinni Gusunɔ u ye wisɑ u nɛɛ, yɑ wɑ̃, swɑɑ ɡeɑ. Kɑɑ mɑɑ kpĩ ɑ nùn nɔni wɔ̃ke. Ǹ n mɛn nɑ, ɑ yɑrio ɑ dɑ ɑ ko mɛ.

Sinɑmbu I 22:28

Misee u nùn sɔ̃ɔwɑ u nɛɛ, ɑ̀ n wurɑmɑ kɑ ɑlɑfiɑ, n ǹ Yinni Gusunɔ u kɑ mɑn ɡɑri kuɑ. Bɛɛ be i wɑ̃ɑ mini, bɛɛn bɑɑwure u ɡɑri yi swɑɑ suo.

Sinɑmbu I 22:6

Sɑɑ yerɑ Isirelibɑn sinɑ boko u sɔmɔbu mɛnnɑ nɡe tɔnu nɛɛrun (400) sɑkɑ. Mɑ u bu bikiɑ u nɛɛ, n doo Rɑmɔtiɔ Gɑlɑdin temɔ n kɑ Siriɡibu tɑbu ko? Nɡe n ku dɑ. Yerɑ sɔmɔ be, bɑ nùn wisɑ bɑ nɛɛ, ɑ doo. Yinni Gusunɔ u koo nun ye nɔmu bɛriɑ.

Sinɑmbu II 13:21

Yerɑ sɔ̃ɔ teeru durɔ ɡoo u ɡu Isirelibɑn suunu sɔɔ. Ye bɑ nùn sikumɔ, yerɑ bɑ wɑ wee, Mɔɑbubɑn tɑbu kowo wuuru ɡɑrɑ kurɑmɑ. Mɑ bɑ ɡoo te kɑre Eliseen siki wɔruɔ. Ye durɔ win ɡoo te, tɑ dɑ tɑ Eliseen kukunu wɔri, yerɑ durɔ wi, u kuɑ wɑso. Mɑ u seewɑ u yɔ̃rɑ.

Sinɑmbu II 2:14

Yerɑ u kumbooro ɡe suɑ u kɑ nim mɛ so u nɛɛ, mɑnɑ ɑ wɑ̃ɑ, Gusunɔ, Elin Yinni. Mɑnɑ ɑ wɑ̃ɑ! Mɑ nim mɛ, mu burɑnɑ mu kuɑ tem dirɑ. Sɑɑ yerɑ u tɔburɑ.

Sinɑmbu II 2:21

Mɑ u dɑ dɑɑ ten wirɔ, u bɔɔ te doke mi. Yerɑ u nɛɛ, ɑmɛniwɑ Yinni Gusunɔ u ɡeruɑ. U nɛɛ, u koo nim mɛ dorɑsiɑ, mu ǹ mɑɑ ɡoo ɡoomɔ, mu ǹ mɑɑ yinɑmɔ ɡɑ̃ɑnu nu mɑ.

Sinɑmbu II 4:41

Yerɑ Elisee u win sɔm kowo sɔ̃ɔwɑ u nɛɛ, ɑ seewo ɑ som suɑ ɑ doke kpee weke te sɔɔ. Mɑ sɔm kowo wi, u kuɑ mɛ. Yerɑ Elisee u mɑɑ nùn sɔ̃ɔwɑ u nɛɛ, ɑ yi tɔmbu wɛ̃ɛyɔ bu di. Domi ɡɑ̃ɑ kɔ̃sunu kun mɑɑ wɑ̃ɑ kpee yi sɔɔ.

Sinɑmbu II 4:43

Adɑmɑ sɔm kowo wi, u nùn wisɑ u nɛɛ, ɑmɔnɑ kon kpĩ n kɑ dĩɑ nini tɔmbu wunɔbu (100) diisiɑ. Mɑ Elisee u mɑɑ nùn wisɑ u nɛɛ, ɑ ye tɔn be kpuro bɔnu kuo. Domi Yinni Gusunɔ u nɛɛ, bɑɑwure u koo wɑ u di, kpɑ nu tiɑrɑ.

Sinɑmbu II 5:14

Yerɑ u sɑrɑ u duɑ nim mɛ sɔɔ u numɑ nɔn nɔɔbɑ yiru nɡe mɛ Gusunɔn sɔmɔ wi, u rɑɑ nùn sɔ̃ɔwɑ. Mɑ win wɑsin ɡɔnɑ yɑ wɛ̃rɑ nɡe bii piibuɡiɑ mɑ u dɛɛrɑ.

Sinɑmbu II 5:27

Tɛ̃, Nɑmɑnin bɑrɑ disiɡii te, tɑ koo wurɑ wunɛ kɑ wunɛn bweseru kpuro sɔɔ, sere kɑ bɑɑdommɑɔ. Mɑ Gehɑsi u doonɑ Eliseen min di, kɑ bɑrɑ disiɡii te. Mɑ tɑ win wɑsin ɡɔnɑ bururɑsiɑ.

Sinɑmbu II 7:19

Adɑmɑ sinɑ bokon kɔ̃sobun wiruɡii wi, u nɛɛ, bɑɑ Yinni Gusunɔ ù n fɛnɛntibɑ yɑburɑ wɔllɔ, yeni yɑ koo koorɑ mɛ? Mɑ Elisee u nùn wisɑ u nɛɛ, kɑɑ ye wɑ kɑ wunɛn nɔni. Adɑmɑ ɑ ǹ ye dimɔ.

Sinɑmbu II 7:2

Sinɑ bokon kɔ̃sobun wiruɡii u Elisee wisɑ u nɛɛ, bɑɑ Yinni Gusunɔ ù n fɛnɛntibɑ yɑburɑ wɔllɔ yɑ koo koorɑ mɛ? Elisee u nùn wisɑ u nɛɛ, kɑɑ ye wɑ kɑ wunɛn nɔni. Adɑmɑ ɑ ǹ ye dimɔ.

Womusu 124:7

U derɑ bɛsɛn hunde yɑ kisirɑ sɑɑ tɑɑn di nɡe ɡunɔ. Tɑɑ yɑ kɑsikirɑ mɑ sɑ yɑrɑ.

Wɑɑsu kowo 9:12

Nɡe mɛ swɛ̃ɛ yi ku rɑ n yɛ̃ sɑɑ ye bɑ koo yi mwɑ subɑru sɔɔ kɑ yɑ̃ɑkororu, ǹ kun mɛ nɡe mɛ ɡunɔ ɡɑ ku rɑ n yɛ̃ sɑɑ ye bɑ koo ɡe mwɑ kɑ tɑɑ, nɡe mɛyɑ tɔnu ku rɑ n win ɡɔɔn kɔbɑ yɛ̃. Nɔni swɑ̃ɑru tɑ rɑ tɔnun bii deemɛ subɑru sɔɔ nɡe mɛ bɑ rɑ yɛɛ yi mwɛɛri.

Womu Duro 3:3

Ye wuu ɡen kɔ̃sobɑ bɔsu bɑ wuu mɛɛrimɔ, bɑ mɑn wɑ, mɑ nɑ bu bikiɑ nɑ nɛɛ, i nɛn kĩnɑsi wɑ?

Esɑi 62:6

Wunɛ Yerusɑlɛmu, nɑ derɑ ɡɑbɑ sɑ̃ɑ nɡe wuu kɔ̃sobu be bɑ rɑ n yɔ̃ ɡbɑ̃rɑru wɔllɔ, bɑ ǹ nɔɔ mɑrimɔ sɔ̃ɔ sɔɔ kɑ wɔ̃kuru. Bɛɛ wuu kɔ̃sobu, bɛɛ be i nɛ, Yinni Gusunɔ Yerusɑlɛmun ɡɑri yɑɑyɑsiɑmɔ, i ku wɛ̃rɑ.

Yeremi 11:19

Nɑ rɑɑ bu nɑɑnɛ sɑ̃ɑwɑ nɡe yɑ̃ɑ te bɑ kɑ dɔɔ bu ɡo. Nɑ ǹ yɛ̃ kɔ̃sɑ bɑ mɑn bwisikusimɔ, bɑ mɔ̀, bu de bu dɑ̃ɑ te surɑ kɑ ten mɑrum. Bu tu wunɑ wɑsobun suunu sɔɔn di kpɑ bu ku mɑɑ ten yĩsiru nɔ.

Yeremi 14:13

Mɑ Yeremi u wisɑ u nɛɛ, Yinni Gusunɔ, wee wunɛn sɔmɔbu bɑ wunɛn tɔmbu sɔ̃ɔmɔ bɑ mɔ̀, bɑ ǹ tɑbu wɑsi. Gɔ̃ɔrɑ kun mɑɑ duɔ ben temɔ. Kɑɑ de bɑ n wɑ̃ɑwɑ bɔri yɛndu sɔɔ kɑ toro sindu.

Yeremi 23:13

Yinni Gusunɔ u nɛɛ, kɔ̃sɑ ye nɑ wɑ nɛn sɔmɔbu bɑ mɔ̀ Sɑmɑriɔ, yɑ ǹ kɑ nɔɔ ɡerurɔ. Domi bũu wi bɑ mɔ̀ Bɑɑlin yĩsirɑ bɑ kɑ ɡɑri mɔ̀. Mɑ bɑ nɛn tɔmbu Isirelibɑ ɡɛrɑsiɑ nɛn swɑɑn di.

Yeremi 31:6

Sɑɑ yɑ sisi yè sɔɔ wuun kɔ̃sobu bɑ koo nɔɔɡiru suɑ Efɑrɑimun ɡuuru wɔllun di bu nɛɛ, i seewo su dɑ Siɔniɔ mi Gusunɔ bɛsɛn Yinni u wɑ̃ɑ.

Yeremi 6:14

Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ, bɑ n mɔ̀, ɑlɑfiɑ wɑ̃ɑ, ɑdɑmɑ ɑlɑfiɑ ɡɑɑ sɑri.

Yeremi 6:17

Gusunɔ u nɛɛ, nɑ bɛɛ kɔ̃sobu wɛ̃ i kɑ ben kɔbɑn swĩi swɑɑ dɑki. Adɑmɑ bɑ wisɑ bɑ nɛɛ, sɑ ǹ swɑɑ dɑkimɔ.

Swĩi 2:14

Wunɛn sɔmɔbu bɑ nun ɡɑri weesuɡii sɔ̃ɔwɑ. Bɑ ǹ nun wunɛn torɑnu sɔ̃ɔsi bu kɑ nun ɡbɑrɑ yorun di. Gɑri weesuɡiiyɑ bɑ nun sɔ̃ɔwɑ yi yi nun nɔni wɔ̃kuɑ.

Swĩi 4:13

Wɑhɑlɑ bɑkɑ yeni yɑ nɑwɑ Gusunɔn sɔmɔbu kɑ yɑ̃ku kowobun torɑnun sɔ̃. Domi berɑ bɑ be bɑ ǹ torɑnu ɡɑnu kuen yɛm yɑri Yerusɑlɛmun swɛɛ sɔɔ.

Esekiɛli 3:17

wunɛ tɔnun bii, kon de ɑ Isirelibɑ nɔni doke. Kɑɑ n dɑ nɛn ɡɑri swɑɑ dɑki kpɑ ɑ kɑ bu kirɔ ko.

Esekiɛli 33:7

Tɔnun bii, wunɑ nɑ ɡɔsɑ nɡe ɡbɑmɡbɑ sowo Isirelibɑn suunu sɔɔ ɑ kɑ bu kirɔ ko. A de ɑ nɛn ɡɑri kɑ nɛn kirɔbɑ swɑɑ dɑki kpɑ ɑ bu ye nɔɔsiɑ.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Osee 9:7

Sɑɑ yɑ turɑ yè sɔɔ Yinni Gusunɔ u koo siri. Sɑɑ yɑ tunumɑ yè sɔɔ u koo bɑɑwure kɔsiɑ ye u kuɑ. Bɛɛ Isirelibɑ i ko ye wɑ. Wee bɛɛn torɑnu kɑ bɛɛn tusirun kpɑ̃ɑrun sɔ̃, i rɑ n tɑmɑɑ Gusunɔn sɔmɔ u wiirɑwɑ. Wi, wi Yinni Gusunɔ u kɑ ɡɑri kuɑ u tɑm nɔrɑwɑ. N deemɑ bɛɛ, i torewɑ n kpɑ̃, mɑ i nùn tusɑ.

Osee 9:9

Wee i dɑ i kɔ̃sɑ kuɑ nɡe mɛ i rɑɑ kuɑ Gibeɑɔ. Yinni Gusunɔ kun bɛɛn torɑnu duɑri. U koo bɛɛ sɛɛyɑsiɑ nin sɔ̃.

Misee 7:4

Ben wi u sɑnɔ bo, u sɑ̃ɑwɑ nɡe sɑ̃kɑ. Ben wi u dɛɛre, u ɑwĩi kɔ̃si kere. Yen sɔ̃ tɛ̃, tɔ̃ɔ te Gusunɔn sɔmɔbu bɑ bu nɔɔsiɑ tè sɔɔ bɑ koo bu sɛɛyɑsiɑ tɑ tunumɑ. Wee bɑ burisinɛ kɔ nuku sɑnkirɑnun sɔ̃.

Yohɑnu 15:24

Nɑ̀ kun dɑɑ sɔmɑ kue ben suunu sɔɔ ye ɡoo kun koore, bɑ ǹ dɑɑ tɑɑrɛ mɔ. Adɑmɑ tɛ̃, bɑ sɔmɑ ye wɑ kɔ, mɑ bɑ sun tusɑ nɛ kɑ nɛn Bɑɑbɑ.

Romu 3:7

Adɑmɑ nɛn weesu sù n Gusunɔn ɡem sɔ̃ɔsimɔ kpɑsɑsɑ, win yiiko yu kɑ sosi, mbɑn sɔ̃nɑ bɑ koo kpɑm mɑn tɑɑrɛ wɛ̃ nɡe toro.

Heberu 13:17

I bɛɛn swɑɑ ɡbiobu mɛm nɔɔwɔ kpɑ i bu wiru kpĩiyɑ. Domi bɛɛn hunden ɡɑriyɑ bɑ rɑ n kɑ wɑsire yèn sɔ̃ Gusunɔ u koo bu yen ɡɑri bikiɑ. I de bu kpĩ bu wisi kɑ nuku dobu, n kun kɑ nuku sɑnkirɑnu. Bɑ̀ n wisɑ kɑ nuku sɑnkirɑnu, yɑ ǹ bɛɛ ɑrufɑɑni ɡɑɑ kuɑmmɛ.