Osee 9:3 - Bibeli Gusunɔn Gari

³ Isirelibɑ bɑ ǹ sinɑmɔ tem mɛ Yinni Gusunɔ u bu wɛ̃ sɔɔ. Bɑ koo wurɑmɑ Eɡibitiɔ ǹ kun mɛ Asiriɔ. Kpɑ bu dĩɑ sesenuɡinu di mi.

Osee 9:3 Iomraidhean Croise

Sinɑmbu I 9:7

kon bɛɛ wunɑ tem mɛ nɑ rɑɑ bɛɛ wɛ̃ kpuron di. Kpɑ n mɑɑ dii te nɑ wunɑ nɛnɛm nɛn sɔ̃ mi yinɑ mɑm mɑm kpɑ i sekuru wɑ bwese tukunun wuswɑɑɔ nu bɛɛ yɛ̃ɛ.

Sinɑmbu II 17:6

Oseen bɑndun wɔ̃ɔ nɔɔbɑ nnɛse sɔɔrɑ, Asirin sinɑ boko u Sɑmɑri mwɑ. Mɑ u Isirelibɑ yoru mwɛɛrɑ u kɑ dɑ win temɔ. U derɑ ben ɡɑbɑ wɑ̃ɑ Sɑlɑsin temɔ kɑ Gosɑnin temɔ mi dɑɑ te bɑ mɔ̀ Sɑbori tɑ wɑ̃ɑ kɑ mɑɑ Mɛdibɑn wuu mɑrosɔ.

Yeremi 16:18

Kon bu ben durum ɑre wɛ̃ mɑm mɑm. Domi bɑ nɛn tem disi doke mɛ mu sɑ̃ɑ nɛn ɑrumɑni, mɑ bɑ derɑ mu ben bũun bwɑ̃ɑrokunu yibɑ ni nu ǹ wɑ̃ɑru mɔ.

Yeremi 2:7

Yen biru, u kɑ bu dɑ mi tem ɡem wɑ̃ɑ, kpɑ bu kɑ mɛn dɑ̃ɑ bii duronu kɑ mɛn dĩɑ ɡeenu di. Adɑmɑ ye bɑ turɑ mi, bɑ tem mɛ sɑnkɑ, bɑ mu disi doke.

Swĩi 5:6

Sɑ Asiriɡibu kɑ Eɡibitiɡibu dĩɑnu kɑnɑ.

Esekiɛli 4:13

Nɡe mɛyɑ Isirelibɑ bɑ ko n dɑ ben dĩɑnu di kɑ disi tɔn tukobun suunu sɔɔ mi kon bu yɑrinɑsiɑ.

Dɑniɛli 1:8

Dɑniɛli u ɡɔ̃ru doke u sinɑ bokon dĩɑnu kɑ win tɑm mɛ yinɑ, kpɑ u ku rɑɑ tii disi doke. Mɑ u sɔm kowobun wiruɡii wi, suuru kɑnɑ u ku nùn tilɑsi ko u kɑ sese te di.

Osee 11:11

I ko duki nɑ sɑɑ Eɡibitin di nɡe ɡunɔ mɔri kpɑ i nɑ sɑɑ Asirin di nɡe totobɛrɛnu, kpɑ n de i sinɑ bɛɛn yɛnusɔ. Nɛ, Yinni Gusunɔwɑ nɑ yeni ɡeruɑ.

Osee 11:5

Adɑmɑ bɑ yinɑ bu nɑ nɛn mi. Yen sɔ̃nɑ nɑ nɛɛ, bɑ koo dɑ Eɡibitiɔ kpɑ Asiriɡii u ko ben sunɔ.

Osee 7:11

Bɑ sɑ̃ɑwɑ nɡe totobɛrɛ te tɑ ǹ bwisi mɔ. Bɑ Eɡibitiɡibu somiru kɑnɑmɔ, mɑ bɑ dɑɑmɔ Asiriɔ.

Osee 7:16

Bɑ ɡɔsirɑ ɡoon mi ɡiɑ. Bɑ sɑ̃ɑ nɡe tɛn te tɑ ǹ ɡeɑ sɑ̃ɑ. Yen sɔ̃, bɑ koo ben wiruɡibu ɡo tɑbu sɔɔ ben ɡɑri kɑm ɡerubun sɔ̃. Yerɑ yɑ koo de bu bu yɛ̃ɛ Eɡibitiɔ.

Osee 8:13

Bɑ rɑ yɛɛ ɡo bu kɑ mɑn yɑ̃kuru kuɑ, kpɑ bu yin yɑɑ tem. Adɑmɑ ben yɑ̃ku ni, nu ǹ mɑn doremɔ. Nɑ ǹ ben torɑnu duɑri. Kon bu sɛɛyɑsiɑ. Yen sɔ̃nɑ bɑ koo ɡɔsirɑ bu dɑ Eɡibitiɔ.

Osee 9:6

Ì n bɛɛn yɛnusu deri bɑnsu, Eɡibitiɡibɑ koo bɛɛ dɑm koosiɑ ben mi. Adɑmɑ yen wuu ɡe bɑ mɔ̀ Mɛnfisi ɡɑ ko n sɑ̃ɑwɑ nɡe bɛɛn sikiru. Awĩi yi koo bɛɛn ɑrumɑni di. Kpɑ sɑ̃ki yi kpi bɛɛn kunɔ.

Sɑ̃ɑrun Woodɑ 18:28

Ǹ n mɛn nɑ, bɛɛn tii i ku mu disi doke kpɑ mu ku rɑɑ mɑɑ bɛɛ yɑrinɑsiɑ nɡe yelluɡibu.

Sɑ̃ɑrun Woodɑ 20:22

I de i nɛn woodɑbɑ kɑ nɛn yiirebu mɛm nɔɔwɑ kpɑ i kɑ ye sɔmburu ko, kpɑ tem mi nɑ kɑ bɛɛ dɔɔ mu ku rɑɑ bɛɛ yɑrinɑsiɑ.

Sɑ̃ɑrun Woodɑ 25:23

Goo kun tɔnu tem dɔremɔ kpɑ yɛ̃ro u n mu mɔ sere kɑ bɑɑdommɑɔ, domi nɛ, Yinni Gusunɔwɑ nɑ tem mɔ, i mɑɑ wɑ̃ɑwɑ nɛn mi nɡe sɔbu.

Amɔsu 7:17

Wee ye Yinni Gusunɔ u ɡeruɑ. U nɛɛ, wunɛn kurɔ u koo sɑkɑrɑru ko wuu sɔɔ, kpɑ bu wunɛn bibu ɡo tɑbu sɔɔ, kpɑ bu wunɛn ɡberu bɔnu ko, domi wunɛn tii kɑɑ ɡbi tem tukumɔ mi n tomɑ, mi bɑ koo kɑ Isirelibɑ dɑ bu yoru di.

Misee 2:10

I seewo i doonɑ, i ǹ mɑɑ bɔri yɛndu wɑsi tem mɛ sɔɔ. Wɑhɑlɑ bɑkɑ yɑ bɛɛ mɑrɑ bɛɛn mɛm nɔɔbu sɑrirun sɔ̃.

Gɔrobun Kookoosu 10:14

Adɑmɑ Piɛɛ u nɛɛ, ɑɑwo pɑi Yinni, nɑ ǹ yɑɑ seseruɡiɑ diire.

Sɔ̃ɔsiru 28:63

Nɡe mɛ Yinni Gusunɔ u rɑɑ bɛɛ durom kuɑ, u bɛɛ dɑbiɑsiɑ kɑ kĩru, nɡe mɛyɑ u koo mɑɑ bɛɛ yɑrɑ kɑ win kĩru tem mɛ u bɛɛ wɛ̃n di kpɑ i kɑm ko.

Sɔ̃ɔsiru 28:68

Yinni Gusunɔ u koo de bu kɑ bɛɛ wurɑ Eɡibitiɔ kɑ ɡoo nimkusu. U koo kɑ bɛɛ wurɑ tem mɛ sɔɔ mɛ nɑ rɑɑ nɛɛ, i ǹ wɑsi. Ì n turɑ mi, i ko i bɛɛn tii yibɛrɛbɑ dɔre i ko yobu. Adɑmɑ ɡoo kun bɛɛ dwemɔ.

Sɔ̃ɔsiru 4:26

Ì n torɑ ten bweseru kuɑ, nɑ bɛɛ sɔ̃ɔmɔ nɑ siremɔ ɡisɔ, wɔllu kɑ tem mu sɑ̃ɑ nɛn seedɑ mɑ i ko i ɡbiwɑ tem mɛ i ko i mwɑ mi sɔɔ Yuudɛnin ɡuru ɡiɔ. Bɛɛn wɑ̃ɑru tɑ ǹ dɑkɑɑ dɔɔ. Bɑ koo bɛɛ kpeerɑsiɑwɑ mɑm mɑm.

Yosue 23:15

Mɛyɑ i n mɑɑ yɛ̃ nɡe mɛ u nɔɔ mwɛɛ ɡee ni yibiɑ mi, mɛyɑ u koo mɑɑ kɔ̃sɑ ye u ɡeruɑ kpuro ko. U koo bɛɛ ɡo mɑm mɑm tem durom mɛ sɔɔ mɛ u bɛɛ wɛ̃ mini.