Osee 9:10 - Bibeli Gusunɔn Gari

¹⁰ Yinni Gusunɔ u nɛɛ, sɑnɑm mɛ nɑ ɡbiɑ nɑ Isirelibɑ wɑ, nɛn nɔni sɔɔ, bɑ sɑ̃ɑwɑ nɡe resɛm mɑrum mɛ bɑ wɑ mi ɡɑ̃ɑnu ku rɑ kpi. Mɑ nɑ mɑɑ ben bɑɑbɑbɑ wɑ nɡe fiɡie mɑrum ɡbiikum. Adɑmɑ ye bɑ tunumɑ Bɑɑli Peoriɔ, miyɑ bɑ tii bũu wi bɑ mɔ̀ Bɑɑli wɛ̃. Mɑ nɑ bu tusɑ nɡe bũu wi.

Osee 9:10 Iomraidhean Croise

Sinɑmbu I 16:31

U ǹ dɑɑ mɑm yɛ̃ Yeroboɑmu Nɛbɑtin bii u durum kuɑ, wiɡiɑn kpɑ̃ɑrun sɑɑbu. Domi u Yesɑbɛli Etibɑɑlin bii suɑ kurɔ. Etibɑɑli wiyɑ u sɑ̃ɑ Sidoniɡibun sunɔ. Yen biru u mɑɑ dɑ u bũu wi bɑ mɔ̀ Bɑɑli sɑ̃ɑmɔ.

Sinɑmbu II 17:11

Miyɑ bɑ rɑ n yɑ̃kunu mɔ̀, bɑ n turɑre dɔ̃ɔ dokemɔ nɡe bwese tuku ni Yinni Gusunɔn tii u ɡirɑ ben suunu sɔɔn di. Nɡe mɛyɑ bɑ kɑ ɡɑ̃ɑ kɔ̃su dɑbinu kuɑ ni nu Yinni Gusunɔn mɔru seeyɑ.

Womusu 115:8

Be bɑ bwɑ̃ɑroku ni mɔ̀ kɑ be bɑ ben nɑɑnɛ doke ni sɔɔ, bɑ sɑ̃ɑwɑ nɡe ni.

Womusu 81:12

Adɑmɑ bɛɛ nɛn tɔmbu, i ǹ mɑn swɑɑ dɑki, i ǹ mɑɑ mɑn mɛm nɔɔwɛ.

Womu Duro 3:6

wɑrɑ u sɑrɑm wee ɡbɑburun di mɛni nɡe wii tĩɑ. U turɑre ye bɑ mɔ̀ miru kɑ turɑre dɛkɑɡiɑ bwese bwesekɑn nuburu mɔ.

Esɑi 28:4

nɡe dɑ̃ɑ wɛ̃ɛ si su dɛllɑ. Gɑ sɑ̃ɑwɑ nɡe dɑ̃ɑ mɑrum mɛ mu yellu ye, mɑ bɑ yɑnde sɔrɑ bɑ di.

Yeremi 11:13

Bɛɛ Yudɑbɑ, nɡe mɛ bɛɛn wusu su ɡeeru nɛ, nɡe mɛyɑ bɛɛn bũnu nu ɡeeru nɛ. Nɡe mɛ Yerusɑlɛmun swɛɛ yi ɡeeru nɛ, nɡe mɛyɑ yen sɑ̃ɑ yenu nu ɡeeru nɛ, mi i rɑ bũu wi bɑ mɔ̀ Bɑɑli sɑ̃.

Yeremi 24:2

Bire nin teeru tɑ fiɡie bii ɡeenu yibɑ ni nu sɑ̃ɑ nɡe yen mɑrum ɡbiikum. Mɑ teerɑ mɑ bii kɔ̃sunu yibɑ ni nu ǹ diirɔ.

Yeremi 3:24

Wee, sɑɑ bɛsɛn birun di sɑ wɑɑmɔ bũu wi bɑ mɔ̀ Bɑɑli, wiyɑ u bɛsɛn bɑɑbɑbɑn ɡbeɑn dĩɑnu di kpuro, kɑ mɑɑ ben yɑ̃ɑnu kɑ ben kɛtɛbɑ kɑ sere ben bibu. Mɑ bɑ sekuru wɑ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 31:2

Sɑnɑm mɛ bɑ wɑ̃ɑ ɡbɑburɔ, nɑ bu nɛn durom sɔ̃ɔsi, ben be bɑ yɑrɑ tɑbun di, bɑ wee bu wɛ̃rɑ sere kɑ bɑɑdommɑɔ.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Esekiɛli 20:8

Kɑ mɛ, bɑ mɑn seesi bɑ yinɑ bu mɑn swɑɑ dɑki. Ben ɡoo kun bũu ni deri, nì sɔɔ ben kɔdɛ wɑ̃ɑ. Bɑ ǹ Eɡibitin bũu ni deri. Mɑ nɑ bwisikɑ n bu mɔru kpuro seesi n bu wɔri Eɡibitiɔ.

Osee 11:1

Yinni Gusunɔ u nɛɛ, sɑɑ Isirelin bweserun torubun diyɑ nɑ tu kĩɑ. Mɑ nɑ tu yɑrɑmɑ Eɡibitin di nɑ tu sokɑ nɛn bii.

Osee 13:5

Nɑ bu kpɑrɑ sɑɑ mìn di bɑ wɑ̃ɑ ɡbɑburɔ mi ɡɑ̃ɑnu ku rɑ kpi.

Osee 2:15

Kon nùn sɛɛyɑsiɑ yèn sɔ̃ u mɑn deri u bũu wi bɑ mɔ̀ Bɑɑli turɑre dɔ̃ɔ dokeɑmmɛ. Mɑ u win sɑbɑ kɑ win tɑɑminu doke u dɑ u win durɔ tɑnɔbu swĩi. Nɛ, Yinni Gusunɔwɑ nɑ yeni ɡeruɑ.

Osee 4:14

Nɑ ǹ ben bii wɔndiɑ be, kɑ ben biiɡii kurɔ be sɛɛyɑsiɑmɔ ben sekuru sɑri te, kɑ ben sɑkɑrɑ te bɑ mɔ̀n sɔ̃. Domi ben mɔwɔbun tii bɑ sɑkɑrɑru mɔ̀ kɑ kurɔ be bɑ wɑ̃ɑ bũu sɑ̃ɑrun sɔ̃. Mɑ bɑ mɑɑ yɑ̃kunu mɔ̀ sɑnnu kɑ be. Adɑmɑ bɑ n yɛ̃ nɡe mɛ mɔndu ɡɑrɑ ɡeruɑ tɑ nɛɛ, tɔn be bɑ ǹ lɑɑkɑri mɔ, bɑ kɑm kobu dɔɔwɑ.

Osee 4:18

Bɑ̀ n tɑm nɔrɑ bɑ kpɑ, bɑ rɑ n yɑnde dɔɔwɑ bu sɑkɑrɑru ko. Wee ben wiruɡibu bɑ rɑ n kĩwɑ bɑ n wɑ̃ɑ sekuru sɑri kom sɔɔ.

Amɔsu 4:5

I bɛɛn siɑrɑbun yɑ̃kunu koowo kɑ pɛ̃ɛ ye bɑ seeyɑtiɑ doke. Kpɑ i tɔmbu sɔ̃ mɑ i kɛ̃nu kuɑ kɑ kĩru. Domi yerɑ bɛɛ Isirelibɑ i kĩru bo. Nɛ, Yinni Gusunɔwɑ nɑ yeni ɡeruɑ.

Misee 7:1

Misee u nɛɛ, wee nɑ wɔnwɔndu soore nɡe wi u dɑ̃ɑ binu kunɔnu mɔ̀. Mɑ u ǹ ɡɑ̃ɑnu wɑ u di. U ǹ mɑɑ resɛm yebɑ wɑ ye win ɡɔ̃ru ɡɑ kĩ u di.

Gbɑburu 15:39

Bɑ̀ n sɑri yi wɑ, yi sɑ̃ɑre, bɑ koo nɛn woodɑbɑ yɑɑyɑ bu ye mɛm nɔɔwɑ. Sɑɑ ye, bɑǹ mɑɑ ben tiin ɡɔ̃ru kĩru mɔ̀ bu sere ko nɑɑnɛ sɑriruɡibu, bu dɑ bu bũnu ɡɑsiri.

Gbɑburu 18:13

Dĩɑ ɡbiikii ni bɑ kɑ mɑn ɡesi nɑɑwɑ kpuro, nu ko n sɑ̃ɑwɑ wunɛ kɑ wunɛn bibuɡinu. Be bɑ dɛɛre wunɛn yɛnu sɔɔ, berɑ bɑ koo nu di.

Romu 6:21

Are yirɑ̀ i rɑɑ wɑ yè sɔɔ sekurɑ bɛɛ mɔ̀ tɛ̃. Yen wii ɡoberu mɑɑ ɡɔɔwɑ.

Sɔ̃ɔsiru 32:10

Yinni Gusunɔ u bu deemɑ ɡbɑburɔ mi ɡbeeku bɔ̃nu nu ɡberi. Mɑ u bu suɑ u nɔɔri u keu sɔ̃ɔsi. U ben lɑɑkɑri mɔ nɡe win tiin nɔni.

Sɔ̃ɔsiru 32:17

mɑ bɑ nu yɑ̃kuru koosimɔ ni, ni nu ǹ sɑ̃ɑ ɡem. Bɑ ǹ dɑɑ nu yɛ̃, ben bɑɑbɑbɑ bɑ ǹ nu sɑ̃ɑre.

Sɔ̃ɔsiru 4:3

Bɛɛn nɔni yi wɑ ye Gusunɔ bɛsɛn Yinni u kuɑ Bɑɑli Peoriɡiin sɔ̃. U tɔmbu kpeerɑsiɑ kpuro bɛɛ sɔɔ be bɑ dɑ bɑ nùn sɑ̃wɑ.

Kpɑrobu 6:32

Sɑɑ dɔmɑ ten diyɑ bɑ Gedeoni sokɑ Yerubɑɑli yèn sɔ̃ Yoɑsi u nɛɛ, bu de Bɑɑli u kɑ tii yinɑ, domi win yɑ̃ku yerɑ bɑ surɑ.