Osee 8:7 - Bibeli Gusunɔn Gari

⁷ Wee i woo duurɑ, yen sɔ̃nɑ i ko i woo bɔkɔ ɡɛ̃. Mɔndu ɡɑrɑ nɛɛ, dobi bɛm sɑri ku rɑ n som mɔ. I n mɑɑ yɛ̃ mɑ bɛɛn ɡbeɑn dĩɑnu nù n dɑɑ ɡeɑ kuɑ, sɔbɑ bɑ koo nu ɡurɑ.

Osee 8:7 Iomraidhean Croise

Torubu 41:23

Mɑ doo winu nɔɔbɑ yiru ɡɑnu nu mɑɑ yɑrɑ niɔnɔn temɔ ni nu sɑkosu sɑ̃ɑ nu ɡbere sɔ̃ɔ kɑ woon sɔ̃.

Sinɑmbu II 15:19

Yen biru Pulu Asirin sinɑ boko u nɑ u Isirelibɑ wɔri. Yerɑ Mɛnɑhɛmu u nùn sii ɡeesun tɔnnu tɛnɑ wɛ̃ u kɑ wɑ u nùn deri kpɑ u mɑɑ win bɑndu tɑ̃sisiɑ.

Sinɑmbu II 15:29

Pekɑn wɑɑti ye sɔɔrɑ Tiɡilɑti Pilesɛɛ, Asirin sinɑ boko, u Iyoni mwɑ kɑ Abɛli Bɛti Mɑɑkɑ kɑ Yɑnɔɑ, kɑ Kedɛsi kɑ Hɑsori kɑ Gɑlɑdi kɑ Gɑlilen tem kɑ Nɛfitɑlibɑn tem kpuro. Mɑ u tem mi kpuron tɔmbu mwɛɛrɑ u kɑ dɑ Asiriɔ.

Yoobu 4:8

Nɛ, nɑ ɡɑbu wɑɑre, kɔ̃sɑn sɔmburɑ bɑ rɑ n mɔ̀, kpɑ bɑ n weesu swĩi. Mɛyɑ bɑ rɑ mɑɑ ye kpuron ɑre wɑ.

Mɔnnu 22:8

Wi u kɔ̃sɑ duurɑ, kɔ̃sɑ u rɑ ɡɛ̃, kpɑ win dɑm dɔrebu bu kpe.

Wɑɑsu kowo 5:16

Yen biru, u rɑ diwɑ yɑm wɔ̃kuru sɔɔ kpɑ u n wɑ̃ɑ nuku sɑnkirɑnu kɑ wɑhɑlɑ kɑ mɔru bɑkɑ sɔɔ win wɑ̃ɑrun tɔ̃ru kpuro sɔɔ.

Esɑi 17:11

Sɑnɑm mɛ i nu duurɑ, i nu kɑrɑ koosi, mɑ nu seewɑ nu kpɛ̃ɑ fuuku, nu wɛ̃su kuɑ. Adɑmɑ sɑnɑm mɛ i ko i nuku dobu ko i nin mɑrum sɔri, i deemɑ ɡɑ̃ɑnu sɑri. Mɑ n kuɑ nɔni swɑ̃ɑ bɑkɑru te tɑ ǹ kpeemɔ.

Esɑi 55:2

Mbɑn sɔ̃nɑ i bɛɛn ɡobi dimɔ ye yɑ ǹ ɑrufɑɑni mɔ sɔɔ. Mbɑn sɔ̃nɑ i bɛɛn sɔmburun ɑre dimɔ ye yɑ ǹ bɛɛ debumɔ sɔɔ. I mɑn swɑɑ dɑkio kpɑ i wɑ i di ye yɑ ɡeɑ sɑ̃ɑ, kpɑ bɛɛn bwɛ̃rɑ yu yɛmiɑ dĩɑ duronun sɔ̃.

Esɑi 66:15

Wee, nɑ sisi nɑ wɑ̃ɑ dɔ̃ɔ yɑrɑ sɔɔ. Mɑ nɛn tɑbu kɛkɛbɑ bɑ sɑ̃ɑ nɡe woo ɡunɑ. Nɑ wee n nɛn mɔru kɔsiɑ, kpɑ n tɔmbu sɛɛyɑsiɑ kɑ dɔ̃ɔ yɑri.

Yeremi 12:13

Wee bɑ dĩɑnu duurɑ, mɑ sɑ̃ki kpiɑ. Bɑ tii wɑhɑlɑ kuɑ kɑm. Sekurɑ bɑ ɡɑ̃ nɛ, Yinni Gusunɔn mɔrun sɔ̃.

Swĩi 5:2

Bɛsɛn tem mɛ ɑ sun wɛ̃ mu kuɑ ɡɑbuɡim. Tɔn tukobɑ bɑ wɑ̃ɑ bɛsɛn diɑɔ.

Osee 2:9

Bɑɑ ù n dɑɑ yɑrɑ u win durɔ tɑnɔ be nɑɑ ɡirɑ, u ǹ mɑɑ bu nɑɑ turi. Bɑɑ ù n bu kɑsu, u ǹ mɑɑ bu wɑsi. Sɑɑ ye sɔɔrɑ u koo nɛɛ, ǹ n mɛn nɑ, ɑ de n wurɑ nɛn durɔ ɡbiikoon mi, domi nɑ rɑɑ nuku dobu mɔ win mi n kere tɛ̃.

Osee 7:9

Bwese tuku ni, nu bu dɑm mwɑɑrimɔ. Adɑmɑ bɑ ǹ yɛ̃ mɛ. Tɔkɔrɑ bu deemɑmɔwɑ, ɑdɑmɑ bɑ ǹ tubɑ.

Osee 9:16

Nɑ be, Isirelibɑ sɛɛyɑsiɑ. Bɑ sɑ̃ɑ nɡe dɑ̃ɑ te tɑ ɡberɑ nuurun di kpuro. Tɑ ǹ mɑɑ binu mɑrumɔ. Bɑɑ bɑ̀ n mɑɑ bibu mɑrɑ, kon de bii be bɑ kĩ mi, bu ɡbiwɑ.

Nɑhumu 1:3

U ku rɑ toro deri u kun nùn sɛɛyɑsie. Adɑmɑ u ku rɑ mɔru se fuuku. Win dɑm mu kpɑ̃. Ù n sĩimɔ, woo ɡunɑ yɑ rɑ n seewɑwɑ, kpɑ ɡuru winu nu n sɑ̃ɑ nɡe win nɑɑsun tuɑ.

Asee 1:6

Wee i dĩɑnu duurumɔ too, ɑdɑmɑ fiikowɑ i ɡɛ̃ɛmɔ. I dimɔ, ɑdɑmɑ i ǹ debumɔ. I nɔrumɔ, ɑdɑmɑ bɛɛn nɔru kun kpeemɔ. I yɑ̃nu dokemɔ, ɑdɑmɑ nu ǹ bɛɛ wooru ɡirɑmmɛ. Ì n bɛɛn kɔsiɑru mwɑ, tɑ rɑ doonɛwɑ nɡe te bɑ doke bɔɔ ɡɛ̃ɛre sɔɔ.

Gɑlɑti 6:7

I ku tii torɑsiɑ. Bɑ ku rɑ Gusunɔ yɑɑkoru ko. Domi ye tɔnu u duurumɔ, yeyɑ u koo ɡɛ̃.

Gɑlɑti 6:8

Ù n duurumɔ ye win tii tiin dɑɑ yɑ kĩ, kɑm kobɑ yɑ koo nùn mɑruɑ. Ù n mɑɑ duurumɔ ye Gusunɔn Hunde u kĩ, wɑ̃ɑru te tɑ ku rɑ kpewɑ Gusunɔn Hunde koo nùn mɑruɑ.

Sɔ̃ɔsiru 28:33

Bwese tuku ni i ǹ yɛ̃ nu koo nɑ nu bɛɛn tem dĩɑnu kpuro kɑ bɛɛn wɑhɑlɑ ye i kuɑn ɑre di. Bɑ ko n bɛɛ dɑm dɔremɔwɑ kpɑ bɑ n bɛɛ tɑki dimɔ bɑɑdommɑ.