Osee 7:8 - Bibeli Gusunɔn Gari

⁸ Yinni Gusunɔ u mɑɑ nɛɛ, Isirelibɑ bɑ kɑ bwese tukunu mɛnnɑ. Mɑ bɑ kuɑ nɡe kirɑ te bɑ ǹ ɡɔsie.

Osee 7:8 Iomraidhean Croise

Sinɑmbu I 18:21

Mɑ Eli u bu susi u nɛɛ, dommɑ i ko i bɛɛn ɡɔ̃rusu yiru deri. Ǹ n Yinni Gusunɔn nɑ u sɑ̃ɑ kpuron Yinni, i nùn sɑ̃ɑwɔ. Ǹ n mɑɑ Bɑɑlin nɑ, i nùn sɑ̃ɑwɔ. Adɑmɑ tɔn be, bɑ ǹ nùn ɡɑ̃ɑnu ɡɑnu wisɑ.

Ɛsidɑrɑsi 9:1

Ye bɑ dii te bɑnɑ bɑ kpɑ, Isirelibɑn wiruɡibu bɑ mɑn susi bɑ nɛɛ, wee Isirelibɑ kɑ yɑ̃ku kowobu kɑ sere Lefibɑ bɑ ǹ kɑ tem min tɔn be kɑrɑnɛ, domi bɑ Kɑnɑnibɑn komɑ kɑmɡinu sɑɑrimɔ kɑ Mɛdibɑɡinu kɑ Feresibɑɡinu kɑ Yebusibɑɡinu kɑ Amɔnibɑɡinu kɑ Mɔɑbubɑɡinu kɑ Eɡibitiɡibun bũnu kɑ Amɔrebɑɡinu.

Ɛsidɑrɑsi 9:12

Yen sɔ̃, su ku bu bɛsɛn bii wɔndiɑbɑ wɛ̃ bu suɑ kurɔbu. Kpɑ su ku mɑɑ beɡibu suɑ kurɔbu. Mɛyɑ su ku mɑɑ ben dukiɑ ɡɑɑ binɛ ko. Sɑ̀ n yeni mɛm nɔɔwɑ, sɑ ko ko dɑmɡibu kpɑ su tem mɛn dĩɑ ɡeenu di sere su mɑm mu bɛsɛn bibu tubi kereɑ.

Womusu 106:35

Bɑ kɑ nu burinɑwɑ, mɑ nu bu nin kookoosu tie.

Osee 5:13

Mɛyɑ Isirelibɑ bɑ tii bɑrɑru wɑɑsi. Mɑ Yudɑbɑ bɑ ben bosu wɑ. Mɑ Isirelibɑ bɑ ɡɔrɑ Asiriɔ bu kɑ sinɑ boko Yɑrɛbu somiru kɑnɑ. Adɑmɑ u ǹ kpɛ̃ u bu bɛkiɑ u sere nɛɛ, u koo ben bosu kpeesiɑ.

Osee 5:7

Beyɑ bɑ nùn tɔnu kɑndu kuɑ. Domi bɑ dɑ bɑ bii seeɡebɑ mɑrɑ be bɑ ǹ nùn yɛ̃. Tɛ̃, n ǹ tɛɛmɔ u kɑ bu kɑm koosiɑ be kɑ ben ɑrumɑni.

Osee 7:9

Bwese tuku ni, nu bu dɑm mwɑɑrimɔ. Adɑmɑ bɑ ǹ yɛ̃ mɛ. Tɔkɔrɑ bu deemɑmɔwɑ, ɑdɑmɑ bɑ ǹ tubɑ.

Osee 9:3

Isirelibɑ bɑ ǹ sinɑmɔ tem mɛ Yinni Gusunɔ u bu wɛ̃ sɔɔ. Bɑ koo wurɑmɑ Eɡibitiɔ ǹ kun mɛ Asiriɔ. Kpɑ bu dĩɑ sesenuɡinu di mi.

Sofoni 1:5

Be bɑ dii tɛɛri wɔllɔ kperi kɑ suru sɑ̃ɑmɔ kɑ be bɑ bɔ̃rumɔ kɑ nɛ, Yinni Gusunɔn yĩsiru, mɑ bɑ wure bɑ bɔ̃rumɔ kɑ ben bũun yĩsiru, be kpurowɑ kon ɡo.

Mɑlɑsi 2:11

Yudɑbɑ bɑ kuɑ nɑɑnɛ sɑribɑ. Mɑ bɑ durum bɑkɑ kuɑ Yerusɑlɛmuɔ kɑ Isirelin tem kpuro sɔɔ. Domi bɑ Yinni Gusunɔn sɑ̃ɑ yee te u kĩ too disi doke. Mɑ bɑ dɑ bɑ bũuɡibun wɔndiɑbɑ suɑ kurɔbu.

Mɑteu 6:24

Yesu mɑɑ nɛɛ, ɡoo kun kpɛ̃ u yinnibu yiru sɑ̃. U koo turo tusi kpɑ u turo kĩɑ, ǹ kun mɛ, u koo turo tii wɛ̃ kpɑ u turo ɡɛm. I ǹ kpɛ̃ i Gusunɔ kɑ dukiɑ mɛnnɑ i sɑ̃.