Osee 7:16 - Bibeli Gusunɔn Gari

¹⁶ Bɑ ɡɔsirɑ ɡoon mi ɡiɑ. Bɑ sɑ̃ɑ nɡe tɛn te tɑ ǹ ɡeɑ sɑ̃ɑ. Yen sɔ̃, bɑ koo ben wiruɡibu ɡo tɑbu sɔɔ ben ɡɑri kɑm ɡerubun sɔ̃. Yerɑ yɑ koo de bu bu yɛ̃ɛ Eɡibitiɔ.

Osee 7:16 Iomraidhean Croise

Womusu 12:3

Weesɑ bɑɑwure u rɑ n win winsim kuɑmmɛ, u n nùn nɔni wɔ̃kumɔ kɑ ɡɑri dori.

Womusu 12:4

Yinni Gusunɔ, ɑ be bɑ tɔmbu fufu mɔ̀n nɔsu kɔruo. A be bɑ ɡɑri ɡerumɔ kɑ tii suɑbu mɑrisio.

Womusu 12:5

Domi bɑ ɡerumɔ bɑ mɔ̀, bɑ rɑ wɑ ye bɑ kĩ ben nɔɔ dobun sɑɑbu, bɑ ɡɑri ɡerubu yɛ̃, bɑ ǹ ɡoon bɛrum mɔ.

Womusu 17:10

Bɑ nuki sosu bɑ ǹ wɔnwɔndu mɔ. Bɑ ɡɑri mɔ̀ kɑ tii suɑbu.

Womusu 52:2

U ɡu kuɑwɑ sɑnɑm mɛ Dɔɛɡu Edɔmu u nɑ Sɔɔlun mi u kɑ nùn sɔ̃ mɑ Dɑfidi u dɑ Akimɛlɛkin mi. Womu ɡe wee.

Womusu 57:4

Sɑɑ wɔllun diyɑ kɑɑ mɑn somimɑ. Kɑɑ nɛn yibɛrɛbɑ burisinɑ. A mɑn wunɛn bɔrɔkiniru kɑ wunɛn tɔn ɡeeru sɔ̃ɔsimɑ.

Womusu 73:9

bɑ n Gusunɔ wɔllu wɔmmɔ. Mɛyɑ mɑɑ ben yɑrɑ ku rɑ ɡoo deri hɑnduniɑ mi.

Womusu 78:37

Ben ɡɔ̃ru ɡɑ ǹ kɑ nùn wɑ̃ɑ. Bɑ ǹ mɑɑ ben ɑrukɑwɑni yibie.

Womusu 78:57

Bɑ Gusunɔ dɛsirɑri, mɑ bɑ kuɑ nɑɑnɛ sɑribɑ nɡe mɛ ben bɑɑbɑbɑ bɑ rɑɑ kuɑ. Bɑ wururɑ nɡe tɛn tèn kirikɑ yɑ kusirɑ.

Esɑi 3:8

Esɑi u mɑɑ nɛɛ, Yerusɑlɛmu yɑ bɑ̃ɑrimɔ, mɑ Yudɑ yɑ wɔrukumɔ yèn sɔ̃ bɑ Yinni Gusunɔ seesi kɑ ben ɡɑri kɑ ben kookoosu. Bɑ ǹ win bɛrum mɔ.

Yeremi 18:18

Yerɑ tɔn be, bɑ nɛɛ, su Yeremi nɔɔ tiɑ kuɑ su nùn mwɑ. Domi woodɑ kun ɡbimɔ bɑɑ yɑ̃ku kowobu bɑ̀ kun wɑ̃ɑ. Bwisi kun kpeemɔ bɑɑ bwisiɡibu bɑ̀ kun wɑ̃ɑ. Gusunɔn ɡɑri kun ɡbimɔ yèn sɔ̃ win sɔmɔbɑ sɑri. Ǹ n mɛn nɑ, i nɑ su nùn wɔri su yɑɑ kɑsiki, kpɑ su ku mɑɑ win ɡɑri nɔ su sere yi lɑɑkɑri ko.

Yeremi 42:18

Yeremi u nɛɛ, wee ye Gusunɔ, Isirelibɑn Yinni wi u wɔllu kɑ tem mɔ u ɡeruɑ. U nɛɛ, nɡe mɛ u Yerusɑlɛmuɡibu win mɔru seesi, nɡe mɛyɑ u koo mɑɑ bɛɛ ye seesi, ì n dɑ Eɡibitiɔ. Sɑɑ ye sɔɔrɑ bɑ ko n dɑ kɑ bɛɛn yĩsiru tɔmbu bɔ̃rusi, ǹ kun mɛ, bu kɑ ɡoo ɡɑ̃ɑ kɔ̃sunu sie, kpɑ bu bɛɛ ɡɛm i seku bɑkɑru wɑ kpɑ i kun mɑɑ sinɛ tem mɛ sɔɔ.

Esekiɛli 23:32

Nɛ, Yinni Gusunɔ nɑ mɑɑ nɛɛ, kɑɑ kɑ nɔrɑ ye nɔ ye wunɛn mɔɔ u kɑ nɔrɑ. Nɔrɑ ye, yɑ yɑsu, yɑ mɑɑ dɛ̃u. Yerɑ yɑ koo de bu nun yɛ̃ɛ bu yɑɑkoru koosi. Nɔrɑ ye, yɑ nɛn mɔru yibɑwɑ sere kɑ nɔɔwɔ.

Esekiɛli 36:20

Ye bɑ wɑ̃ɑ bwese nin mi, ni bɑ tii wɛ̃, miyɑ bɑ nɛn yĩsi dɛɛrɑ te sɑnkɑ sere tɔmbɑ mɔ̀, Yinni Gusunɔn tɔmbɑ. Win tem diyɑ bɑ yɑrimɑ.

Dɑniɛli 7:25

Sunɔ wi, u koo Wɔrukoo ɡɑri kɑm ɡerusi kpɑ u win tɔn dɛɛrobu nɔni sɔ̃. U ko n mɑɑ kĩ u sɑɑbɑ kɑ woodɑbɑ kɔsi. Bɑ koo nùn tɔn dɛɛrobu nɔmu sɔndiɑ sere sɑɑ itɑ kɑ bɔnu.

Osee 11:5

Adɑmɑ bɑ yinɑ bu nɑ nɛn mi. Yen sɔ̃nɑ nɑ nɛɛ, bɑ koo dɑ Eɡibitiɔ kpɑ Asiriɡii u ko ben sunɔ.

Osee 11:7

Wee nɛn tɔmbu bɑ yɔ̃rɑri bu kɑ mɑn tondɑ. Bɑ bu sokɑ bu ɡɔ̃ru ɡɔsiɑ bu wurɑmɑ nɛ, Wɔrukoon mi. Adɑmɑ ben ɡoo kun wure.

Osee 6:4

Yinni Gusunɔ u nɛɛ, bɛɛ Yudɑbɑ kɑ Isirelibɑ, mbɑ kon bɛɛ kuɑ. Wee bɛɛn kĩru nɛn sɔ̃ tɑ sɑ̃ɑwɑ nɡe bururun kɑkoru ǹ kun mɛ nɡe dirum mɛ mu rɑ yɑrinɛ fuuku.

Osee 7:13

Bɑ kɑm kuɑwɑ mi, domi bɑ mɑn dukɑ suurimɔ. Bɑ mɑn seesi, bɑ mɑn weesu kuɑ. N deemɑ nɛnɑ kon dɑɑ bu fɑɑbɑ ko.

Osee 9:3

Isirelibɑ bɑ ǹ sinɑmɔ tem mɛ Yinni Gusunɔ u bu wɛ̃ sɔɔ. Bɑ koo wurɑmɑ Eɡibitiɔ ǹ kun mɛ Asiriɔ. Kpɑ bu dĩɑ sesenuɡinu di mi.

Osee 9:4

Sɑɑ ye sɔɔ, bɑ ǹ mɑɑ kpɛ̃ bu yɑ̃kuru ko kɑ tɑm. Bɑɑ bɑ̀ n tu kuɑ, tɑ ǹ Gusunɔ wɛ̃remɔ. Ben yɑ̃ku dĩɑnu nu ko n sɑ̃ɑwɑ nɡe ɡɔɔ dĩɑnu. Wi u nu di, u koo disi duurɑwɑ. Dĩɑ ni, nu koo win ɡɔ̃ɔru kpeesiɑ. Adɑmɑ bɑ ǹ kɑ ye duɔ Yinni Gusunɔn sɑ̃ɑ yerɔ.

Osee 9:6

Ì n bɛɛn yɛnusu deri bɑnsu, Eɡibitiɡibɑ koo bɛɛ dɑm koosiɑ ben mi. Adɑmɑ yen wuu ɡe bɑ mɔ̀ Mɛnfisi ɡɑ ko n sɑ̃ɑwɑ nɡe bɛɛn sikiru. Awĩi yi koo bɛɛn ɑrumɑni di. Kpɑ sɑ̃ki yi kpi bɛɛn kunɔ.

Mɑlɑsi 3:13

Yinni Gusunɔ u nɛɛ, bɛɛn ɡɑri kun do yi i mɑn ɡerusimɔ. Mɑ i mɔ̀, mbɑ i mɑn ɡerusi.

Mɑlɑsi 3:14

I ɡeruɑ i nɛɛ, kɑm sɔɔrɑ i mɑn sɑ̃ɑmɔ. Arufɑɑni yerɑ̀ i wɑ ye i nɛn woodɑbɑ mɛm nɔɔwɑ, mɑ i nuki sɑnkirɑ i nɔɔ bɔkuɑ i kɑ nɛ Gusunɔ wɔllu kɑ tem Yinnin nɔnu ɡeu wɑ.

Mɑteu 12:36

Nɑ bɛɛ sɔ̃ɔmɔ ɡɑri kpuro yi tɔmbɑ ɡerumɔ, yi sɔɔrɑ bɑ koo bu siri siribun sɑnɑm.

Luku 8:13

Kpee sɑɑrɑ yɑ sɑ̃ɑwɑ nɡe tɔn be bɑ rɑ ɡɑri yi mwɛ kɑ nuku dobu sɑnɑm mɛ bɑ yi nɔɔmɔ, ɑdɑmɑ bɑ ǹ ɡbini mɔ. Bɑ rɑ nɑɑnɛ dokewɑ sɑɑ fiiko sɔɔ, kpɑ bu biru wurɑ lɑɑkɑri mɛɛribun sɑnɑm.

Yɑkɔbu 3:5

Nɡe mɛyɑ yɑrɑ yɑ sɑ̃ɑ ɡɑ̃ɑ piibu wɑsi sɔɔ. Adɑmɑ yɑ rɑ woo kɑnɛ ɡɑ̃ɑ bɑkɑnun sɔ̃. I mɛɛrio nɡe mɛ dɔ̃ɔ yɛ̃ɛ piibu ɡɑ koo kpĩ ɡu dɑ̃ɑ sube bɑkɑru dɔ̃ɔ mɛni.

Piɛɛ II 2:8

Domi durɔ wi, u sɑ̃ɑ tɔn ɡeo tɔn ben suunu sɔɔ. Yɑm sɑ̃reru bɑɑteren kɔ̃sɑ ye u wɑɑmɔ kɑ ye u nɔɔmɔ yɑ win ɡɔ̃ru dɛɛrɔ tɔ̃yɑ mɔ̀.

Kɑ̃siru 13:5

Bɑ derɑ ɡbeeku yɑɑ ye, yu woo kɑnɑ ɡɑri kɑ ɡɑri kɑm ɡere, bɑ mɑɑ ye yiiko kɑ̃ yu kɑ yeɡiru ko suru weeru, kɑ yiru.