Osee 7:10 - Bibeli Gusunɔn Gari

¹⁰ Ben tii suɑbu sɔ̃ɔsirɑmɔ. Domi bɑ ǹ ɡɔsirɑmɛ nɛ Gusunɔ ben Yinnin mi. Kɑ yen de kpuro, bɑ ǹ mɑn kɑsu.

Osee 7:10 Iomraidhean Croise

Womusu 10:4

Ben tii suɑbu sɔɔ, bɑ rɑ nɛɛ, Gusunɔ sɑri, u ǹ bikiɑmɔ ye bɑ mɔ̀.

Womusu 14:2

Yinni Gusunɔ u tɔmbu mɛɛrimɑ sɑɑ wɔllun di, u kɑ wɑ ɡoo ù n wɑ̃ɑ u bwisi mɔ, u kɑ wɑ ɡoo ù n wɑ̃ɑ u nùn sɑ̃ɑmɔ.

Womusu 53:2

Wee nɡe mɛ ɡɑri bɑkɑsu su sɑ̃ɑ. Su rɑ nɛɛ, Gusunɔ sɑri. Su sɑnkire. Su kom kɔ̃sum mɔ̀. Sin ɡɑɡu sɑri ɡe ɡɑ ɡeɑ mɔ̀.

Mɔnnu 27:22

Bɑɑ ɑ̀ n ɡɑri bɔkɔ doke sorɔ ɑ sunɑ nɡe dĩɑ bimɑ, win ɡɑri bɑkɑrɑ kun kpeemɔ.

Esɑi 9:12

Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

Esɑi 9:13

Yen sɔ̃nɑ u koo Isirelibɑn wiru kɑ ben siru burɑ sɔ̃ɔ teerun sɔ̃ɔ.

Yeremi 3:3

Yen sɔ̃nɑ ɡurɑ kun tɑ̃rɑmɔ bu sere nɛɛ, yɑ koo nɛ. Adɑmɑ kɑ mɛ, i bũnu ɡɑsirimɔ i dɔɔwɑ. Sekurɑ kun bɛɛ mɔ̀.

Osee 13:14

Kon bu wunɑ sɑɑ ɡɔribun wɑ̃ɑ yerun dɑm di. Kpɑ n bu yɑkiɑ ɡɔɔn nɔmɑn di. Gɔɔ, ɑ nɑ kɑ wunɛn bɑrɑ te ɑ rɑ kɑ tɔnu ɡo. Gɔribun wɑ̃ɑ yeru, ɑ nɑ kɑ wunɛn kɑm kootiɑ. Domi nɑ ǹ mɑɑ ben wɔnwɔndu mɔ̀.

Osee 5:5

Isirelibɑn tii suɑbu bu sɔ̃ɔsimɔ mɛ bɑ sɑ̃ɑ. Bɑ koo wɔrumɑ ben durum sɔ̃. Yudɑbɑn tii bɑ koo wɔrumɑ kɑ be sɑnnu.

Osee 6:1

Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

Osee 7:7

Be kpuro bɑ sumwɑ nɡe dɔ̃ɔ. Bɑ rɑ ben kpɑrobu ɡowɑ kpɑ ben sinɑmbu bɑ n wɔrukumɔ tiɑ tiɑ. Adɑmɑ ben ɡoo ku rɑ mɑɑ mɑn somiru kɑnɛ.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Sɑkɑri 1:4

I ku kɑ bɛɛn bɑɑbɑbɑ weenɑ be nɛn sɔmɔ ɡbiikobu bɑ nɛn ɡɑri sɔ̃ɔwɑ bɑ nɛɛ, bu ben dɑɑ kɔ̃sɑ derio. Adɑmɑ bɑ ǹ sɔmɔ be swɑɑ dɑki bu sere mɑn mɛm nɔɔwɑ.

Romu 3:11

Goo sɑri wi u bwisi mɔ. Goo sɑri wi u Gusunɔ kɑsu.