Osee 6:4 - Bibeli Gusunɔn Gari

⁴ Yinni Gusunɔ u nɛɛ, bɛɛ Yudɑbɑ kɑ Isirelibɑ, mbɑ kon bɛɛ kuɑ. Wee bɛɛn kĩru nɛn sɔ̃ tɑ sɑ̃ɑwɑ nɡe bururun kɑkoru ǹ kun mɛ nɡe dirum mɛ mu rɑ yɑrinɛ fuuku.

Osee 6:4 Iomraidhean Croise

Yeremi 3:19

Nɛ, Yinni Gusunɔ nɑ ɡeruɑ nɑ nɛɛ, kon dɑɑ bɛɛ Isirelibɑ kowɑ nɛn bii kĩnɑsibu, kpɑ n bɛɛ tem ɡem wɛ̃ mɛ mu burɑm bo hɑnduniɑ yeni sɔɔ. Nɑ rɑɑ tɑmɑɑ i ko mɑn sokuwɑ bɛɛn Bɑɑbɑ, kpɑ i ku mɑɑ mɑn deri.

Yeremi 34:15

Wee tɛ̃ bɑ wurɑmɑ ben dɔɔ sɔɔ mɑ bɑ ɡeɑ kuɑ nɛn nɔni sɔɔ. Domi bɑ nɔɔ tiɑ kuɑ bɑ nɛɛ, bɑɑwure wi u yoo mɔ u nùn kɑro u n tii mɔ. N deemɑ nɛn sɑ̃ɑ yerɔwɑ bɑ nɔɔ tiɑ kuɑ.

Yeremi 5:23

Adɑmɑ be, nɛn tɔmbu, bɑ sɑ̃ɑwɑ mɛm nɔɔ sɑribɑ. Bɑ rɑ kɑ mɑn mɔru ko kpɑ bu mɑn deri.

Yeremi 5:7

Yinni Gusunɔ u nɛɛ, mbɑn sɔ̃nɑ kon nɛn tɔmbun durum wɔkɑ. Domi wee, bɑ mɑn deri mɑ bɑ bɔ̃rumɔ kɑ bũnun yĩsinu. Nɑ bu debiɑ, ɑdɑmɑ bũnɑ bɑ kɑ ɑrukɑwɑni bɔkuɑ bɑ nu ɡɑsirimɔ.

Yeremi 5:9

Mbɑn sɔ̃nɑ nɑ ǹ ko n bwese teni mɔru kɔsie, kpɑ n tu sɛɛyɑsiɑ yenin sɔ̃.

Yeremi 9:7

Wee, tɔn ben yɑrɑ yɑ sɑ̃ɑwɑ nɡe sɛ̃ɛ dɛ̃ɛɡuu ɡe ɡɑ rɑ ɡo. Weesɑ bɑ rɑ n mɔ̀, kpɑ bɑ n ben berusebu bɔri yɛndun ɡɑri sɔ̃ɔmɔ. Adɑmɑ ben ɡɔ̃ruɔ, yinɑ bɑ rɑ n bu bɛrie.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Osee 13:3

Yen sɔ̃nɑ bɑ koo doonɑ nɡe bururun kɑkoru ǹ kun mɛ nɡe dirum. Bɑ sɑ̃ɑ nɡe yɑkɑ si bɑ ɡurɑ bɑ yɑri doo soo yerun di su kɑ woo doonɔ ǹ kun mɛ nɡe wii si su yɑrimɔ ɡbɑburun di.

Osee 7:1

kpɑ n bu bɛkiɑ, sɑɑ yerɑ ben durum mɑɑ sɔ̃ɔsirɑ Sɑmɑriɔ. Gbɛnɔbu bɑ dumɔ diɑɔ bɑ ɡbɛnimɔ. Mɑ ben ɡɑbɑ yibɑ swɛɛ sɔɔ.

Mɑteu 13:21

Adɑmɑ bɑ ǹ derimɔ yi ɡbini ko ben ɡɔ̃ruɔ. Mɑ bɑ ǹ yɔ̃rɑmɔ n kɑ tɛ. Sɑnɑm mɛ wɑhɑlɑ ǹ kun mɛ nɔni swɑ̃ɑrɑ tunumɑ ɡɑri yin sɔ̃ kpɑ bu biru wurɑ yɑnde.

Kpɑrobu 3:12

Otiniɛlin biru, Isirelibɑ bɑ mɑɑ kɔ̃sɑ kuɑ Yinni Gusunɔn wuswɑɑɔ. Mɑ u Mɔɑbun sinɑ boko Eɡoloni dɑm wɛ̃, u nùn Isirelibɑ nɔmu bɛriɑ.