Osee 6:10 - Bibeli Gusunɔn Gari

¹⁰ Nɑ ɡɑ̃ɑ kɔ̃sunu wɑ Isireliɔ, niyɑ bɑ bũnu ɡɑsirimɔ, bɑ tii disi dokemɔ nɡe sɑkɑrɑ kowo.

Osee 6:10 Iomraidhean Croise

Sinɑmbu I 12:8

Adɑmɑ Roboɑmu wi, u ǹ bukuro ben ɡɑri wure. Win sɑɑrɑsi kɑ be u biru di sɑnnu, berɑ u bwisi bikiɑ.

Sinɑmbu I 15:30

Yeni yɑ koorɑwɑ Yeroboɑmun durum sɔ̃ kɑ yèn sɔ̃ u Isirelibɑ doke torɑru sɔɔ. Mɑ bɑ Gusunɔ ben Yinnin mɔru seeyɑ.

Sinɑmbu II 17:7

Yeni yɑ koorɑ yèn sɔ̃ Isirelibɑ bɑ torɑ bɑ bũnu sɑ̃ɑmɔ Yinni Gusunɔn wuswɑɑɔ wi, wi u bu yɑrɑ sɑɑ Eɡibitin sunɔn nɔmɑn di.

Yeremi 18:13

Yinni Gusunɔ u nɛɛ, Isirelibɑ bɑ ɡɑ̃ɑ kɔ̃sunu kuɑ n sɑrɑ. I bwesenu kpuro bikio, wɑrɑ u yenin bweseru nɔɔre.

Yeremi 23:14

Adɑmɑ kom kɔ̃sum mɛ nɑ wɑ Gusunɔn sɔmɔbun suunu sɔɔ Yerusɑlɛmuɔ, mu beɔnɔɡim kere. Bɑ sɑ̃ɑwɑ sɑkɑrɑ kowobu, mɑ bɑ weesu mɔ̀, bɑ tɔn kɔ̃sobu dɑm kɛ̃mɔ bu ku kɑ ben kom kɔ̃sum deri, mɑ nɑ be kpuro ɡɑrisi nɡe Sodomu kɑ Gomɔrɑn tɔmbu.

Yeremi 3:6

Yudɑbɑn sinɑ boko Yosiɑsin wɑɑti sɔɔ, Yinni Gusunɔ u Yeremi sɔ̃ɔwɑ u nɛɛ, ɑ wɑ ye Isirelibɑ bɑ mɔ̀? Bɑ sɑ̃ɑwɑ mɛm nɔɔ sɑribɑ. Wee, bɑ dɑ mi ɡunɡunu kɑ dɑ̃ɑ kubenu wɑ̃ɑ kpuro, bɑ bũnu sɑ̃ɑmɔ.

Esekiɛli 23:5

Oholɑ wi, u kuɑ nɑɑnɛ sɑriruɡii, u kurɔ tɑnɑru wɔri. Mɑ u Asiriɡibu kĩɑ too too be bɑ wɑ̃ɑ win bɔkuɔ.

Esekiɛli 23:7

Beyɑ Oholɑ u tii wɛ̃. Be bɑ sɑ̃ɑ Asirin wiruɡibu mi, be kpurowɑ u kɑ sɑkɑrɑru kuɑ. U bu kĩɑ too sere u ben bũnu sɑ̃wɑ.

Osee 4:11

Yinni Gusunɔ u nɛɛ, sɑkɑrɑru kɑ tɑmɑ mu nɛn tɔmbun wiru ɡɔsiɑ.

Osee 4:12

Dɑ̃ɑ kukun miyɑ bɑ rɑ bikiɑru de ɡu kɑ bu ɡɑri sɔ̃. Bũu ɡɑsiribu derɑ bɑ kɔ̃ɔrɑ mɑ bɑ kɑ mɑn tondɑ.

Osee 4:17

Isirelibɑ bɑ bũnu sɑ̃ɑmɔ. A bu derio mi.

Osee 5:3

Nɑ Isirelibɑ yɛ̃wɑ sɑ̃ɑ sɑ̃ɑ. Ben ɡoo kun mɑn berue. Wee bɑ dɑ bɑ bũnu ɡɑsirɑ bɑ tii disi doke.