Osee 5:9 - Bibeli Gusunɔn Gari

⁹ Gɑri ɡeeyɑ nɑ Isirelibɑ sɔ̃ɔmɔ. Dɔmɑ te kon bu sɛɛyɑsiɑ, bɑ koo kɑm kowɑ.

Osee 5:9 Iomraidhean Croise

Yoobu 12:14

Ye u sɑnkɑ kpuro, ɡoo kun kpɛ̃ u ye sɔmɛ. Wi u mɑɑ mwɑ u pirisɔm doke, ɡoo kun kpɛ̃ u yɛ̃ro yɑrɑ.

Esɑi 37:3

Ye bɑ turɑ mi, bɑ nùn sɔ̃ɔwɑ bɑ nɛɛ, ɑmɛniwɑ Esekiɑsi u ɡeruɑ. U nɛɛ, ɡisɔn tɔ̃ɔ te, nuku sɑnkirɑnu sɔɔrɑ sɑ wɑ̃ɑ. Bɑ sun sɛɛyɑsiɑmɔ mɑ bɑ sun doke sekuru sɔɔ. Gisɔn wɑhɑlɑ ye, yɑ sɑ̃ɑwɑ nɡe tɔn kurɔ wi u yiire u kĩ u mɑ, ɑdɑmɑ u ǹ dɑm mɔ u kɑ wɛ̃mɑ.

Esɑi 46:10

Nɑ ɡeruɑ yellun di ye yɑ koo koorɑ. Nɑ nɛɛ, nɛn himbɑ ye nɑ yi, yɑ koo koorɑ. Kon mɑɑ nɛn kĩru kpuro yibiɑ.

Esɑi 48:3

Sɑɑ yellun di, nɑ derɑ bɑ ɡɑ̃ɑ ɡbiikinun ɡɑri ɡeruɑ. Bɑ yi ɡeruɑ i nuɑ. Mɑ nɑ derɑ yi koorɑ subɑru sɔɔ.

Esɑi 48:5

Yen sɔ̃nɑ nɑ bɛɛ yeni kpuro nɔɔsiɑ sɑɑ yellun di. Nɑ bɛɛ ye nɔɔsiɑwɑ yu sere tunumɑ, kpɑ i ku rɑ kɑ ɡere i nɛɛ, bɛɛn bũuwɑ u ye koosiɑ. Ǹ kun mɛ i nɛɛ, bɛɛn bwɑ̃ɑroku ɡe i kuɑ kɑ sii ɡɑndu ǹ kun mɛ kɑ dɑ̃ɑ, ɡerɑ ɡɑ yen woodɑ wɛ̃.

Esɑi 7:16

Bii wi, u sere sɑɑ ye turi, sinɑmbu yiru ye ɑ nɑsie mi, ben tem mu koo ko bɑnsu.

Osee 5:12

Nɑ kon bu di nɡe ɡɛmi. Kpɑ nɑ n Yudɑbɑ wɑhɑlɑ mɔ̀ nɡe bɑrɑ te tɑ kukunu temmɔ.

Osee 5:14

Nɑ ko n sɑ̃ɑwɑ nɡe ɡbee sunɔ Isirelibɑ kɑ Yudɑbɑn sɔ̃. Kon bu wɔri n yɑɑku kpɑ n bu suɑ n kɑ doonɑ. Goo sɑri wi u koo bu wɔrɑ sɑɑ nɛn nɔmɑn di.

Osee 7:12

Adɑmɑ bɑ̀ n swɑɑ wɔri nɑ rɑ bu tɑɑ bɛriewɑ n bu mwɛɛri nɡe ɡunɔsu. Kpɑ n bu sɛɛyɑsiɑ nɡe mɛ bɑ bu nɔɔsiɑ.

Osee 8:8

Isirelibɑ bɑ derɑ bɑ bu mwɛ. Be wee bwesenu sɔɔ nɡe weke te ɡoo kun mɑɑ kĩ.

Osee 9:7

Sɑɑ yɑ turɑ yè sɔɔ Yinni Gusunɔ u koo siri. Sɑɑ yɑ tunumɑ yè sɔɔ u koo bɑɑwure kɔsiɑ ye u kuɑ. Bɛɛ Isirelibɑ i ko ye wɑ. Wee bɛɛn torɑnu kɑ bɛɛn tusirun kpɑ̃ɑrun sɔ̃, i rɑ n tɑmɑɑ Gusunɔn sɔmɔ u wiirɑwɑ. Wi, wi Yinni Gusunɔ u kɑ ɡɑri kuɑ u tɑm nɔrɑwɑ. N deemɑ bɛɛ, i torewɑ n kpɑ̃, mɑ i nùn tusɑ.

Amɔsu 3:7

Aɑwo, nɑ ku rɑ ɡɑ̃ɑnu ɡɑnu ko nɑ kun yè nɛn sɔmɔ sɔ̃ɔwɑ.

Amɔsu 7:17

Wee ye Yinni Gusunɔ u ɡeruɑ. U nɛɛ, wunɛn kurɔ u koo sɑkɑrɑru ko wuu sɔɔ, kpɑ bu wunɛn bibu ɡo tɑbu sɔɔ, kpɑ bu wunɛn ɡberu bɔnu ko, domi wunɛn tii kɑɑ ɡbi tem tukumɔ mi n tomɑ, mi bɑ koo kɑ Isirelibɑ dɑ bu yoru di.

Amɔsu 7:9

Kon ben sikɑdo Isɑkin bũu turɑnu kɔsuku, kpɑ n Isirelin sɑ̃ɑ yenu suriri, kpɑ n Yeroboɑmun bɑndu surɑ kɑ tɑkobi n tu kpeerɑsiɑ.

Misee 6:13

Tɛ̃, nɑ sɔɔru kpɑ n kɑ bɛɛ sɛ̃suku bɛɛn durum sɔ̃, kpɑ i kɑm ko.

Sɑkɑri 1:6

Aɑwo, bɑ ɡu. Kɑ mɛ, woodɑ kɑ ɡɑri yi nɑ nɛn sɔmɔ be wɛ̃, bɑ yi bɛɛn bɑɑbɑbɑ sɔ̃ɔwɑ, mɑ bɑ ɡɔ̃ru ɡɔsiɑ bɑ nɛɛ, nɛ Gusunɔ wɔllu kɑ tem Yinni nɑ bu kuɑ nɡe mɛ nɑ ɡɔ̃ru doke ben dɑɑ kɔ̃sɑn sɔ̃.

Yohɑnu 16:4

Adɑmɑ nɑ bɛɛ ɡɑ̃ɑ nini sɔ̃ɔmɔwɑ, dɔmɑ te nin sɑɑ yɑ turɑ kpɑ i kɑ yɑɑyɑ mɑ nɑ rɑɑ bɛɛ nu sɔ̃ɔre. Yesu mɑɑ nɛɛ, nɑ ǹ dɑɑ bɛɛ ɡɑ̃ɑ nini sɔ̃ɔwɑ sɑɑ yellun di yèn sɔ̃ nɑ wɑ̃ɑ kɑ bɛɛ sɑnnu.