Osee 5:8 - Bibeli Gusunɔn Gari

⁸ Yinni Gusunɔ u nɛɛ, i tɑbun kɔbɑ soowo Gibeɑɔ kɑ Rɑmɑɔ. I tɑbun wurenu koowo Betɛli Afɛniɔ. Bɛɛ Bɛnyɑmɛɛbɑ, tɑbu durɔbɑ wee bɛɛn birun di.

Osee 5:8 Iomraidhean Croise

Sɑmuɛli II 21:6

nɡe mɛyɑ ɑ mɑɑ sun win bweseru sɔɔ tɔn durɔbu nɔɔbɑ yiru yɑro ɑ sun bu nɔmu bɛriɑ, kpɑ su kɑ bu dɑ su sɑ̃ɑrusiɑ Yinni Gusunɔn wuswɑɑɔ Gibeɑɔ, wi, Sɔɔlu wi Yinni Gusunɔ u rɑɑ ɡɔsɑn tiin wuuɔ. Mɑ sinɑ boko u bu wisɑ u nɛɛ, kon bɛɛ bu nɔmu bɛriɑ.

Sinɑmbu I 12:29

Mɑ u ɡen teu yi Betɛliɔ, teu mɑɑ Dɑnuɔ.

Esɑi 10:29

Bɑ kokɑ bɑ doonɑ mɑ bɑ dɑ bɑ kpunɑ Gebɑɔ. Yerɑ Rɑmɑ yɑ diirumɔ. Mɑ Sɔɔlu Isirelibɑn sinɑ boko yerukoon wuu ɡe bɑ mɔ̀ Gebɑn tɔmbu bɑ duki yɑkikirɑ.

Yeremi 4:5

Yeremi u nɛɛ, i Yudɑbɑ sɔ̃ɔwɔ kpɑ i ɡbɑ̃rɑ Yerusɑlɛmuɔ. I kɔbɑ soowo tem mɛ kpuro sɔɔ. I nɔɔɡiru suo kɑ dɑm i nɛɛ, bu mɛnnɑmɑ bu dɑ wuu si su ɡbɑ̃rɑnu mɔ sɔɔ.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Osee 10:5

Kpɑ Sɑmɑriɡii be bɑ nɑɑ buu wurɑɡuu sɑ̃ɑmɔ ɡe ɡe wɑ̃ɑ Betɛli Afɛniɔ bu nɑndɑ kpɑ bu ɡɔɔ sinɑ ɡen sɔ̃. Gen yɑ̃ku kowobu bɑ koo diiri bɑ̀ n wɑ ɡen bɛɛrɛ yɑ kpɑ.

Osee 4:15

Isirelibɑ bɑ bũnu ɡɑsirimɔ, ɑdɑmɑ Yudɑbɑ bu ku rɑɑ bu swĩi. Bu ku dɑ Giliɡɑliɔ ǹ kun mɛ Betɛli Afɛniɔ bu kɑ yɑ̃kunu ko kpɑ bɑ n bɔ̃rumɔ bɑ n mɔ̀, sere kɑ Yinni Gusunɔn wɑ̃ɑru.

Osee 8:1

Yinni Gusunɔ u nɛɛ, i kɔbɑ soowo. Wee yibɛrɛbɑ bɑ nɛn sɑ̃ɑ yeru wuusimɑ nɡe kɑsi. Domi Isirelibɑ bɑ nɛn ɑrukɑwɑni kusiɑ. Mɑ bɑ nɛn sɔ̃ɔsiru yinɑ.

Osee 9:9

Wee i dɑ i kɔ̃sɑ kuɑ nɡe mɛ i rɑɑ kuɑ Gibeɑɔ. Yinni Gusunɔ kun bɛɛn torɑnu duɑri. U koo bɛɛ sɛɛyɑsiɑ nin sɔ̃.

Yoɛli 2:1

I kɔbɑ soowo Siɔniɔ. I de bu ye nɔ Yinni Gusunɔn ɡuu dɛɛrɑru mi. Bɛɛ be i wɑ̃ɑ tem mɛ sɔɔ kpuro, i diirio bɛrum sɔ̃. Domi Yinni Gusunɔn mɔrun tɔ̃rɑ wee. Wee tɑ mɑm turuku kuɑ.

Yoɛli 2:15

I kɔbɑ soowo Siɔniɔ. I tɔmbu mɛnnɔ, kpɑ i nɔɔ bɔkurun tɔ̃ru yi.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Yosue 7:2

Yerɑ Yosue u tɔmbu ɡɔrɑ Yerikon di Ayiɔ, ye yɑ wɑ̃ɑ Bɛti Afɛnin bɔkuɔ, Betɛlin sɔ̃ɔ yɑri yeru ɡiɑ. U bu sɔ̃ɔwɑ u nɛɛ, i doo i tem mɛn sɑriɑ mɛɛri. Mɑ bɑ dɑ bɑ Ayin sɑriɑ mɛɛrɑ.

Kpɑrobu 5:14

Be bɑ Amɑlɛkibɑ kɑmiɑ, bɑ nɑ Efɑrɑimubɑn tem di. Bɛnyɑmɛɛbɑ bɑ mɑɑ bu swĩi. Wiruɡibɑ nɑ Mɑkirin bweserun di. Tɑbu sinɑmbɑ mɑɑ nɑ Sɑbulonibɑn min di.

Sɑmuɛli I 15:34

Yen biru Sɑmuɛli u dɑ Rɑmɑɔ, Sɔɔlu mɑɑ dɑ win yɛnuɔ Gibeɑɔ.

Sɑmuɛli I 7:17

Yen biru kpɑ u wurɑ Rɑmɑɔ mi win tɔmbɑ wɑ̃ɑ, u bu siribu kuɑ. U mɑɑ Yinni Gusunɔ yɑ̃ku yeru kuɑ mi.

Sɑmuɛli I 8:4

Mɑ Isirelibɑn ɡuro ɡurobu kpuro bɑ mɛnnɑ bɑ dɑ Sɑmuɛlin mi Rɑmɑɔ.