Osee 4:3 - Bibeli Gusunɔn Gari

³ Yen sɔ̃nɑ nɛ, Yinni Gusunɔ, kon de tem mɛ, mu ɡberɑ. Bɛɛ be i wɑ̃ɑ mi kpuro, i ko woorɑwɑ sɑɑ ɡbeeku yɛɛn di n kɑ dɑ ɡunɔsɔ kɑ wɛɛyɔ, ye kpurowɑ yɑ koo kɑm ko.

Osee 4:3 Iomraidhean Croise

Esɑi 33:9

Wee tɔmbu bɑ ben ɡbeɑ deri. Libɑnin dɑ̃ɑ sɔ̃su su ɡberɑmɔ. Mɑ Sɑronin tem ɡem mu kuɑ yɑni sɛɛri. Bɑsɑnin berɑ ɡiɑ kɑ ɡuu te bɑ mɔ̀ Kɑɑmɛliɔ dɑ̃nun wurusu dɛllɑmɔ.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Yeremi 23:10

tɔmbɑ yibɑ tem mɛ sɔɔ, be bɑ sɑkɑrɑru mɔ̀. Kɔ̃sɑ bɑ nɑɑ ɡire. Miyɑ ben dɑm mu wɑ̃ɑ. Yen sɔ̃nɑ tem mɛ, mu sɑnkire, mɑ mɛn kpɑrɑ yee ni nu wɑ̃ɑ ɡbɑburun berɑ ɡiɑ nu ɡberɑ. Domi u mu bɔ̃rusi.

Yeremi 4:25

Nɑ mɑɑ mɛɛrɑ nɑ wɑ wee, tɔnu sɑri tem sɔɔ. Mɑ ɡunɔsu su yɑrinɑ kpuro.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Yeremi 9:9

Yeremi u nɛɛ, kon ɡuunu kɑ mi bɑ rɑ rɑɑ yɑɑ sɑbenu kpɑre swĩiyɑ. Domi nu ɡberɑ, ɡoo ku rɑ mɑɑ sɑre mi, bɑ ku rɑ mɑɑ yɑɑ sɑbenun wuri nɔ mi. Mɑ ɡunɔsu kɑ ɡbeeku yɛɛ yi duki yɑkikirɑ min di. Gɑ̃ɑnu kun mɑɑ wɑ̃ɑ mi.

Esekiɛli 38:20

Swɛ̃ɛ kɑ ɡunɔsu koo diiri bɛrum sɔ̃ nɛn wuswɑɑɔ kɑ sere ɡbeeku yɛɛ kɑ yɛɛ yi yi rɑ kɑbiri kɑ tɔmbu kpuro. Guunu nu koo wɔruku kpɑ kpenu nu kɑnkirɑ kpɑ ɡbɑ̃rɑnu kpuro nu wɔruku.

Yoɛli 1:18

I swɑɑ dɑkio i nɔ nɡe mɛ yɛɛ yi wuri mɔ̀, mɑ yi bɔsu bɑɑmɑ. Domi yi ǹ yɑkɑsu wɑ kpɑrɑ yerɔ. Bɑɑ kɑ yɑ̃ɑnɔ nu nɔni sɔ̃ɔre.

Amɔsu 1:2

Amɔsu u nɛɛ, Yinni Gusunɔn nɔɔ ɡɑ nɔɔrɑmɔ Siɔnin ɡuurɔ Yerusɑlɛmuɔ. Yɑkɑsu mɑɑ sɑri kpɑrɑ yenɔ, mɑ ɡuu te bɑ mɔ̀ Kɑɑmɛli, ten wii kpiirɑ ɡberɑ.

Amɔsu 5:16

Yen sɔ̃, Gusunɔ wɔllu kɑ tem Yinni u ɡeruɑ u nɛɛ, tɔmbɑ koo ɡɔɔ wuri ko yɑm kpuro, kpɑ bɑ n sumɔ swɛɛ sɔɔ, bɑ n mɔ̀, wee, wee! Bɑ koo ɡbɑɑ wukobu sokumɑ bu ɡɔɔ wooru sinɑ, kpɑ bu ɡɔɔ swĩiɡibu mɛnnɑmɑ.

Amɔsu 8:8

Bɛɛn tem mu koo yĩiri, kpɑ bɛɛ nɛn tɔmbu i n ɡɔɔ wooru sɔ̃. Tem mɛ kpuro mu koo kuke kpɑ mu sure nɡe Eɡibitin dɑɑrun nim.

Nɑhumu 1:4

Ù n nim wɔ̃ku ɡbɑ̃re, ɡɑ rɑ ɡberewɑ. U rɑ dɑɑnu kpuron nim ɡberɑsiewɑ, kpɑ yɑkɑ si su wɑ̃ɑ Bɑsɑniɔ kɑ Kɑɑmɛlin ɡɑ̃ɑnɔ su ɡberɑ, kpɑ dɑ̃ɑ wɛ̃ɛ si su wɑ̃ɑ Libɑniɔ su dɛllɑ.

Sofoni 1:3

Kon tɔmbu kɑ yɛɛ kɑ ɡunɔsu kɑ swɛ̃ɛ kpeerɑsiɑ kɑ sere mɑɑ tɔn kɔ̃sobu kɑ ye yɑ rɑ bu sokurɑsie. Kon tɔmbu kpuro kpeerɑsiɑ hɑnduniɑ sɔɔ. Nɛ, Yinni Gusunɔwɑ nɑ yeni ɡeruɑ.

Sɑkɑri 5:4

Gusunɔ wɔllu kɑ tem Yinnin tiiwɑ u koo de bɔ̃ri yi, yi nɑ kpɑ yi ɡbɛnɔbun yɛnusu di kɑ sere be bɑ rɑ kɑ Yinni Gusunɔn yĩsiru bɔ̃re kɑm. Miyɑ yi koo sinɑ yi yin wɑ̃ɑ yeru ko kpɑ yi ben dirun kpɛɛkpɛɛku kɑ ten kpenu di.