Osee 4:10 - Bibeli Gusunɔn Gari

¹⁰ Bɑ koo di, ɑdɑmɑ bɑ ǹ debumɔ. Bɑ koo sɑkɑrɑru ko bũu nuurɔ bu kɑ bibu wɑn sɔ̃. Adɑmɑ bɑ ǹ mɑrumɔ yèn sɔ̃ bɑ nɛ, Yinni Gusunɔ biru kisi bɑ ǹ nɛn woodɑbɑ swĩi.

Osee 4:10 Iomraidhean Croise

Bɑndun Gɑri II 24:17

Yehoyɑdɑn ɡɔɔn biru, Yudɑn wiruɡibu bɑ nɑ bɑ sinɑ boko kpunɑ kɑ bɛɛrɛ, mɑ u ben ɡɑri swɑɑ dɑki.

Womusu 125:5

Adɑmɑ be bɑ swɑɑ mwɑɑmɔ ye yɑ ǹ dɛnde ɑ bu yɑrinɑsio kɑ kɔ̃sɑn kowobu sɑnnu. Yinni Gusunɔ, ɑ de bɔri yɛndɑ n wɑ̃ɑ Isireliɔ.

Womusu 36:3

U win tii sue too. Yen sɔ̃nɑ u ǹ win torɑru wurɑmɔ, kpɑ u tu tusi.

Mɔnnu 13:25

Gemɡii u rɑ n deburu mɔwɑ, ɑdɑmɑ tɔn kɔ̃so u rɑ n ɡɔ̃ɔru bɑrɔwɑ.

Yeremi 34:15

Wee tɛ̃ bɑ wurɑmɑ ben dɔɔ sɔɔ mɑ bɑ ɡeɑ kuɑ nɛn nɔni sɔɔ. Domi bɑ nɔɔ tiɑ kuɑ bɑ nɛɛ, bɑɑwure wi u yoo mɔ u nùn kɑro u n tii mɔ. N deemɑ nɛn sɑ̃ɑ yerɔwɑ bɑ nɔɔ tiɑ kuɑ.

Yeremi 9:12

Yinni Gusunɔ u mɑɑ nɛɛ, yeni yɑ koorɑwɑ yèn sɔ̃ nɛn tɔmbu bɑ nɛn woodɑbɑ deri ye nɑ bu wɛ̃, mɑ bɑ ǹ nɛn ɡere wure, bɑ ǹ kɑ ye sɔmburu kue.

Esekiɛli 18:24

Adɑmɑ wi u ɡem deri, mɑ u dɑɑ kɔ̃sɑ mɔ̀ nɡe tɔn kɔ̃so, i tɑmɑɑ u ko n wɑ̃ɑ? Aɑwo. Kon win yellun dɑɑ ɡeɑ ye duɑriwɑ kpɑ n de u ɡbi win dɑɑ kɔ̃sɑ kɑ win mɛm nɔɔ sɑrirun sɔ̃.

Esekiɛli 22:9

Gɑbɑ wɑ̃ɑ bɑ ben winsim kɔ̃sɑ ɡerumɔ bu kɑ nùn ɡo. Mɛyɑ mɑɑ tɔmbu bɑ rɑ bũnun dĩɑnu di ɡunɡunun wɔllɔ kpɑ bɑ n sekuru sɑri kookoosu mɔ̀.

Osee 4:14

Nɑ ǹ ben bii wɔndiɑ be, kɑ ben biiɡii kurɔ be sɛɛyɑsiɑmɔ ben sekuru sɑri te, kɑ ben sɑkɑrɑ te bɑ mɔ̀n sɔ̃. Domi ben mɔwɔbun tii bɑ sɑkɑrɑru mɔ̀ kɑ kurɔ be bɑ wɑ̃ɑ bũu sɑ̃ɑrun sɔ̃. Mɑ bɑ mɑɑ yɑ̃kunu mɔ̀ sɑnnu kɑ be. Adɑmɑ bɑ n yɛ̃ nɡe mɛ mɔndu ɡɑrɑ ɡeruɑ tɑ nɛɛ, tɔn be bɑ ǹ lɑɑkɑri mɔ, bɑ kɑm kobu dɔɔwɑ.

Osee 7:4

Be kpuro bɑ sɑ̃ɑwɑ sɑkɑrɑ kowobu bɑ sum nɡe pɛ̃ɛ wɔ̃ɔ yeru te pɛ̃ɛ kowo u dɔ̃ɔ doke u deri. Mɑ u dɑ u win pɛ̃ɛ som burɑ u yi sere mu kɑ se.

Sɑ̃ɑrun Woodɑ 26:26

Kon de ɡɔ̃ɔru tu nɑ. Sɑɑ ye sɔɔ, tɔn kurɔbu wɔkuru bɑ koo pɛ̃ɛ wɔ̃wɑ doo teu sɔɔ kpɑ bu kɑ bɛɛ nɑɑwɑ ye yɑ ǹ bɛɛ debumɔ.

Misee 6:14

I ko i di, ɑdɑmɑ i ǹ debumɔ. I ko i nɔɔɡiru suɑ ɡɔ̃ɔrun sɔ̃. Mɛyɑ n ǹ koorɔ i ɡɑ̃ɑnu bere. Ì n mɑɑ ɡɑ̃ɑnu beruɑ, tɑbɑ kon kɑ ye kɑm koosiɑ.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Asee 1:6

Wee i dĩɑnu duurumɔ too, ɑdɑmɑ fiikowɑ i ɡɛ̃ɛmɔ. I dimɔ, ɑdɑmɑ i ǹ debumɔ. I nɔrumɔ, ɑdɑmɑ bɛɛn nɔru kun kpeemɔ. I yɑ̃nu dokemɔ, ɑdɑmɑ nu ǹ bɛɛ wooru ɡirɑmmɛ. Ì n bɛɛn kɔsiɑru mwɑ, tɑ rɑ doonɛwɑ nɡe te bɑ doke bɔɔ ɡɛ̃ɛre sɔɔ.