Osee 4:1 - Bibeli Gusunɔn Gari

¹ Bɛɛ Isirelibɑ, i nɛ, Yinni Gusunɔ swɑɑ dɑkio. Domi nɑ siribu mɔ kɑ bɛɛ tem mɛn tɔmbu yèn sɔ̃ wɔnwɔnduɡii ɡoo sɑri bɛɛ sɔɔ, ɡemɡii ɡoo mɑɑ sɑri. Mɛyɑ bɛɛn ɡoo kun mɑɑ mɑn yɛ̃.

Osee 4:1 Iomraidhean Croise

Sinɑmbu I 22:19

Yerɑ Misee u Akɑbu sɔ̃ɔwɑ u nɛɛ, ɑ Yinni Gusunɔn ɡɑri swɑɑ dɑkio, nɑ nùn wɑ u sɔ̃ win sinɑ kitɑru wɔllɔ. Mɑ win tɑbu kowobu bɑ yɔ̃ win nɔm ɡeu kɑ win nɔm dwɑrɔ.

Womusu 81:9

Bɛɛ nɛn tɔmbu Isirelibɑ, i mɑn swɑɑ dɑkio i nɔ ye kon bɛɛ sɔ̃.

Esɑi 1:10

Mɑ Gusunɔ u nɛɛ, bɛɛ wiruɡibu be i kɑ Sodomuɡibu weenɛ, i nɛ, Yinni Gusunɔn ɡɑri swɑɑ dɑkio. Bɛɛ be i mɑɑ tie, i kɑ Gomɔrɑɡibu weenɛ, i nɛn woodɑ mɛm nɔɔwɔ.

Esɑi 1:18

I nɑ su wesiɑnɑ kpɑ su nɔɔsinɑ. Ì n wurɑ i mɑn mɛm nɔɔwɑ, bɑɑ bɛɛn ɡɔ̃ru ɡɑ̀ n tĩri nɡe weke biru, kon ɡu dɛɛrɑsiɑ ɡu bururɑ nɡe wɛ̃su. Bɑɑ ɡɑ̀ n mɑɑ sɔ̃rin nɑ nɡe wɛ̃ɛ wunɔmɡii, ɡɑ koo bururɑ nɡe wɛ̃ɛ kpiki, kpɑ i tem mɛn dĩɑ ɡeenu di.

Esɑi 28:14

Tɛ̃ bɛɛ yɑɑko kowobu, bɛɛ be i Yerusɑlɛmuɡibu dɑm dɔremɔ, i swɑɑ dɑkio i nɔ ye Yinni Gusunɔ u ɡerumɔ.

Esɑi 34:1

Bɛɛ bwese tukunu, i susimɑ i nɔ. I bɛɛn lɑɑkɑri kpĩiyɔ. Tem mu swɑɑ dɑkio kɑ ye yɑ wɑ̃ɑ mɛ sɔɔ, kɑ sere ye mu mɑrumɔ.

Esɑi 34:8

Domi sɑɑ yɑ tunumɑ Yinni Gusunɔ u kɑ win yibɛrɛbɑ mɔru kɔsiɑ. Kpɑ u bu sɛɛyɑsiɑ Siɔnin sɔ̃.

Esɑi 5:3

Tɛ̃, nɛn kĩnɑsi u ɡerumɔ u mɔ̀, bɛɛ Yudɑbɑ, bɛɛ be i wɑ̃ɑ Yerusɑlɛmuɔ, i bu sirio wi kɑ win resɛm ɡbɑɑ te.

Esɑi 59:4

Weesɑ i rɑ n kɑ bɛɛn berusebu siribu sokumɔ. Bɛɛn ɡoo ku rɑ kɑ ɡem siribu de. Seedɑ weesuɡiɑ sɔɔrɑ i rɑ n tɑ̃sɑ siri yeru mi. Kɔ̃sɑ i rɑ bwisiku kpɑ i kom kɔ̃sum ko.

Esɑi 59:8

I ǹ ɑlɑfiɑn swɑɑ yɛ̃. Bɛɛn sɑnu sɑnusu ku rɑ mɑɑ ɡem swĩi, sere swɛɛ yi yi ǹ dɛnde. Wi u ɡesi bɛɛn swɛɛ yi mwɑ kpuro, u ku rɑ bɔri yɛndu wɑ.

Esɑi 66:5

Bɛɛ be i Yinni Gusunɔn ɡɑri nɑsie, i swɑɑ dɑkio i nɔ ye u ɡerumɔ. U nɛɛ, wee, bɛɛn mɛro bisibu be bɑ bɛɛ tusɑ bɑ ɡirɑ ben min di nɛn yĩsirun sɔ̃, bɑ bɛɛ yɑɑkoru mɔ̀ bɑ mɔ̀, Yinni Gusunɔ u win yiiko sɔ̃ɔsio, kpɑ bu bɛɛn nuku dobu wɑ. Adɑmɑ ben tiiwɑ bɑ koo sekuru wɑ.

Yeremi 11:7

Sɑɑ dɔmɑ tèn di nɑ ben bɑɑbɑbɑ yɑrɑmɑ Eɡibitin di sere kɑ ɡisɔ, nɑ rɑ n bu sɔ̃ɔmɔwɑ bu de bu mɑn mɛm nɔɔwɑ.

Yeremi 19:3

Kɑɑ Yudɑbɑn sinɑmbu kɑ Yerusɑlɛmuɡibu sɔ̃ bu swɑɑ dɑkio bu nɔ ye nɛ Gusunɔ, Isirelibɑn Yinni, nɛ wi nɑ wɔllu kɑ tem mɔ nɑ ɡeruɑ. Kon de nɔni swɑ̃ɑru tu nɑ Yerusɑlɛmuɔ sere wi u ten ɡɑri nuɑ kpuro, win swɑsu su sikɑri.

Yeremi 2:4

Tɛ̃, bɛɛ Isirelibɑ, bɛɛ be i sɑ̃ɑ Yɑkɔbun bweseru, i swɑɑ dɑkio i nɔ.

Yeremi 2:9

Yen sɔ̃nɑ u koo bɛɛ kɑ bɛɛn bibun bweseru siribu soku.

Yeremi 25:31

Win kukiribu koo nɔɔrɑ hɑnduniɑ kpuro sɔɔ. Domi u tɔmbu kpuro sokumɔ win siri ɡbɑburɔ. Wi siribu di, u koo yɛ̃ro ɡowɑ kɑ tɑkobi.

Yeremi 34:4

Yen sɔ̃, u nɛn ɡɑri swɑɑ dɑkio yi nɑ ɡerumɔ. Nɑ nɛɛ, u ǹ ɡbimɔ tɑbu sɔɔ,

Yeremi 4:22

Mɑ Yinni Gusunɔ u nɛɛ, wee, nɛn tɔmbu bɑ ǹ bwisi mɔ. Mɛyɑ bɑ ǹ mɑn yɛ̃. Bɑ sɑ̃ɑwɑ ɡɑri bɑkɑsu. Bɑ kɔ̃sɑn kobun bwisi mɔ, ɑdɑmɑ bɑ ǹ ɡeɑn kobu yɛ̃.

Yeremi 4:28

Yen sɔ̃, tem mu ko n ɡɔɔ wooru sɔ̃, kpɑ wɔllu tu yɑm tĩrɑ. Domi u himbɑ yi kɔ, u ǹ mɑɑ biru wurɔ.

Yeremi 5:4

Mɑ nɑ nɛɛ, bɑ sɑ̃ɑwɑ nɡe bibu, bɑ mɔ̀wɑ nɡe ɡɑri bɑkɑsu. Domi bɑ ǹ wunɛn swɛɛ yɛ̃, bɑ ǹ mɑɑ wunɛn woodɑbɑ yɛ̃.

Yeremi 51:5

Domi bɑ Gusunɔ Isirelibɑn Yinni Dɛɛro torɑri n kpɑ̃. Adɑmɑ wi, Gusunɔ, wɔllu kɑ tem Yinni, u kɑ win tɔmbu Isirelibɑ kɑ Yudɑbɑ wɑ̃ɑ.

Yeremi 6:13

Domi sɑɑ bwɛ̃ɛbwɛ̃ɛbun di sere kɑ dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire. Nɛn sɔmɔbu kɑ yɑ̃ku kowobun tii, bɑ rɑ n weesu mɔ̀wɑ.

Yeremi 7:28

Kɑ mɛ, ɑ bu sɔ̃ɔwɔ ɑ nɛɛ, bɑ sɑ̃ɑwɑ bwese te tɑ ku rɑ Gusunɔ ten Yinnin ɡɑri nɔ. Torɑ tee teyɑ bɑ rɑ n mɔ̀ bɑɑ ù n bu sɛɛyɑsiɑ. Gem ku rɑ n mɑɑ wɑ̃ɑ ben nɔsɔ.

Yeremi 9:20

Domi ɡɔɔ u sun kɑ̃ɑsi sɑɑ fɛnɛntin di, mɑ u duɑ sere sinɑ kpɑɑrɔ. Mɛyɑ u mɑɑ bii be bɑ bɔsu swɛɛ sɔɔ ɡoomɔ, kɑ sere mɑɑ ɑluwɑɑsibɑ mi bɑ rɑ ɡesi mɛnnɛ kpuro.

Yeremi 9:3

Bɑɑwure u rɑ n win kpɑɑsi tɑki dimɔwɑ. Bɑ ǹ nɑɑnɛ mɔɔsinɛ. Bɑ rɑ n kɔrumɔtɔnu kuɑnɑmmɛwɑ, kpɑ bɑ n weesu sɔ̃ɔnɑmɔ.

Yeremi 9:7

Wee, tɔn ben yɑrɑ yɑ sɑ̃ɑwɑ nɡe sɛ̃ɛ dɛ̃ɛɡuu ɡe ɡɑ rɑ ɡo. Weesɑ bɑ rɑ n mɔ̀, kpɑ bɑ n ben berusebu bɔri yɛndun ɡɑri sɔ̃ɔmɔ. Adɑmɑ ben ɡɔ̃ruɔ, yinɑ bɑ rɑ n bu bɛrie.

Esekiɛli 16:35

Tɛ̃, nɛ, Yinni Gusunɔ nɑ nɛɛ, Yerusɑlɛmu, ɑ mɑn swɑɑ dɑkio wunɛ wi ɑ sɑ̃ɑ nɡe kurɔ tɑnɔ.

Osee 12:2

Isirelibɑ bɑ Eɡibitiɡibu ɡum wɛ̃ɛmɔ. Mɑ bɑ kɑ Asiriɡibu ɑrukɑwɑni bɔkumɔ. Nɡe mɛyɑ bɑ kɑ kpɑɑsibu kɑsu be bɑ ǹ sɑ̃ɑ ɡɑ̃ɑnu. N sɑ̃ɑre bɑ woo nɑɑ ɡire. Bɑ ben weesu dɑbiɑsiɑmɔ tɔ̃ɔ bɑɑtere. Mɑ bɑ dɑɑ bɔɔbɔyɑ mɔ̀ bɑ dɔɔ.

Osee 12:3

Nɛ, Yinni Gusunɔ nɑ Yudɑbɑ siribu sokumɔ. Kon be Yɑkɔbun bweseru wɔrimɑ ben dɑɑ kɔ̃sɑn sɔ̃. Kpɑ n bu ben kɔ̃sɑn ɑre kɔsiɑ.

Osee 5:1

Yinni Gusunɔ u nɛɛ, bɛɛ yɑ̃ku kowobu, i yenibɑ swɑɑ dɑkio. Bɛɛ Isirelibɑ, i swɑɑ dɑkio i nɔ. Bɛɛ sinɑ kpɑɑruɡibu, i swɑɑ tem kpĩiyɔ i nɔ. Bɛɛyɑ siri bini bu kɑ yɑ̃. Domi i kuɑ tɔmbun yinɑ Misipɑɔ, mɑ i kuɑ ben tɑɑ Tɑboriɔ.

Osee 5:4

Osee u nɛɛ, bɑ ǹ kpɛ̃ bu mɑɑ wurɑmɑ ben Yinnin mi ben kookoosun sɔ̃. Domi bũu sɑ̃ɑrun ɡɑsiribu ɡinɑ wɑ̃ɑ ben ɡɔ̃ru sɔɔ. Mɛyɑ bɑ ǹ mɑɑ wi, Yinni Gusunɔ yɛ̃.

Yoɛli 1:2

U nɛɛ, bɛɛ Yudɑbɑn ɡuro ɡurobu, i swɑɑ dɑkio i nɔ. Bɛɛ Yudɑbɑ kpuro kpuro i swɑɑ tem kpĩiyɔ i ɡɑri yi nɔ. Gɑ̃ɑ ninin bweseru nu koore bɛɛn wɑɑti sɔɔ, ǹ kun mɛ bɛɛn sikɑdobɑn wɑɑti sɔɔ?

Amɔsu 3:1

I swɑɑ dɑkio i nɔ ye nɛ, Yinni Gusunɔ nɑ ɡerumɔ, bɛɛ Isirelibɑ kpuron sɔ̃, bɛɛ be nɑ yɑrɑmɑ Eɡibitin di.

Amɔsu 7:16

Tɛ̃, ɑ swɑɑ dɑkio ɑ Yinni Gusunɔn ɡɑri nɔ. Wunɛ Amɑsiɑ, wunɛ wi ɑ nɛɛ, n ku Isirelibɑ Gusunɔn ɡɑri sɔ̃.

Misee 6:2

Bɛɛ ɡuunu, i swɑɑ dɑkio. Bɛɛ tem kpɛɛkpɛɛku dɑmɡinu, nɛ, Yinni Gusunɔ nɑ nɛn tɔmbu tɑɑrɛ wɛ̃ɛmɔ. Nɑ kĩ n bu siribu soku.

Yohɑnu 8:55

Kɑ mɛ, i ǹ nùn yɛ̃, ɑdɑmɑ nɛ, nɑ nùn yɛ̃. Nɑ̀ n nɛɛ, nɑ ǹ nùn yɛ̃, ko nɑ n sɑ̃ɑwɑ weesuɡii nɡe bɛɛ. Adɑmɑ nɑ nùn yɛ̃, nɑ mɑɑ win ɡɑri mɛm nɔɔwɛ.

Romu 1:28

Gusunɔ u bu deri ben bwisiku kɔ̃sunu sɔɔ bu kɑ ko ye n kun weenɛ yèn sɔ̃ bɑ ǹ wure bu nùn ɡiɑ.

Korinti I 15:34

I de bɛɛn lɑɑkɑri ɡeɑ yu wurɑmɑ nɡe mɛ n weenɛ, kpɑ i kookoo kɔ̃susu deri. Bɛɛn ɡɑbu bɑ ǹ Gusunɔ yɛ̃. Nɑ yeni ɡerumɔ mɑ bɛɛn sekurɑ.

Kɑ̃siru 2:11

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ. Wi u tɑbu di, ɡɔɔ yiruse kun nùn wɑsi.

Kɑ̃siru 2:29

Bɑɑwure wi u swɑɑ mɔ u nɔɔwɔ ye Hunde Dɛɛro u Yesun yiɡbɛnu sɔ̃ɔmɔ.