Osee 3:4 - Bibeli Gusunɔn Gari

⁴ Nɡe mɛyɑ Isirelibɑ bɑ ko n wɑ̃ɑ sunɔ sɑri n kɑ tɛ. Mɛyɑ bɑ ǹ ko n mɑɑ wiruɡii mɔ. Bɑ ǹ mɑɑ yɑ̃kunu mɔ̀. Bɑ ǹ mɑɑ bũnu ɡɑnu sɑ̃ɑmɔ. Mɛyɑ yɑ̃ku kowo ɡoo kun ko n mɑɑ wɑ̃ɑ ben suunu sɔɔ u kɑ bu bikiɑru kuɑ.

Osee 3:4 Iomraidhean Croise

Torubu 31:19

Ye bɑ doonɔ, yerɑ Rɑsɛli u dɑ u win tundo Lɑbɑnin bũu wi bɑ mɔ̀ Terɑfimu ɡbɛnɑ. N deemɑ sɑɑ ye sɔɔ, Lɑbɑni u win yɑ̃ɑnun sɑnsu bɔɔrimɔ.

Torubu 31:34

Mɑ u kuu te bũurɑ u ǹ ɡɑ̃ɑnu wɑ. N deemɑ Rɑsɛli u bũu kpɛɛ te suɑ u doke win yooyoon ɡɑɑrin kɔkɔrɔ u sinɑri.

Torubu 49:10

Bɑndɑ kun doonɔ wunɛn bweserun di. Sinɑ bɔrɑ kun kisirɑmɔ wunɛn nɔmun di, sere Silo ù n tunumɑ, kpɑ bwesenu kpuro nu nùn mɛm nɔɔwɑ.

Sɑmuɛli II 6:14

Mɑ u seewɑ u yɑberu potɑ u yɑ̃ku kowon sɑ̃ɑ yɑ̃nu ɡɑnu pɔrɑ sɛ̃ke mɑ u yɑɑmɔ bɑsi kɑ win dɑm kpuro Yinni Gusunɔn wuswɑɑɔ.

Sinɑmbu II 23:24

Yen biru Yosiɑsi u derɑ bɑ ɡɔri sokobu kɑ sɔrobu ɡo. Mɑ u mɑɑ derɑ bɑ bwɑ̃ɑroku ni bɑ mɔ̀ Terɑfimu kɑm koosiɑ kɑ sere mɑɑ bũu turɑ ni nu wɑ̃ɑ Yerusɑlɛmuɔ kɑ Yudɑn temɔ. U yeni kuɑwɑ bu kɑ woodɑn tire te yɑ̃ku kowo Hilikiyɑ u wɑ Yinni Gusunɔn sɑ̃ɑ yerɔ mɛm nɔɔwɑ.

Bɑndun Gɑri II 15:2

Mɑ u dɑ Asɑn wuswɑɑɔ u nùn sɔ̃ɔwɑ u nɛɛ, Asɑ, wunɛ kɑ Yudɑbɑ, kɑ Bɛnyɑmɛɛbɑ, i swɑɑ dɑkio i nɔ. Yinni Gusunɔ u wɑ̃ɑ kɑ bɛɛ, ì n kɑ nùn yɔ̃rɑ. Ì n nùn kɑsu, i ko i nùn wɑ. Adɑmɑ ì n nùn deri, u koo mɑɑ bɛɛ deri.

Yɑribu 28:4

Yɑ̃ɑ ni bɑ koo ko wee, bɔɔ bɑrɑ ye u koo doke win tororun wɔllɔ, kɑ yɑbe tɑrɑkpe, kɑ yɑberu kɑ tɑko ye bɑ sɔmɑ kuɑ kɑ dɑwɑni kɑ sere mɑɑ sɛ̃kɑtiɑ. Yenibɑ kpuro yɑ ko n sɑ̃ɑwɑ yɑ̃ɑ ni Aroni kɑ win bibu bɑ ko n dɑ doke bɑ̀ n yɑ̃kurun sɔmburu mɔ̀.

Yɑribu 28:6

Yinni Gusunɔ u mɑɑ Mɔwisi sɔ̃ɔwɑ u nɛɛ, kɑɑ yɑbe tɑrɑkpe kowɑ kɑ beku te bɑ kuɑ kɑ wɛ̃ɛ dɑmɡii kpɑ ɑ ɡe burɑru kuɑ kɑ wɛ̃ɛ wunɔmɡii kɑ yi bɑ wɔ̃kuɑ kɑ burɑ kɑ mɑɑ ɡɑɑdurɑ kɑ wurɑn wɛ̃ɛ siiri.

Swĩi 2:9

Yen kɔnnɔsu su numɑ temɔ. Sin dɑ̃ɑ ye bɑ rɑ kɑ su sɛ̃suku yɑ bɔɔkirɑ. Mɑ bɑ yen sinɑ boko kɑ yen wiruɡibu ɡurɑ bɑ kɑ dɑ tem tukumɔ. Woodɑ mɑɑ sɑri. Bɑɑ Gusunɔn sɔmɔbu bɑ ǹ mɑɑ kɑ̃sinu wɑɑmɔ win min di.

Esekiɛli 19:14

Mɑ dɔ̃ɔ u yɑrɑ sɑɑ yen kɑ̃ɑsin di u yen mɑrum mwɑ. Yɑ ǹ mɑɑ kɑ̃ɑsɑ dɑmɡiɑ mɔ ye yɑ koo ko sinɑ dɛkɑ. Womu ɡeni ɡɑ sɑ̃ɑwɑ ɡɔɔ wuri. Geyɑ bɑ ko n dɑ ko bɑ̀ n ɡɔɔ wuri mɔ̀.

Esekiɛli 20:32

Bɑ tɑmɑɑ bɑ koo ko nɡe bwese ni nu tie, kpɑ bɑ n dɑ̃nu kɑ kpenu sɑ̃ɑmɔ. Adɑmɑ n ǹ koorɔ.

Esekiɛli 21:21

Nɑ mɑɑ ye sɔ̃ɔmɔ nɑ mɔ̀, yu soowo nɔm ɡeu ɡiɑ, kpɑ yu wurɑ nɔm dwɑru ɡiɑ. Tɑkobi nɔɔ durorɑ wunɛ, ɑ doo mi bɑ nun tĩi.

Esekiɛli 21:31

Bɑ koo wunɛn sinɑ furɔ potɑ. Gɑ̃ɑnu koo kɔsi. Be bɑ tii kɑwe bɑ koo wɔlle suɑrɑ. Kpɑ be bɑ tii sue bu wɔrumɑ.

Dɑniɛli 11:31

U koo tɑbu kowobu sure bu Yinni Gusunɔn sɑ̃ɑ yeru kɑ ten ɑɡbɑrɑ disi doke. Kpɑ bu tɔ̃ɔ bɑɑteren yɑ̃kunu kpeesiɑ. Kpɑ bu kɑm koosion bwɑ̃ɑroku kɔ̃su ɡirɑ yɑ̃ku yeru mi.

Dɑniɛli 12:11

Sɑɑ dɔmɑ tèn di bɑ koo tɔ̃ɔ bɑɑteren yɑ̃ku ni bɑ rɑ Yinni Gusunɔ kue yɔ̃rɑsiɑ kɑ sɑɑ ye kɑm koosion bwɑ̃ɑroku kɔ̃su ɡɑ ko n wɑ̃ɑ yɑ̃ku yerɔ, yɑ ko n sɑ̃ɑwɑ sɔ̃ɔ nɔrɔbu kɑ ɡoobɑ wunɔbu wɔkuru sɑri (1.290).

Dɑniɛli 9:27

Wiruɡii wi, u ko n kɑ tɔn dɑbiru nɔɔ tiɑ sɑ̃ɑ sere sɑɑ nɔɔbɑ yiru. Sɑɑ itɑ kɑ bɔnun biru, u koo de yɑ̃kunu kɑ ɑbɔnu nu kpe kpɑ u ɡɑ̃ɑ kɔ̃sunu ko sɑ̃ɑ yerɔ nìn bweseru ɡoo kun koore sere kɑm koo bi Yinni Gusunɔ u yi win sɔ̃ bu kɑ nùn deemɑ.

Osee 13:10

Mɑnɑ bɛɛn sinɑ boko u wɑ̃ɑ. I de u bɛɛ fɑɑbɑ ko bɛɛn wusu kpuro sɔɔ. Mɑnɑ bɛɛn kpɑrobɑ wɑ̃ɑ be i bikiɑ i nɛɛ, bu bɛɛ sinɑmbu kuɑ.

Osee 13:11

Nɑ rɑɑ bɛɛ sinɑ boko wɛ̃ kɑ mɔru. Mɛyɑ kon mɑɑ bɛɛ nùn mwɑɑri kɑ mɔru.

Osee 2:11

Yen sɔ̃, kon ɡɔsirɑmɑ n nɛn dobi mwɑ yin ɡɛ̃ɛbun sɑɑ sɔɔ, kɑ tɑm mɛn sɑɑ sɔɔ kɑ sere yɑ̃ɑ ni u sebuɑ u kɑ win tereru wukiri,

Sɑ̃ɑrun Woodɑ 8:7

Mɑ u Aroni win tɑko sebusiɑ kɑ sɛ̃kɑtiɑ ye, kɑ yɑbe booɡuɡii te, kɑ yɑbe tɑrɑkpe ɡe, ɡe u ɡbinisi yɑbe booɡuɡii te sɔɔ kɑ ɡen sɛ̃kɑtiɑ.

Sɑkɑri 10:2

Domi bũu nìn bwɑ̃ɑrokunu bɑ mɔ̀ Terɑfimu nu weesu mɔ̀. Sɔrobu bɑ kɑ̃si weesuɡinu wɑɑmɔ. Ben dosusu su sɑ̃ɑwɑ weesu. Sin nuku yɛmiɑsiɑbu sɑ̃ɑwɑ kɑm dirum. Yen sɔ̃nɑ bɑ sirenɛ nɡe yɑɑ sɑbenu. Bɑ wɔnwɔndu soore, domi bɑ ǹ kpɑro mɔ.

Sɑkɑri 13:2

Yen tɔ̃ɔ te, nɛ, Gusunɔ wɔllu kɑ tem Yinni kon bũnun yĩsinu kpeerɑsiɑ tem mɛ sɔɔ kpɑ bu ku rɑɑ mɑɑ nu yɑɑyɑ. Kon mɑɑ nɛn sɔmɔ weesuɡii be bɑ bũu sɑ̃ɑrun kĩru mɔ mi wunɑ.

Luku 21:24

Bɑ koo bu sɔ̃siri kɑ tɑkobi, kpɑ bu bu yoru mwɑ tem bɑɑmɑ. Bwese tukunu koo mɑɑ Yerusɑlɛmu tɑɑku sere nin sɑɑ yu kɑ turi.

Yohɑnu 19:15

Mɑ Yuubɑ bɑ ɡbɑ̃sukɑ wɔllɔ, i kɑ nùn doo, i kɑ nùn doo, i nùn kpɑreo dɑ̃ɑ bunɑnɑru wɔllɔ. Mɑ Pilɑti u bu bikiɑ u nɛɛ, ɑmɔ ro! I kĩ n bɛɛn sunɔ kpɑre dɑ̃ɑ bunɑnɑru wɔllɔ? Mɑ yɑ̃ku kowo tɔnwerobɑ nùn wisɑ bɑ nɛɛ, bɛsɛ sɑ ǹ sunɔ ɡoo mɔ mɑ n kun mɔ tem yɛ̃ro.

Heberu 10:26

Domi sɑ̀ n yɛ̃ mɑ torɑrɑ sɑ kɑ mɔ̀ sɑnɑm mɛ sɑ ɡem ɡiɑ kɔ, yɑ̃kuru ɡɑru mɑɑ sɑri te tɑ koo bɛsɛn torɑnu wunɑ.

Kpɑrobu 17:5

N deemɑ Mikɑ u rɑɑ sɑ̃ɑ yeru mɔ win yɛnuɔ. Mɑ u derɑ bɑ nùn bwɑ̃ɑroku ɡɑnu kuɑ. Mɑ u win tiin bii turo ɡɔsɑ u kuɑ nin yɑ̃ku kowo.

Kpɑrobu 18:14

Yerɑ tɔmbu nɔɔbu be bɑ rɑɑ tem min sɑriɑ mɛɛrim nɑ mi, bɑ beɡibu sɔ̃ɔwɑ bɑ nɛɛ, i yɛ̃ mɑ bwɑ̃ɑroku ɡe bɑ sii ɡeesu pote kɑ bwɑ̃ɑrokunu ɡɑnu nu wɑ̃ɑ diru mini? Ǹ n mɛn nɑ, i de su bwisiku ye n weenɛ su ko.

Kpɑrobu 8:27

Mɑ u bwɑ̃ɑroku kuɑ kɑ wurɑ ye, u ɡu yii yeru kuɑ win wuu Ofɑrɑɔ. Mɑ Isirelibɑ kpuro bɑ Yinni Gusunɔn sɑ̃ɑru deri, bɑ dɑ bɑ ɡu sɑ̃ɑmɔ. Mɑ ɡɑ rɑ kuɑ Gedeoni kɑ win tɔmbun yinɑ.

Sɑmuɛli I 14:3

N deemɑ yɑ̃ku kowo wi bɑ mɔ̀ Ayɑ u wɑ̃ɑ tɔn ben suunu sɔɔ u sɑ̃ɑ yɑ̃ɑ ni bɑ rɑ kɑ bikiɑru ko Gusunɔn mi nɛni. Ayɑ wi, u sɑ̃ɑwɑ Akitubun bii. Akitubu wi, kɑ win wɔnɔ Ikɑbɔdu, be, bɑ mɑɑ sɑ̃ɑwɑ Finɛɛsin bibu. Finɛɛsin tundowɑ Eli, wi u rɑɑ sɑ̃ɑ Yinni Gusunɔn yɑ̃ku kowo Siloɔ. Tɔnu nɑtɑ ye sɔɔ, ɡoo kun yɛ̃ Yonɑtɑm u yɑrɑ.

Sɑmuɛli I 15:23

Wi u ku rɑ Gusunɔ mɛm nɔɔwɛ u sɑ̃ɑwɑ tɑɑrɛɡii nɡe sɔro. Wi u ku rɑ nùn wiru kpĩiyɛ, u sɑ̃ɑwɑ nɡe bũu sɑ̃ɔ. Tɛ̃, yèn sɔ̃ ɑ Yinni Gusunɔn ɡere yinɑ, win tii u mɑɑ nun yinɑ, u nun bɑndu yɑrɑ.

Sɑmuɛli I 2:18

Sɑmuɛli u sɔmburu mɔ̀ Yinni Gusunɔn sɑ̃ɑ yerɔ. U sɑ̃ɑwɑ bii piibu mɑ bɑ nùn yɑ̃ku kowon yɑberu kuɑ kɑ wɛ̃ɛ dɑmɡii u sebuɑ.

Sɑmuɛli I 21:9

Mɑ Dɑfidi u Akimɛlɛki bikiɑ u nɛɛ, ɑ ǹ yɑɑsɑ ǹ kun mɛ tɑkobi mɔ mi? Domi nɑ ǹ sɑnnɔ yɑ̃nu ɡɑnu suɑmɛ yɛnun di yèn sɔ̃ sunɔ u mɑn bɑɑsi n win ɡɔrɑ ye dɑ fuuku.

Sɑmuɛli I 22:18

Yerɑ n derɑ u Dɔɛɡu sɔ̃ɔwɑ u nɛɛ, ɑ susimɑ, kpɑ ɑ Yinni Gusunɔn yɑ̃ku kowo be ɡo. Mɑ u susi u bu ɡo. Yen dɔmɑ te, yɑ̃ku kowobu wɛnɛ kɑ nɔɔbuwɑ u ɡo be bɑ ben sɑ̃ɑ yɑ̃nu doke.

Sɑmuɛli I 23:6

N deemɑ sɑɑ ye, Abiɑtɑɑ, Akimɛlɛkin bii, u dukɑ yɑkurɑmɑ u nɑ u wɑ̃ɑ Dɑfidin mi, u yɑ̃ku kowon yɑbe tɑrɑkpe nɛni te bɑ rɑ kɑ Yinni Gusunɔn kĩru bikie.

Sɑmuɛli I 23:9

Sɑɑ ye sɔɔ, Dɑfidi u nuɑ kɔ̃sɑ ye Sɔɔlu u kĩ u nùn kuɑ. Yerɑ u yɑ̃ku kowo Abiɑtɑɑ sɔ̃ɔwɑ u nɛɛ, ɑ kɑ yɑbe tɑrɑkpe ye nɑ.

Sɑmuɛli I 30:7

Yerɑ Dɑfidi u yɑ̃ku kowo Abiɑtɑɑ, Akimɛlɛkin bii sɔ̃ɔwɑ u nɛɛ, ɑ kɑ mɑn yɑbe tɑrɑkpe ye nɑɑwɑ ye bɑ rɑ kɑ bikiɑru ko Yinni Gusunɔn mi. Mɑ Abiɑtɑɑ u kɑ ye nɑ.