Osee 2:1 - Bibeli Gusunɔn Gari

¹ Yinni Gusunɔ u Osee sɔ̃ɔwɑ u nɛɛ, sɑɑ yɑ sisi yè sɔɔ Isirelibɑ bɑ koo dɑbiɑ nɡe nim wɔ̃kun yɑni sɛɛri. Bɑ ǹ kpɛ̃ bu ben ɡeeru ɡɑri. Mi bɑ ku rɑ rɑɑ bu soku nɛn tɔmbu, miyɑ bɑ koo bu soku nɛ Gusunɔ, Yinni wɑson bibu.

Osee 2:1 Iomraidhean Croise

Torubu 22:17

kon nun domɑru kuɑ kɑ ɡem kpɑ n wunɛn bweseru dɑbiɑsiɑ nɡe wɔllun kperi, ǹ kun mɛ nɡe yɑni sɛɛri yi yi wɑ̃ɑ nim wɔ̃kun ɡoorɔ, kpɑ bɑ n ben yibɛrɛbɑ tɑɑre.

Yeremi 31:33

Tɛ̃, ɑrukɑwɑni kpɑɑ ye wee, ye kon kɑ Isirelibɑ bɔke. Nɛ, Yinni Gusunɔ, kon de nɛn woodɑbɑ bɑ n wɑ̃ɑ ben bwisikunu sɔɔ, kpɑ n ye yorusi ben ɡɔ̃rusɔ. Kpɑ nɑ n sɑ̃ɑ ben Yinni, kpɑ be, bɑ n mɑɑ sɑ̃ɑ nɛn tɔmbu.

Yeremi 32:38

Bɑ koo wure bu ko nɛn tɔmbu kpɑ nɑ n mɑɑ sɑ̃ɑ ben Yinni.

Yeremi 51:5

Domi bɑ Gusunɔ Isirelibɑn Yinni Dɛɛro torɑri n kpɑ̃. Adɑmɑ wi, Gusunɔ, wɔllu kɑ tem Yinni, u kɑ win tɔmbu Isirelibɑ kɑ Yudɑbɑ wɑ̃ɑ.

Esekiɛli 11:20

Kpɑ bu kɑ nɛn ɡere mɛm nɔɔwɑ, bu nɛn woodɑbɑ swĩi. Bɑ ko n sɑ̃ɑwɑ nɛn tɔmbu, kpɑ nɑ n mɑɑ sɑ̃ɑ Gusunɔ ben Yinni.

Esekiɛli 36:11

U koo de tɔmbu kɑ yɑɑ sɑbenu bu dɑbiɑ bu kɔwɑrɑ kpɑ bu sinɑ mi nɡe yellu. Kpɑ u bu ɡeɑ kuɑ n kere ye u rɑɑ kuɑ. Sɑɑ ye sɔɔ, bɑ koo ɡiɑ mɑ wiyɑ u sɑ̃ɑ Yinni Gusunɔ.

Esekiɛli 36:28

Bɑ koo sinɑ tem mɛ nɑ ben bɑɑbɑbɑ nɔɔ mwɛɛru kuɑ sɔɔ, kpɑ bu ko nɛn tɔmbu kpɑ nɑ n mɑɑ sɑ̃ɑ ben Yinni.

Esekiɛli 37:27

Nɛn wɑ̃ɑ yeru tɑ ko n wɑ̃ɑwɑ ben suunu sɔɔ. Bɑ ko n sɑ̃ɑwɑ nɛn tɔmbu kpɑ nɑ n sɑ̃ɑ ben Yinni.

Osee 2:2

Yudɑbɑ kɑ Isirelibɑ bɑ koo mɛnnɑ sɑnnu kpɑ bu ɡoo ɡɔsi u n sɑ̃ɑ be kpuron sunɔ. Domi bɑ koo dɑbiɑ bu tɛriɑ tem mɛ kpuro sɔɔ. Yen dɔmɑ te, tɔ̃ɔ bɑkɑrɑ Yisirɛɛliɔ.

Osee 2:23

Nɛ, Yinni Gusunɔwɑ nɑ yeni ɡerumɔ. Sɑɑ ɡɑɑ sisi yè sɔɔ kon wɔllun kɑnɑnu nɔ, kpɑ n tu nim kɛ̃. Wɔllɑ koo tem kɑnɑru nɔ kpɑ tu ɡurɑ nɛɛsiɑ. Kpɑ tem mu dobi kɑ resɛm kɑ olifin kɑnɑru nɔ kpɑ ye kpuro yu kpi. Kpɑ yu Yisirɛɛlin bukɑtɑ wunɑnɑ.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Korinti II 4:1

Gusunɔwɑ u sun sɔmbu te nɔmu bɛriɑ win durom sɔ̃. Yen sɔ̃nɑ sɑ ǹ mwiɑ kpɑnɛ.

Timɔte I 1:13

bɑɑ mɛ nɑ rɑ rɑɑ nùn ɡɑri kɑm ɡerusi mɑ nɑ nùn nɔni sɔ̃ɔwɑ mɑ nɛn mɔru ku rɑ n tomɑ. Kɑ mɛ, u mɑn wɔnwɔndu kuɑ yèn sɔ̃ nɑ ǹ yɛ̃ ye nɑ mɔ̀, domi nɑ ǹ dɑɑ nɑɑnɛ doke.

Piɛɛ I 2:10

Gɑsɔ, i ǹ sɑ̃ɑ bwese te ɡoo u yɛ̃, ɑdɑmɑ tɛ̃ i kuɑ Gusunɔn tɔmbu. Gɑsɔ i ǹ dɑɑ wɔnwɔndu wɑ, ɑdɑmɑ tɛ̃ i wɔnwɔndu wɑ.