Osee 14:3 - Bibeli Gusunɔn Gari

³ Bu wurɑmɑ win mi bu kɑnɑ teni ko te tɑ nɛɛ, Yinni Gusunɔ, ɑ sun bɛsɛn torɑnu kpuro suuru kuo. Kpɑ ɑ sun mɛɛri kɑ nɔnu ɡeu. Ye sɑ ko kɑ nun yɑ̃kuru kuɑ, sɑ ko nun siɑrɑ.

Osee 14:3 Iomraidhean Croise

Bɑndun Gɑri II 16:7

Sɑɑ ye sɔɔrɑ, Gusunɔn sɔmɔ Hɑnɑni u dɑ u Asɑ Yudɑbɑn sinɑ boko deemɑ u nɛɛ, yèn sɔ̃ ɑ wunɛn nɑɑnɛ doke Sirin sinɑ boko sɔɔ, n ǹ mɔ Gusunɔ wunɛn Yinni sɔɔ, yen sɔ̃, Sirin sinɑ bokon tɑbu kowobu bɑ koo nun kisirɑri.

Womusu 10:14

Yinni Gusunɔ, ɑ rɑ n yɛ̃ nɔni swɑ̃ɑ te tɔmbɑ mɔ hɑnduniɑ sɔɔ. A rɑ bu somi. A rɑ mɑɑ ɡobekubɑ nɔɔri. Yen sɔ̃nɑ bɑ rɑ nun tii wɛ̃.

Womusu 146:3

I ku bɛɛn nɑɑnɛ doke sinɑmbu sɔɔ, bɑ sɑ̃ɑwɑ tɔmbu, bɑ ǹ kpɛ̃ bu bɛɛ fɑɑbɑ ko.

Womusu 146:9

U rɑ sɔbu kɔ̃su. U rɑ mɑɑ ɡɔminibu kɑ ɡobekubɑ nɔɔri. Kpɑ u tɔn kɔ̃sobun himbɑ kɑm koosiɑ.

Womusu 33:17

Wi u win nɑɑnɛ doke dumɑ sɔɔ, u ǹ nɑsɑrɑ wɑsi. Mɛyɑ kɑ yen dɑm kpuro yɑ ǹ kpɛ̃ yu nùn wɔrɑ kɑrin di.

Womusu 68:5

I Gusunɔn yĩsiru wɔlle suo kɑ womusu. I nùn swɑɑ kuo, u ɡbɑburu mɔ̀, u ɡuru winu sɔni u wee. Win yĩsirɑ Yinni Gusunɔ. I nuku dobu koowo win wuswɑɑɔ.

Esɑi 1:29

Sɑɑ ye sɔɔ, dɑ̃ɑ bɑkɑnu kɑ dɑ̃ɑ sɔ̃ɔ si su sɑ̃ɑ bɛɛn bũu yenu, su koo de i sekuru wɑ.

Esɑi 2:20

Tɔ̃ɔ te sɔɔ, tɔmbɑ koo ben bwɑ̃ɑroku ni bɑ sekɑ kɑ sii ɡeesu kɑ wurɑ bɑ sɑ̃ɑmɔ ɡunɔnɡuunu kɑ yɑnkɔ̃su deriɑ.

Esɑi 27:9

Nɡe mɛyɑ u kɑ Isirelibɑn durum wɔkɑ. Wee ye n koorɑ yen biru. U ben bũu turɑnu ɡɔsiɑ torom. Bɑ ǹ mɑɑ Asitɑɑten bwɑ̃ɑrokunu kɑ sɔ̃ɔɡinu seeyɑmɔ.

Esɑi 30:16

I nɛɛ, i ko yɑkurɑwɑ kɑ dumi. Yen sɔ̃nɑ u koo mɑɑ de i yɑkurɑ. I nɛɛ, i ko dɑwɑ kɑ dumi yi yi duki mɔ. Yen sɔ̃nɑ u koo de be bɑ koo mɑɑ bɛɛ nɑɑ ɡirɑ bɑ n sɑ̃u.

Esɑi 30:2

Be wee bɑ kpikiru dɔɔ Eɡibitiɔ bɑ ǹ mɑn sɑɑwɑrɑ kue. Bɑ fɑɑbɑ kɑsu Eɡibiti sunɔn mi.

Esɑi 31:1

Bɔ̃rurobɑ Yudɑ be bɑ kpikiru dɔɔ Eɡibitiɔ bu kɑ somiru wɑ. Bɑ ben nɑɑnɛ doke dumi sɔɔ, kɑ tɑbu kɛkɛ dɑbi ni dumi ɡɑwe sɔɔ kɑ sere mɑɑsɔ dɑmɡibu sɔɔ. Adɑmɑ bɑ ǹ Gusunɔ ben Yinni Dɛɛro kɑsu, bu nùn nɑɑnɛ ko.

Esɑi 31:3

Eɡibitiɡibu bɑ ǹ sɑ̃ɑ Gusunɔ, bɑ sɑ̃ɑwɑ tɔmbu. Mɛyɑ mɑɑ ben dumi yi ǹ dɑm tukum ɡɑm mɔ, yi sɑ̃ɑwɑ yɛɛ diri. Yinni Gusunɔ ù n win dɑm sɔ̃ɔsimɑ, be bɑ somiru kɑsu kɑ be bɑ bu somiru wee, bɑ koo sokurɑ bu wɔruku, kpɑ be kpuro bu mɛnnɑ bu ɡbi.

Esɑi 36:8

Ǹ n mɛn nɑ, Esekiɑsi wi, u de u kɑ nɛn yinni Asirin sinɑ boko ɑrukɑwɑni bɔke kpɑ u nùn dumi nɔrɔbun subɑ yiru (2.000) wɛ̃, ù n yɛ̃ u koo mɑɑsɔbu wɑ bu yi sɔni.

Yeremi 49:11

Bɑɑ bɑ̀ n ben bibu deri bɑ kuɑ ɡobekubɑ, nɛnɑ kon de bɑ n wɑ̃ɑ, kpɑ ben ɡɔminibu bu mɑn nɑɑnɛ ko.

Esekiɛli 36:25

Kon bu nim dɛɛrɑm wisi kpɑ bu dɛɛrɑ. Kon ben torɑnu kpuro wɔkɑ kpɑ n ben bũnu kpuro wunɑ n kɔ̃.

Esekiɛli 37:23

Bɑ ǹ mɑɑ tii disi dokemɔ ben bũu sɑ̃ɑnun sɔ̃ kɑ ben torɑnun sɔ̃. Kon bu yɑrɑmɑwɑ mi bɑ wɑ̃ɑ bɑ kɑ torɑ kpuron di. Kon bu dɛɛrɑsiɑwɑ mɑm mɑm. Bɑ ko n sɑ̃ɑwɑ nɛn tɔmbu kpɑ nɑ n mɑɑ sɑ̃ɑ ben Yinni.

Osee 12:1

Isirelibɑ bɑ rɑ n mɑn weesu kuɑmmɛwɑ, kpɑ bɑ n mɑn nɔni wɔ̃kumɔ. Adɑmɑ Yudɑbɑ bɑ kɑ nɛ, Yinni Gusunɔ Dɛɛro sĩimɔ dee dee.

Osee 13:2

Wee sere kɑ tɛ̃, bɑ durum mɔ̀ bɑ dɔɔ. Bɑ tii bwɑ̃ɑroku sii ɡeesuɡinu kuɑ. Ben tiiwɑ bɑ bwisikɑ mɑ bɑ nu sekɑ kɑ ben nɔmɑ nu kɑ nɑɑ binu weenɛ. Mɑ bɑ ɡerumɔ nin sɔ̃ bɑ mɔ̀, be bɑ yɑ̃kuru nɑ, bu yiiro bu nɑɑ bii ni sɔ̃su.

Osee 14:8

Bɑ koo ɡɔsirɑmɑ bu sinɑ nɛn kɔkɔrɔ kpɑ bu mɑɑ ɑlikɑmɑ duure. Bɑ koo kpɑrɑwɑ nɡe resɛm dɑ̃ɑ kpɑ bu yĩsiru yɑri nɡe Libɑnin tɑm.

Osee 2:17

Kon nùn win resɛm ɡbɑɑru wesiɑ te tɑ wɑ̃ɑ Akɔɔn wɔwɑɔ. Yĩsi ten tubusiɑnɑ nɔni swɑ̃ɑrun wɔwɑ. Yerɑ yɑ ko n sɑ̃ɑ win yĩiyɔbun tore, kpɑ u womu ko nɡe sɑnɑm mɛ u yɑrimɑ sɑɑ Eɡibitin di win wɔndiɑru.

Osee 4:12

Dɑ̃ɑ kukun miyɑ bɑ rɑ bikiɑru de ɡu kɑ bu ɡɑri sɔ̃. Bũu ɡɑsiribu derɑ bɑ kɔ̃ɔrɑ mɑ bɑ kɑ mɑn tondɑ.

Osee 5:13

Mɛyɑ Isirelibɑ bɑ tii bɑrɑru wɑɑsi. Mɑ Yudɑbɑ bɑ ben bosu wɑ. Mɑ Isirelibɑ bɑ ɡɔrɑ Asiriɔ bu kɑ sinɑ boko Yɑrɛbu somiru kɑnɑ. Adɑmɑ u ǹ kpɛ̃ u bu bɛkiɑ u sere nɛɛ, u koo ben bosu kpeesiɑ.

Osee 7:11

Bɑ sɑ̃ɑwɑ nɡe totobɛrɛ te tɑ ǹ bwisi mɔ. Bɑ Eɡibitiɡibu somiru kɑnɑmɔ, mɑ bɑ dɑɑmɔ Asiriɔ.

Osee 8:6

Wi u bwɑ̃ɑrokunun sɔmburu yɛ̃ Isirelibɑ sɔɔ wiyɑ u nɑɑ wurɑɡiɑ ye kuɑ. Yɑ ǹ sɑ̃ɑ Gusunɔ. Yen sɔ̃nɑ bɑ koo ye kɔsuku muku muku.

Osee 8:9

Domi bɑ dɑ Asiriɔ nɡe ɡbeeku kɛtɛku ɡe ɡɑ tii kpɑre. Bɑ dɑ bɑ somiru kɑsu mi.

Yonɑsi 2:10

Adɑmɑ nɛ, kon nun yɑ̃kuru kuɑ. Kon nun siɑrɑ, kpɑ n nɛn nɔɔ mwɛɛru yibiɑ. Yinni Gusunɔ, wunɑ ɑ rɑ mɑn fɑɑbɑ ko.

Sɑkɑri 13:2

Yen tɔ̃ɔ te, nɛ, Gusunɔ wɔllu kɑ tem Yinni kon bũnun yĩsinu kpeerɑsiɑ tem mɛ sɔɔ kpɑ bu ku rɑɑ mɑɑ nu yɑɑyɑ. Kon mɑɑ nɛn sɔmɔ weesuɡii be bɑ bũu sɑ̃ɑrun kĩru mɔ mi wunɑ.

Yohɑnu 14:18

Nɑ ǹ bɛɛ derimɔ ɡoberu. Kon kpɑm wurɑmɑ bɛɛn mi.

Sɔ̃ɔsiru 17:16

Sinɑ boko wi, u ǹ ko u n dumi mɔ dɑbi dɑbiru. U ǹ ko u n dɑ mɑɑ ɡɑbu ɡɔri Eɡibitiɔ bu dumi dweemɑ. Domi Yinni Gusunɔ u bɛɛ sɔ̃ɔwɑ u nɛɛ, u ǹ kĩ i mɑɑ wurɑ mi.