Osee 13:10 - Bibeli Gusunɔn Gari

¹⁰ Mɑnɑ bɛɛn sinɑ boko u wɑ̃ɑ. I de u bɛɛ fɑɑbɑ ko bɛɛn wusu kpuro sɔɔ. Mɑnɑ bɛɛn kpɑrobɑ wɑ̃ɑ be i bikiɑ i nɛɛ, bu bɛɛ sinɑmbu kuɑ.

Osee 13:10 Iomraidhean Croise

Sinɑmbu I 12:20

Sɑɑ yè sɔɔ Isirelibɑ kpuro bɑ nuɑ mɑ Yeroboɑmu u wurɑmɑ sɑɑ Eɡibitin di, yerɑ bɑ mɛnnɑ bɑ nùn sokusiɑ. Ye u nɑ, yerɑ bɑ nùn kuɑ ben sunɔ. Yudɑn bweseru bɑɑsi, ɡoo sɑri wi u mɑɑ kɑ Dɑfidin bweseru yɔ̃rɑ.

Sinɑmbu II 17:4

Sɔ̃ɔ teeru Asirin sinɑ boko wi, u ɡiɑ mɑ Osee u kĩ u nùn seesi. Domi u nuɑ mɑ u Eɡibitin sinɑ boko ɡɔriɑ Soowɔ kpɑ u ku rɑɑ mɑɑ kɑ Asirin sinɑ bokon wɔ̃ɔ ɡobi yi kɔsiɑ. Yerɑ Asirin sinɑ boko wi, u Osee mwɑ u kɑ yɔni bɔkuɑ u kɛnuɑ.

Womusu 10:16

Yinni Gusunɔ, wunɑ ɑ sɑ̃ɑ sinɑ boko sere kɑ bɑɑdommɑɔ. Kɑɑ be bɑ ǹ nun sɑ̃ɑmɔ ɡirɑ wunɛn tem di.

Womusu 149:2

Isireli, ɑ yɛ̃ɛrio wi u nun tɑkɑ kuɑ sɔɔ. Siɔniɡibu, i yɛ̃ɛrio bɛɛn sinɑ bokon sɔ̃.

Womusu 44:4

Bɛsɛn bɑɑbɑ be, bɑ bwese nin tem mwɑ. N ǹ mɔ yèn sɔ̃ bɑ tɑkobi mɔ, n ǹ mɑɑ mɔ yèn sɔ̃ bɑ dɑm mɔ, ɑdɑmɑ yèn sɔ̃ ɑ bu kĩwɑ mɑ ɑ wɑ̃ɑ kɑ be, mɑ ɑ bu yɑrɑ kɑ wunɛn nɔmu.

Womusu 74:12

Gusunɔ, sɑɑ yellun di wunɑ ɑ sɑ̃ɑ nɛn sunɔ. Wunɑ ɑ sun fɑɑbɑ kuɑ nɔn dɑbinu.

Womusu 89:18

Domi wunɑ ɑ sɑ̃ɑ ben dɑm kɑ ben bɛɛrɛ. Wunɛn sɑɑbuwɑ sɑ tɑ̃simɔ.

Esɑi 33:22

Wee, sin wɛ̃ɛ yi koo kɑsikirɑ, kpɑ yi kun mɑɑ sin bekɑ nɛni ɡberebɑ sɔɔ woo ɡu kɑ su bɔriɑ. Yerɑ n koo de bu bu dukiɑ bɑkɑ ɡurɑri. Bɑɑ kɑ yɛmɔbɔ bɑ koo dɑ mi, bu kɑ yɑ̃ɑ ni ɡurɑ. Yinni Gusunɔwɑ u ko n sɑ̃ɑ bɛsɛn siri kowo, kpɑ u sun woodɑ wɛ̃. Wiyɑ u ko n sɑ̃ɑ bɛsɛn sinɑ boko. Kpɑ u sun fɑɑbɑ ko.

Esɑi 43:15

Nɛnɑ nɑ sɑ̃ɑ Gusunɔ bɛɛn Yinni Dɛɛro. Nɛnɑ nɑ bɛɛ tɑkɑ kuɑ nɑ mɑɑ sɑ̃ɑ bɛɛn sunɔ.

Yeremi 2:28

Bɛɛ Yudɑbɑ, bɛɛn bwɑ̃ɑroku ni i tii sekuɑ nu kɑ bɛɛn wusu ɡeeru nɛ mi, mɑnɑ nu wɑ̃ɑ. Nu seewo nu bɛɛ fɑɑbɑ ko wɑhɑlɑn sɑɑ sɔɔ nù n koo kpĩ.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Swĩi 4:20

Bɛsɛn sinɑ boko wi u derɑ sɑ wɑ̃ɑ, wi, wi Yinni Gusunɔ u ɡɔsɑ, wee, bɑ nùn yinɑ mwɑ. N deemɑ sɑ rɑɑ nɛɛ, win sɑɑbuwɑ sɑ kɑ tii mɔ bwesenun suunu sɔɔ.

Osee 10:3

Bɑ koo tɛ̃ nɛɛ, yèn sɔ̃ sɑ ǹ Gusunɔ nɑsie, yen sɔ̃nɑ sɑ ǹ sinɑ boko mɔ. Adɑmɑ tɛ̃n wɑ̃ɑ te sɑ wɑ̃ɑ mini, mbɑ sinɑ boko koo mɑɑ kpĩ u sun wunɑnɑ.

Osee 13:4

Adɑmɑ nɛ, nɑ sɑ̃ɑwɑ Gusunɔ ben Yinni sɑɑ mìn di nɑ bu yɑrɑmɑ Eɡibitin di. Bɑ ǹ mɑɑ Yinni ɡoo mɔ mɑ n kun mɔ nɛ. Fɑɑbɑ kowo mɑɑ sɑri nɛ bɑɑsi.

Osee 3:4

Nɡe mɛyɑ Isirelibɑ bɑ ko n wɑ̃ɑ sunɔ sɑri n kɑ tɛ. Mɛyɑ bɑ ǹ ko n mɑɑ wiruɡii mɔ. Bɑ ǹ mɑɑ yɑ̃kunu mɔ̀. Bɑ ǹ mɑɑ bũnu ɡɑnu sɑ̃ɑmɔ. Mɛyɑ yɑ̃ku kowo ɡoo kun ko n mɑɑ wɑ̃ɑ ben suunu sɔɔ u kɑ bu bikiɑru kuɑ.

Osee 7:7

Be kpuro bɑ sumwɑ nɡe dɔ̃ɔ. Bɑ rɑ ben kpɑrobu ɡowɑ kpɑ ben sinɑmbu bɑ n wɔrukumɔ tiɑ tiɑ. Adɑmɑ ben ɡoo ku rɑ mɑɑ mɑn somiru kɑnɛ.

Osee 8:4

Bɑ tii sinɑmbu kuɑ bɑ ǹ mɑn sɑɑwɑrɑ kue. Mɑ bɑ bũnu sekɑ kɑ sii ɡeesu kɑ wurɑ. Yen sɔ̃nɑ bɑ koo kɑm ko.

Sɑkɑri 14:9

Yinni Gusunɔwɑ u ko n sɑ̃ɑ tem kpuron sunɔ. Wi turowɑ u ko n sɑ̃ɑ Yinni. Win turon yĩsirɑ tɔmbu kpuro bɑ koo ɡiɑ.

Yohɑnu 1:49

Nɑtɑniɛli u nɛɛ, yinni, wunɛ Gusunɔn Biiwɑ! Wunɛ Isirelibɑn sinɑ bokowɑ!

Sɑmuɛli I 8:7

Yerɑ Yinni Gusunɔ u nùn sɔ̃ɔwɑ u nɛɛ, ye tɔn be, bɑ nun sɔ̃ɔwɑ kpuro, ɑ wuro. A ku yinɑ. Domi n ǹ wunɛ bɑ yinɑmɔ, nɛnɑ bɑ yinɑ nɑ n sɑ̃ɑ ben sunɔ.