Osee 13:1 - Bibeli Gusunɔn Gari

¹ Yellu Efɑrɑimubɑrɑ bɑ dɑm bo Isirelibɑ sɔɔ. Bɑ̀ n bwese kɛri yi yi tie ɡɑri sɔ̃ɔwɑ, bɑ rɑ nɑndewɑ. Adɑmɑ bɑ bũu wi bɑ mɔ̀ Bɑɑli sɑ̃wɑ, mɑ bɑ ɡu.

Osee 13:1 Iomraidhean Croise

Torubu 2:17

Adɑmɑ dɑ̃ɑ tèn binu nu koo tɔnu ɡeɑ kɑ kɔ̃sɑ ɡiɑsiɑ, ɑ ku rɑ ten binu di, domi dɔmɑ te ɑ nu di, kɑɑ ɡbiwɑ.

Sinɑmbu I 12:25

Yeroboɑmu u wuu ɡe bɑ mɔ̀ Sikɛmu ɡbɑ̃rɑru toosi ɡe ɡɑ wɑ̃ɑ Efɑrɑimun ɡuurun berɑ ɡiɑ. Mɑ u sinɑ mi. Yen biru u yɑrɑ min di u dɑ u Penuɛli ɡbɑ̃rɑru toosi.

Yoobu 29:21

Yellu, tɔmbu bɑ rɑ yɔ̃rewɑ bu nɛn ɡɑri swɑɑ dɑki. Bɑ rɑ nɔɔ mɑriwɑ bu nɛn bwisi nɔ.

Yoobu 29:22

Nɑ̀ n ɡɑri ɡeruɑ nɑ kpɑ, ɡoo ku rɑ mɑɑ ɡɑ̃ɑnu wisi. Nɛn ɡɑri yi, yi rɑ bu duuriwɑ kpurɛ kpurɛ nɡe nim mɛ mu dɑ̃ɑkumɔ.

Mɔnnu 18:12

Tii suɑbu bu rɑ kɑ tɔnu kɑm kobu nɑɑwɛwɑ, ɑdɑmɑ tii kɑwɑbu bu rɑ dewɑ bu tɔnu bɛɛrɛ wɛ̃.

Esɑi 66:2

Ye kpuro nɛɡiɑ. Nɛnɑ nɑ ye tɑkɑ kuɑ kɑ nɛn nɔmɑ. Wi u tii kɑwe, u nuki sɑnkire win durum sɔ̃, mɑ u nɛn ɡɑri nɑsie, wiyɑ nɑ kɑ nɔnu ɡeu mɛɛrɑ.

Esɑi 7:8

Siri kpuron dɑm mu wɑ̃ɑwɑ Dɑmɑsiɔ. Resini tɔnɑwɑ u sɑ̃ɑ Dɑmɑsin dɑm. Isireli kpuron dɑm mu wɑ̃ɑwɑ Sɑmɑriɔ. Mɛyɑ Remɑliɑn bii tɔnɑwɑ u sɑ̃ɑ Sɑmɑrin dɑm. Adɑmɑ wɔ̃ɔ wɑtɑ kɑ nɔɔbun bɑɑ sɔɔ, Isirelibɑ bɑ koo yɑrinɑ kpɑ bɑ kun mɑɑ dɑm ɡɑm mɔ. Yen sɔ̃, Akɑsi u n tororu sɔ̃, u n nɛ, Yinni Gusunɔ nɑɑnɛ sɑ̃ɑ. Mɑ n kun mɛ, win dɑm mu koo mɑɑ kpe.

Osee 11:2

Adɑmɑ nɡe mɛ nɑ bu sokumɔ nɡe mɛyɑ bɑ kɑ mɑn tondɑmɔ. Bɑ dɑ bɑ bũu ni bɑ mɔ̀ Bɑɑli sɑ̃ɑmɔ. Mɑ bɑ nu turɑre dɔ̃ɔ dokeɑmmɛ.

Osee 2:10

Mɛyɑ u ǹ dɑɑ ɡie mɑ nɛnɑ nɑ nùn dobi kɑ tɑm kpɑm kɑ ɡum wɛ̃ɛmɔ. Mɛyɑ nɑ mɑɑ nùn sii ɡeesu kɑ wurɑ tɑɑsi. Adɑmɑ u kɑ ye bũu wi bɑ mɔ̀ Bɑɑli sɑ̃wɑ.

Osee 2:8

Yen sɔ̃, kon win swɑɑ kɛnɛ kɑ sɑ̃ki, kpɑ n ye dɑ̃ɑ sɛ̃suku kpɑ u kun mɑɑ win swɑɑ ye swĩi.

Osee 8:4

Bɑ tii sinɑmbu kuɑ bɑ ǹ mɑn sɑɑwɑrɑ kue. Mɑ bɑ bũnu sekɑ kɑ sii ɡeesu kɑ wurɑ. Yen sɔ̃nɑ bɑ koo kɑm ko.

Gbɑburu 10:22

Kehɑtibɑn biru, Efɑrɑimun bwese kɛrɑ yɑ swĩi kɑ yen tɑbu kowo wuunu bɑ ben ɡidi bɔrɑ ɡbiisie. Beyɑ Mɑnɑsebɑ kɑ Bɛnyɑmɛɛbɑ. Efɑrɑimubɑn tɑbu sunɔn yĩsirɑ Elisɑmɑ, Amihudun bii. Mɑnɑsebɑn tɑbu sunɔn yĩsirɑ Gɑmuliɛli, Pedɑsurin bii. Bɛnyɑmɛɛbɑn tɑbu sunɔn yĩsirɑ Abidɑni, Gideonin bii.

Gbɑburu 13:16

Tɔn be bɑ siɑ mi, beyɑ Mɔwisi u ɡɔsɑ u ɡɔrɑ bu kɑ tem mɛn sɑriɑ mɛɛrim dɑ. Mɑ u Osee Nunin bii yĩsiru kɑ̃, Yosue.

Gbɑburu 13:8

Efɑrɑimun bweseru sɔɔ, Osee, Nunin bii.

Luku 14:11

Kɑ ɡeemɑ bɑɑwure wi u tii suɑ wɔllɔ, bɑ koo nùn kɑwɑ. Bɑɑwure wi u mɑɑ tii kɑwɑ, bɑ koo nùn suɑ wɔllɔ.

Romu 5:12

Torɑru tɑ duɑ hɑnduniɑ sɔɔ sɑɑ tɔn turon min di, mɑ win torɑ te, tɑ kɑ ɡɔɔ nɑ. Gɔɔ wi, u tɔmbu kpuro ɡirɑri domi kpurowɑ bɑ torɑ.

Korinti II 5:14

Domi Kirisin kĩrɑ sun nɛni, bɛsɛ be sɑ tubɑ mɑ tɔn turo ù n ɡu tɔmbu kpuron ɑyerɔ, tɔmbu kpurowɑ bɑ ɡu.

Yosue 3:7

Yen biru Yinni Gusunɔ u Yosue sɔ̃ɔwɑ u nɛɛ, sɑɑ ɡisɔn di, kon de ɑ n yiiko mɔ Isirelibɑ kpuron nɔni sɔɔ, kpɑ bɑ n yɛ̃ mɑ nɑ wɑ̃ɑ kɑ wunɛ nɡe mɛ nɑ rɑɑ wɑ̃ɑ kɑ Mɔwisi.

Kpɑrobu 12:1

Yenibɑn biruwɑ Efɑrɑimubɑ bɑ mɛnnɑ bɑ Yuudɛni tɔburɑ bɑ dɑ sɔ̃ɔ yɛ̃sɑn nɔm ɡeu ɡiɑ Yɛfiten mi, bɑ nɛɛ, mbɑn sɔ̃nɑ ɑ Amɔnibɑ tɑbu wɔri mɑ ɑǹ sun sokɑ su nun somi. Yen sɔ̃ tɛ̃, sɑ ko nun dɔ̃ɔ mɛni kɑ wunɛn diru sɑnnu.

Kpɑrobu 8:1

Yen biru Efɑrɑimubɑ bɑ Gedeoni sɔ̃ɔwɑ bɑ nɛɛ, mbɑn sɔ̃nɑ ɑ sun kuɑ mɛ, ɑǹ sun sokɑ su nun somi sɑnɑm mɛ ɑ dɔɔ ɑ kɑ Mɑdiɑnibɑ tɑbu ko. Mɑ bɑ nùn ɡerusi ɡem ɡem.

Sɑmuɛli I 15:17

Sɑmuɛli u nɛɛ, yellu ɑ tii ɡɑrisiwɑ bwɛ̃ɛbwɛ̃ɛ, mɑ Yinni Gusunɔ u nun ɡɔsɑ ɑ kuɑ Isirelibɑn sunɔ.