Osee 12:12 - Bibeli Gusunɔn Gari

¹² Kɑ mɛ, Gɑlɑdiɡibu bɑ kuɑ tɔn kɔ̃sobu. Mɑ bɑ koo kɑm ko. Bɑ rɑ kɛtɛ kinɛ dɑbinu ɡo Giliɡɑliɔ. Adɑmɑ ben yɑ̃ku yenu nu koo ko kpee subenu ɡbɑɑnun kpĩi sɔɔ.

Osee 12:12 Iomraidhean Croise

Torubu 27:43

Tɛ̃ nɛn bii, ɑ nɛn ɡɑri swɑɑ dɑkio. A seewo ɑ kpikiru dɑ nɛn sesu Lɑbɑnin mi Hɑrɑniɔ.

Torubu 30:26

Kpɑ ɑ de n kɑ nɛn kurɔbu kɑ nɛn bibu dɑ bèn sɔ̃ nɑ nun sɑ̃wɑ. A mɑɑ yɛ̃ kɔ mɛ̀n nɔɔ nɑ nun sɔmburu kuɑ.

Torubu 31:41

Nɡe mɛyɑ nɑ kuɑ sere wɔ̃ɔ yɛndu, nɑ nun sɔmburu kuɑwɑ wɔ̃ɔ wɔkurɑ nnɛ wunɛn bii tɔn kurɔbun sɔ̃, mɑ nɑ mɑɑ kuɑ wɔ̃ɔ nɔɔbɑ tiɑ yɑ̃ɑ ni kɑ boo nin sɔ̃. Kɑ mɛ, ɑ nɛn kɔsiɑrun ɡɑri ɡɔsiɑwɑ sere nɔn wɔkuru.

Osee 4:15

Isirelibɑ bɑ bũnu ɡɑsirimɔ, ɑdɑmɑ Yudɑbɑ bu ku rɑɑ bu swĩi. Bu ku dɑ Giliɡɑliɔ ǹ kun mɛ Betɛli Afɛniɔ bu kɑ yɑ̃kunu ko kpɑ bɑ n bɔ̃rumɔ bɑ n mɔ̀, sere kɑ Yinni Gusunɔn wɑ̃ɑru.

Osee 6:8

Gɑlɑdiɡibu bɑ sɑ̃ɑwɑ tɔn kɔ̃sobu mɑ bɑ yɛm yɑri bɑɑmɑ.

Sɔ̃ɔsiru 26:5

Kpɑ yɛ̃ro u ɡere Gusunɔn wuswɑɑɔ u nɛɛ, win sikɑdo u sɑ̃ɑwɑ Arɑmuɡii wi u kun wɑ̃ɑ yeru mɔ. U dɑ Eɡibitiɔ u sinɑ mi kɑ tɔmbu fiiko be bɑ wɑ̃ɑ kɑ wi. Yen biru, tɔn be, bɑ dɑbiɑ bɑ kuɑ bwese dɑmɡiru.